Mobil versiya
Təhsil Nazirliyi: Videodərslərə olan maraq kifayət qədər yüksəkdir
Tarix: 12-03-2020 | Saat: 09:52
Bölmə:Karusel / Təhsil | çapa göndər

Təhsil Nazirliyi:



Təhsil Nazirliyinin təşkilatçılığı ilə “Mədəniyyət” kanalında yayımlanan “Dərs vaxtı” verilişinə olan maraq kifayət qədər yüksəkdir.

Bunu Trend-ə Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Onun sözlərinə görə, dünən videodərslərin keçirildiyi ilk gün olsa da, dərsləri izləyənlərin sayı çox olub:

"Videodərslər "Mədəniyyət" kanalının "Facebook" səhifəsində də yerləşdirilir. Adi bir nümunə olaraq bunu qeyd edim ki, iki gün əvvəl "Mədəniyyət" kanalının "Facebook"dakı abunəçilərinin 2000 olduğu halda, indi abunəçilərin sayı 13 mini ötüb. Bunlar videodərslərə olan marağın göstəricisidir. Biz bu dərslərin maraqlı və keyfiyyətli olması üçün səylərimizi əsirgəmirik".

Xatırladaq ki, koronavirus təhlükəsi ilə əlaqədar martın 3-dən 27-dək ölkənin bütün təhsil müəssisələrində təlim-tədris dayandırılıb.

Təhsil Nazirliyi bu müddət ərzində şagirdlərin dərs proqramından geri qalmaması üçün martın 11-dən videodərslərin keçirilməsinə başlayıb.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024