Mobil versiya
“Azərbaycan Xalq Cümhuriyyəti dövründə dil problemləri” mövzusunda tədbir keçirilib
Tarix: 05-04-2018 | Saat: 14:41
Bölmə:Təhsil | çapa göndər

“Azərbaycan Xalq Cümhuriyyəti dövründə dil problemləri” mövzusunda tədbir keçirilib


Bakı Dövlət Universitetinin Filologiya fakültəsinin “Azərbaycan dili və nitq mədəniyyəti” kafedrasının əməkdaşları və Kitabxanaçılıq-informasiya fakültəsinin tələbələrinin iştirakı ilə “Azərbaycan Xalq Cümhuriyyəti dövründə dil problemləri” mövzusunda tədbir keçirilib. Tədbirin təşkilatçısı, Azərbaycan dili və nitq mədəniyyəti kafedrasının dosenti Ofelya Piriyeva ümummilli lider Heydər Əliyevin müasir Azərbaycan Respublikasının Azərbaycan Xalq Cümhuriyyətinin (AXC) varisi olmasını dəfələrlə bəyan etməsini, prezident İlham Əliyevin 2018-ci ilin Respublikamızda “Azərbaycan Xalq Cümhuriyyəti ili” elan edilməsi ilə bağlı sərəncamını xatırladıb. O, AXC-nin yaranması tarixinin önəmindən, həmin dövrdə olan dil problemlərindən bəhs edib.

Daha sonra çıxış edən tələbələr – Sadiq Əhmədli, Fidan Mirzəyeva, Rəbiyyə Hümbətli, Məhəmməd Mustafayev AXC-nin fəaliyyət göstərdiyi iki il ərzində Azərbaycan dilinin dövlət dili kimi inkişafından, onun təhsil və tədrisdə yeri, məktəblərin milliləşdirilməsi məsələlərindən bəhs edib, həyata keçirilən islahatlarda danışıb, ali təhsil müəssisələrinin flaqmanı olan Bakı Dövlət Universitetinin Cümhuriyyət dövründə təsis edildiyini bildiriblər.

Tədbir Kitabxanaçılıq və informasiya fakültəsi tələbələrinin hazırladığı bədii hissə ilə davam edib.

Sonda tələbələrdən Şəms Əliyeva, Arzu Abbasova və Sabrina Ələkbərova AXC-yə həsr olunmuş şeirlər səsləndiriblər.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024