Mobil versiya
Bakı Mühəndislik Universitetinə rəhbərlik edəcək şəxsin adı açıqlandı
Tarix: 31-01-2017 | Saat: 18:32
Bölmə:Təhsil / Karusel | çapa göndər

Bakı Mühəndislik Universitetinə rəhbərlik edəcək şəxsin adı açıqlandı




Təhsil Nazirliyi: Yeni yaradılan Bakı Mühəndislik Universitetinin strukturu tam formalaşıb

Universitetə rəhbərlik müvəqqəti olaraq Sülhəddin Gözəlova tapşırılıb
“Qafqaz Universitetinin təhsil infrastrukturu bütövlükdə Bakı Mühəndislik Universitetinin tabeçiliyinə keçəcək. Bundan əlavə, Qafqaz Universitetinin pedaqoji kadr heyəti bütövlükdə Bakı Mühəndislik Universitetində fəaliyyətini davam etdirəcək”.

Bunu APA-ya Təhsil Nazirliyinin Elm, ali və orta ixtisas təhsili şöbəsinin Ali, orta ixtisas və əlavə təhsil sektorunun müdiri Sülhəddin Gözəlov deyib.

Onun sözlərinə görə, nazirliyin kollegiyası tələbələrin təhsillərinin ixtisaslar və tədris dilindən asılı olmayaraq yeni yaradılan dövlət statuslu universitetdə-Bakı Mühəndislik Universitetində davam etdirilməsi barədə qərar qəbul edib. S.Gözəlov vurğulayıb ki, ləğvetmə komissiyası və Qafqaz Universitetinin təsisçisi ləğv edilən ali məktəbin təhsil infrastrukturunun təhsil məqsədləri üçün istifadə edilməsi ilə bağlı Nazirlər Kabinetinə və Təhsil Nazirliyinə müraciət edib. Nazirliyin kollegiyasında həmin müraciətin də nəzərə aldığını deyən sektor müdiri vurğulayıb ki, Qafqaz Universitetinin təhsil infrastrukturu bütövlükdə Bakı Mühəndislik Universitetinin tabeçiliyinə keçəcək.

Nazirlik rəsmisi əlavə edib ki, hazırda ali məktəbdə Ləğvetmə Komissiyası çalışır və təhvil-təslim prosesi gedir.

S.Gözəlov qeyd edib ki, fəaliyyəti dayandırılan Qafqaz Universitetinin rektoru Havar Məmmədov Ləğvetmə komissiyasının sədri kimi fəaliyyətini davam etdirir:

“Amma dövlət statusuna malik olan Bakı Mühəndislik Universitetinin gələcək rektoru prezident tərəfindən təyin ediləcək. Hələlik isə Bakı Mühəndislik Universitetinin müvəqqəti rəhbərlik və icra səlahiyyəti mənə həvalə olunub”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024