Mobil versiya
Ədliyyə orqanlarında işləmək istəyənlər üçün test imtаhаnı keçirilir
Tarix: 19-12-2015 | Saat: 13:02
Bölmə:Gündəm / Aia TV / Karusel | çapa göndər

Ədliyyə orqanlarında işləmək istəyənlər üçün test imtаhаnı keçirilir
Tələbə Qəbulu üzrə Dövlət Komissiyası (TQDK) Ədliyyə orqanlarında işləmək istəyən namizədlər üçün test imtahanı keçirir.

Komissiyadan Lent.az-a verilən məlumata görə, imtahan saat 12:00-da vahid auditoriyada-Bakı İdman Sarayında (Bakı şəhəri, Neftçilər prospekti 26A ünvanında) təşkil olunub.
Xatırladaq ki, sənədlərin qəbulu Azərbaycan Respublikası Ədliyyə Nazirliyi tərəfindən aparılmış və 650 nəfərin namizədliyi qeydə alınıb.
Qeyd edək ki, imtahan 3 saat davam edir və namizədlərə 100 sualdan ibarət sual kitabçası təqdim olunur: 80 sual namizədin hüquq və qanunvericilik sahəsi üzrə biliyini yoxlayır; 20 sual isə namizədlərin məntiqi nəticə çıxarma qabiliyyətini müəyyən edir. Namizədlərin balları hesablandıqda hüquq və qanunvericilik sahəsinə aid test tapşırıqları üzrə hər düzgün cavab 1 bal, məntiqi nəticə çıxarma qabiliyyətini müəyyən edən test tapşırıqları üzrə hər düzgün cavab 0.5 balla qiymətləndirilir. Toplanması mümkün olan maksimal bal 90-a bərabərdir. Nəticələr hesablandıqda yanlış cavablar düz cavabların nəticəsinə təsir göstərmir.

Test imtahanının yekununa görə 55 və daha artıq bal toplamış namizədlər uğur qazanmış hesab olunur. Həmin namizədlərin zəruri sənədlərinin toplanması və yoxlanılması bu mərhələdən sonra həyata keçiriləcək və qanunvericiliklə müəyyən edilmiş bütün tələblərə cavab verən şəxslər ikinci mərhələyə - söhbətə buraxılacaqlar



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə