Mobil versiya
DİN Ramin Hacılının yoxa çıxması ilə bağlı məlumat yaydı - YENİLƏNİB 2
Tarix: 27-10-2015 | Saat: 11:26
Bölmə:Gündəm / Aia TV / Karusel | çapa göndər

DİN Ramin Hacılının yoxa çıxması ilə bağlı məlumat yaydı - YENİLƏNİB 2
Deputatlığa namizəd şəxsi problemləri ilə bağlı ölkədən gedib

Məsələ ilə bağlı Lent.az-a açıqlama verən Daxili İşlər Nazirliyinin mətbuat xidmətinin rəis müavini Ehsan Zahidov xəbəri təsdiqləyib.

O bildirib ki, dünən Bakı şəhər sakini Aysel Əlizadə Binəqədi RPİ-nin 5-ci Polis Bölməsinə müraciət edərək həyat yoldaşı Ramin Hacılının itkin düşməsi barədə məlumat verib. Bununla əlaqədar polis əməkdaşları dərhal müvafiq tədbirlər həyata keçirib. Bu gün axtarışı davam etdirən polis əməkdaşları məlumat alıblar ki, R.Hacılı həyat yoldaşı ilə telefon əlaqəsi yaradıb və bildirib ki, öz şəxsi işləri ilə əlaqədar ölkədən kənara çıxıb və tezliklə qayıdacaq. Nazirlik rəsmisi bildirib ki, buna baxmayaraq, hazırda araşdırmalar davam etdirilir.

**
Ümid Partiyasının sədr müavini Ramin Hacılı şəxsi problemələri ilə əlaqədar Azərbaycanı tərk edib

Ümid Partiyasının sədr müavini Ramin Hacılının yeri müəyyənləşib.

Hüquq-mühafizə orqanlarından APA-ya verilən məlumata görə, R. Hacılının şəxsi problemləri ilə əlqədar ölkədən getdiyi məlum olub və onun axtarışına xitam verilib.

R. Hacılının həyat yoldaşı, yazar Aysel Əlizadə də APA-ya açıqlamasında onun tapıldığını təsdiqləyib: “Ramin biraz əvvəl mənə zəng etmişdi. Azərbaycanı tərk etdiyini, problemlərini həll edəndən sonra qayıdacağını bildirdi. Artıq onun axtarışının dayandırılması ilə bağlı polisə məlumat vermişəm”.

A. Əlizadə R. Hacılının hansı ölkədə olduğunu açıqlamayıb.

Qeyd edək ki, R. Hacılının ötən axşamdan itkin düşməsi barədə xəbərlər yayılıb. Partiyanın sədri İqbal Ağazadə APA-ya açıqlamasında bildirib ki, R. Hacılının telefonu dünən gün boyu söndürülmüş vəziyyətdə olub.
**
14:29
Ümid partiyasının sədr müavini, deputatlığa namizəd Ramin Hacılı itkin düşüb. R.Hacılının həyat yoldaşı, yazıçı-jurnalist Aysel Əlizadə Lent.az-a bildirib ki, onunla əlaqə dünən axşam saatlarından kəsilib: "Biz gecə saatlarında polisə məlumat vermişik. Ondan hələ ki, bir xəbər yoxdur".

Ümid Partiyasının sədri İqbal Ağazadə isə Lent.az-a açıqlamasında bildirib ki, Ramin Hacılı namizədliyini geri götürməyib: "Gəldiyim qənaət budur ki, son hadisənin siyasətə və Ramin Hacılının namizədliyinə heç bir aidiyyatı yoxdur".



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə