Mobil versiya
İranda həbs olunanların sayı 47-yə çatdı – VİDEO
Tarix: 11-11-2015 | Saat: 14:09
Bölmə:Şou-biznes / Aia TV / Karusel | çapa göndər


Sarafraz etiraz edən xalqdan üzr istəyib.

İranda azərbaycanlıların kütləvi etirazlarına səbəb olan İran dövlət televiziyasındakı "Fitilə" adlı proqramı fəaliyyətini dayandırıb.

Aia.az APA TV-yə istinadən xəbər verir ki, iran mətbuatı bildirir ki, proqramın fəaliyyətinin dayandırılması ilə yanaşı, bir neçə məsul şəxs də tutduğu vəzifəsindən uzaqlaşdırılıb.

Eyni zamanda televiziyanın direktoru Məhəmməd Sarafraz etiraz edən xalqdan üzr istəyib. Buna baxmayaraq, İranda azərbaycanlıların etirazları davam edir. Küçə nümayişlərinin qarşısını almaq üçün ötən gün bir çox şəhərlərdə polis qüvvələri gücləndirilmiş rejimdə işləyib.

Etirazçılar isə televiziyanın birbaşa bağlı olduğu ali dini lideri Ayətulla Əli Xamneyinin üzr istəməsini və İran parlamentinin etnik xalqlara, xüsusilə də azərbaycanlılara ayrı-seçkiliyi qadağan edən qanun qəbul etməsini tələb edir. Azərbaycanlıların etirazlarına İrandakı digər etnik xalqlar da qoşulublar. Belə ki, ərəb və bəluc fəallar azərbaycanlıları dəstək xarakteri daşıyan bəyanat yayıblar.

Güney Azərbaycanın Meşginşəhr şəhərində isə 22 nəfər saxlanılıb. Bu barədə informasiyanı Güney Azərbaycan Milli Azadlıq Cəbhəsi yayıb. ETTELAAT-ın (İranın Kəşfiyyat Nazirliyi) həbs etdiyi 22 nəfərdən 4-nün 18 yaşdan aşağı yeniyetmə olduğu bildirilir.

Qeyd edək ki, hazırkı həbslərlə saxlanılanların sayı 47 nəfərə çatıb.

Xatırladaq ki, ötən gün İranda Azərbaycan türkləri izdihamlı etiraz aksiyaları keçirib. Aksiya iştirakçıları noyabrın 6-da İranın “Kanal 2” telekanalında yayımlanmış proqramda azərbaycanlıların təhqir edilməsinə etirazlarını bildiriblər.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə