Mobil versiya
Baş pediatr SƏRT DANIŞDI: "İxtiyarı yoxdur"
Tarix: 11-05-2017 | Saat: 17:22
Bölmə:Səhiyyə | çapa göndər

Baş pediatr SƏRT DANIŞDI: "İxtiyarı yoxdur"




"Qida şirkətlərinin doğuşyardım və ya uşaq müəssisəsinə hədiyyə olaraq hansısa süni qida qatışığı verməyə ixtiyarı yoxdur. Bəzi halları biz də görürük, gücümüz çatan qədər qarşısını alırıq. Amma tək əldən səs çıxmaz. Biz çalışmalıyıq ki, uşaqların hüququ pozulmasın".

AİA.Az xəbər verir ki, bunu APA-ya respublikanın baş pediatrı Nəsib Quliyev bəzi doğum evlərinin süni qida məhsulları hazırlayan şirkətlərlə işbirliyi qurması barədə səslənən fikirlərə münasibət bildirərkən deyib.

N.Quliyev qeyd edib ki, doğum evlərində süni qida qatışığı satılması halları olmamalıdır. Baş pediatr hansısa doğum evinin, həkimlərin süni qida satan şirkətlə müqavilə bağlaması, əvəzində qidaları körpələrə verməsi haqda deyilənlərə inanmadığını bildirib: "Çox təəssüf ki, bu gün bunu özəl tibb müəsisələrində edirlər, dövlət tibb müəsisələrində belə hallar olmur. Bütün cəmiyyyət bu prosesə etiraz etməli, hamının sözü eyni olmalıdır. Yalnız təkid etdikdən, əziyyət çəkdikdən sonra nəsə nəticə əldə etmək olar. Çünki qarşıda duran tərəf - qida satan adamlar, şirkətlər, təşkilatlar nə əyri işə desən əl atırlar, nə desən edirlər. Son zamanlar çalışırlar ki, bu işləri maskalanmış şəkildə etsinlər. Bazar münasibətləri qəddardır və burada çox çətinliklər var".

AİA.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024