Mobil versiya
Təhsil Nazirliyi: Şagirdlər arasında keçiriləcək qiymətləndirilmə monitorinq xarakterli olacaq
Tarix: 20-05-2020 | Saat: 09:55
Bölmə:Təhsil | çapa göndər

Təhsil Nazirliyi:


Ümumtəhsil müəssisələrində təhsilalanların iyun ayında keçirilməsi nəzərdə tutulan qiymətləndirilməsi monitorinq xarakterli olacaq.

Bunu Trend-ə Təhsil Nazirliyinin Ümumi və məktəbəqədər təhsil şöbəsinin müdirinin müavini Orxan Abbasov deyib.

Onun sözlərinə görə, qiymətləndirmə seçilmiş siniflərdə və seçilmiş şagirdlər arasında həyata keçiriləcək:

"Qiymətləndirmə bütün şagirdləri əhatə etməyəcək. Çünki ölkədə 1 milyon 600 mindən çox şagird var. Mövcud qaydalara əsasən, onları bir araya toplamaq mümkün deyil".

O.Abbasov əlavə edib ki, qiymətləndirmənin konkret olaraq, hansı siniflərdə və hansı fənlər üzrə keçiriləcəyi ilə bağlı hələ qərar verilməyib:

"Bu qərarın olması da hazırkı vəziyyətdən çox asılıdır. Qərar mövcud şəraitə uyğun olaraq, veriləcək. Qərar verildikdə bu barədə ictimaiyyətə məlumat açıqlanacaq. Bu qiymətləndirmə monitorinq xarakterlidir. Biz bununla yoxlamaq istəyirik ki, şagirdlər tərəfindən teledərs və virtaul dərslərin mənimsənilməsi hansı səviyyədə olub. Ona görə də bu qiymətləndirmə ancaq konkret seçilmiş qrup üçün olacaq".

aia.az



Məlumatlanmaq üçün Facebook səhifəmizi

5612 dəfə oxunub.


Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
22-05-2020
{sape_links}{sape_article}