Mobil versiya
BNA: Avtobusda maskasız sərnişin aşkarlanarsa, polisə məlumat veriləcək
Tarix: 25-06-2020 | Saat: 13:15
Bölmə:Karusel / Ölkə | çapa göndər

BNA:


Bakı Nəqliyyat Agentliyi (BNA) marşrut avtobuslarında maskadan istifadənin qadağan edilməsilə bağlı nəzarət tədbirlərinə start verib.

Trend-in məlumatına görə, bunu Agentliyin sərnişindaşıma şöbəsinin müdiri Vüqar Məmmədzadə deyib.

Onun sözlərinə görə, agentlik artıq bu gündən bu məsələ ilə bağlı tam qüvvəsi ilə xidmət göstərir. Əməkdaşlarımız şəhər ərazisindəki bütün məntəqələrimizdə nəzarət həyata keçirir. Dayanacaqlarda əməkdaşlarımız dünəndən etibarən sərnişinlər arasında təbliğat aparır. Qanunvericiliyə görə, maskadan istifadə etməyən şəxslər cəzalanmalıdır. Amma biz cərimələnmənin tərəfdarı deyilik, ona görə də maarifləndirmə xarakterli tədbirlər həyata keçirir və insanları maskadan istifadəyə çağırırıq. Bakı Nəqliyyat Agentliyi bununla bağlı sərnişindaşımadakı daşıyıcılara və onların sürücülərinə xəbərdarlıqlar edib. Sürücülərə tapşırılıb ki, avtobusa maskasız sərnişin daxil olan kimi nəqliyyat vasitəsini saxlasın və dayanacaqdan tərpənməsin. Həmçinin sərnişinlər arasında təbliğat aparırıq ki, avtobuslarda maskasız şəxs gördükləri halda ictimai qınaq obyektinə çevirsinlər. Sürücülərə də tapşırılıb ki, avtobusda maskasız şəxs aşkarlayarlarsa, dərhal yaxınlıqda olan polis əməkdaşlarına məlumat versinlər. Bununla da maskasız sərnişin polis vasitəsilə avtobusdan kənarlaşdırılacaq".

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
20-01-2025