Göydəniz Qəhrəmanov: “Xarici investorlar Azərbaycanın bərpaolunan enerji layihələrində iştirak etməkdə kifayət qədər maraqlıdırlar”
Tarix: 04-04-2025 | Saat: 14:18
Bölmə:Manşet / Siyasət / Özəl | çapa göndər
“Almaniya Federativ Respublikası Azərbaycan Respublikasının müstəqilliyini 1992-ci ildə tanımışdır. Elə həmin ildə də İki ölkə arasında diplomatik münasibətlər qurulmuşdur. Bu gün Azərbaycan və Almaniya arasında davamlı siyasi dialoq mövcuddur, iqtisadiyyat və humanitar sahələrində geniş əməkdaşlıq həyata keçirilir. Almaniya Federativ Respublikasının Prezidenti Frank-Valter Ştaynmayerin aprelin 1-də Azərbaycana etdiyi səfər ilk rəsmi səfər olaraq xüsusi önəm kəsb edir. Ölkə Prezidenti cənab İlham Əliyev aprelin 2-də mətbuata verdiyi bəyanatında da bildirmişdir ki, Almaniya Prezidentinin ölkəmizə bu səfəri Azərbaycan-Almaniya əlaqələrinin inkişafına yeni müsbət təkan verəcək. Bu istiqamətdə perspektivlər iki ölkənin dövlət başçılarının keçirdikləri təkbətək görüşdə, eləcə də nümayəndə heyətlərinin iştirakı ilə apardıqları danışıqlarda geniş müzakirə edilmiş və müsbət qiymətləndirilmişdir. Qeyd olunmuşdur ki, gələcək illərdə ölkələrimiz arasında ticarət dövriyyəsinin şaxələndirilməsi ilə bağlı daha fəal addımlar atılmalıdır. Dövlətimizin başçısı xüsusilə bərpaolunan enerji sahəsində Almaniya şirkətlərinin çox böyük təcrübəsi olduğunu diqqətə çatdırmış və Azərbaycanın da 2030-cu ilə qədər bərpaolunan enerji növlərinin istehsal gücünü 6 giqavata çatdırmağı hədəflədiyini bir daha bəyan etmişdir. Bu enerji həcminin bir hissəsinin Avropaya ixrac ediləcəyi nəzərə alınarsa, xarici investorların bu layihələrdə iştirak etməkdə kifayət qədər maraqlı olacaqlarını demək olar.”
Bu sözləri mətbuata verdiyi açıqlamasında millət vəkili Göydəniz Qəhrəmanov deyib.
Deputat həmçinin qeyd edib ki, cənab Prezident İlham Əliyevin Azərbaycan ilə Ermənistan arasında gedən sülh prosesi barədə səsləndirdiyi fikirləri Cənubi Qafqazda təmsil olunmaq istəyən bütün Qərb ölkələri diqqətə almalıdırlar: “Ölkə Prezidenti cənab İlham Əliyev öz bəyanatında Azərbaycanın 30 il ərzində erməni işğalından əziyyət çəkdiyini bir daha xatırlatmaqla, Vətən müharibəsində əldə edilmiş tarixi Qələbə sayəsində başlanmış sülh danışıqlarının müstəsna önəmini bir daha vurğulamış oldu. Eyni zamanda da dövlət başçımızın səsləndirdiyi fikirlərdə bu gün Cənubi Qafqazda təmsil olunmaq istəyən bütün dairələrin diqqətə almalı olacaqları vacib məqamlar öz əksini tapıb. İşğal dövründə bir milyon azərbaycanlının evsiz-eşiksiz qalmasına, torpaqlarımızın təxminən 20 faizinin zəbt olunmasına rəğmən, beynəlxalq təşkilatlar bu məsələ ilə bağlı heç bir ciddi addım atmamışdılar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Buna görə də bundan sonra Cənubi Qafqazda istənilən bir qlobal layihənin reallaşdırılmsı üçün ilk növbədə lider dövlət kimi çıxış etdiyi Azərbaycanın mövqeyi öyrənilməlidir, Azərbaycanın maraqları nəzərə alınmalıdır Göydəniz Qəhrəmanov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 04-04-2025 | Saat: 14:18
Bölmə:Manşet / Siyasət / Özəl | çapa göndər
“Almaniya Federativ Respublikası Azərbaycan Respublikasının müstəqilliyini 1992-ci ildə tanımışdır. Elə həmin ildə də İki ölkə arasında diplomatik münasibətlər qurulmuşdur. Bu gün Azərbaycan və Almaniya arasında davamlı siyasi dialoq mövcuddur, iqtisadiyyat və humanitar sahələrində geniş əməkdaşlıq həyata keçirilir. Almaniya Federativ Respublikasının Prezidenti Frank-Valter Ştaynmayerin aprelin 1-də Azərbaycana etdiyi səfər ilk rəsmi səfər olaraq xüsusi önəm kəsb edir. Ölkə Prezidenti cənab İlham Əliyev aprelin 2-də mətbuata verdiyi bəyanatında da bildirmişdir ki, Almaniya Prezidentinin ölkəmizə bu səfəri Azərbaycan-Almaniya əlaqələrinin inkişafına yeni müsbət təkan verəcək. Bu istiqamətdə perspektivlər iki ölkənin dövlət başçılarının keçirdikləri təkbətək görüşdə, eləcə də nümayəndə heyətlərinin iştirakı ilə apardıqları danışıqlarda geniş müzakirə edilmiş və müsbət qiymətləndirilmişdir. Qeyd olunmuşdur ki, gələcək illərdə ölkələrimiz arasında ticarət dövriyyəsinin şaxələndirilməsi ilə bağlı daha fəal addımlar atılmalıdır. Dövlətimizin başçısı xüsusilə bərpaolunan enerji sahəsində Almaniya şirkətlərinin çox böyük təcrübəsi olduğunu diqqətə çatdırmış və Azərbaycanın da 2030-cu ilə qədər bərpaolunan enerji növlərinin istehsal gücünü 6 giqavata çatdırmağı hədəflədiyini bir daha bəyan etmişdir. Bu enerji həcminin bir hissəsinin Avropaya ixrac ediləcəyi nəzərə alınarsa, xarici investorların bu layihələrdə iştirak etməkdə kifayət qədər maraqlı olacaqlarını demək olar.”
Bu sözləri mətbuata verdiyi açıqlamasında millət vəkili Göydəniz Qəhrəmanov deyib.
Deputat həmçinin qeyd edib ki, cənab Prezident İlham Əliyevin Azərbaycan ilə Ermənistan arasında gedən sülh prosesi barədə səsləndirdiyi fikirləri Cənubi Qafqazda təmsil olunmaq istəyən bütün Qərb ölkələri diqqətə almalıdırlar: “Ölkə Prezidenti cənab İlham Əliyev öz bəyanatında Azərbaycanın 30 il ərzində erməni işğalından əziyyət çəkdiyini bir daha xatırlatmaqla, Vətən müharibəsində əldə edilmiş tarixi Qələbə sayəsində başlanmış sülh danışıqlarının müstəsna önəmini bir daha vurğulamış oldu. Eyni zamanda da dövlət başçımızın səsləndirdiyi fikirlərdə bu gün Cənubi Qafqazda təmsil olunmaq istəyən bütün dairələrin diqqətə almalı olacaqları vacib məqamlar öz əksini tapıb. İşğal dövründə bir milyon azərbaycanlının evsiz-eşiksiz qalmasına, torpaqlarımızın təxminən 20 faizinin zəbt olunmasına rəğmən, beynəlxalq təşkilatlar bu məsələ ilə bağlı heç bir ciddi addım atmamışdılar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Buna görə də bundan sonra Cənubi Qafqazda istənilən bir qlobal layihənin reallaşdırılmsı üçün ilk növbədə lider dövlət kimi çıxış etdiyi Azərbaycanın mövqeyi öyrənilməlidir, Azərbaycanın maraqları nəzərə alınmalıdır Göydəniz Qəhrəmanov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
