Azərbaycan–Laos münasibətlərində yeni mərhələ: Dostluqdan iqtisadi tərəfdaşlığa doğru
Tarix: 20-10-2026 | Saat: 15:09
Bölmə:Siyasət | çapa göndər
Azərbaycan Respublikasının Prezidenti İlham Əliyevin həyata keçirdiyi çoxşaxəli və praqmatik xarici siyasət ölkəmizin beynəlxalq əlaqələrinin genişləndirilməsinə, qarşılıqlı faydalı əməkdaşlığın inkişafına və Azərbaycanın qlobal miqyasda etibarlı tərəfdaş kimi mövqeyinin möhkəmləndirilməsinə xidmət edir. Müxtəlif regionlarla siyasi dialoqun gücləndirilməsi, iqtisadi əlaqələrin şaxələndirilməsi və yeni əməkdaşlıq imkanlarının yaradılması Azərbaycanın xarici siyasət strategiyasının əsas istiqamətlərindəndir. Oktyabrın 13-də Laos Xalq Demokratik Respublikasının Prezidenti Thonqlun Sisulitin Azərbaycana rəsmi səfəri çərçivəsində Prezident İlham Əliyevin mətbuata verdiyi bəyanat da bu siyasətin mühüm məqamlarını özündə əks etdirir.
Dövlət başçısı bəyanatında Azərbaycan ilə Laos arasında münasibətlərin inkişaf perspektivlərinə toxunaraq səfərin ikitərəfli əlaqələrin daha da dərinləşməsinə mühüm töhfə verəcəyinə əminliyini ifadə edib. Prezident İlham Əliyev vurğulayıb ki, iki ölkə arasında siyasi münasibətlər uzun illərdir uğurla inkişaf edir, beynəlxalq təşkilatlar çərçivəsində qarşılıqlı dəstək və həmrəylik ənənələri qorunub saxlanılır. Bu əməkdaşlıq siyasi dialoqun davamlılığını və tərəflərin bir-birinə münasibətdə etibarlı mövqe nümayiş etdirdiyini göstərir.
Azərbaycan ilə Laos arasında diplomatik münasibətlər 1995-ci ildə qurulub. Ötən dövr ərzində iki ölkə arasında dostluq əlaqələri formalaşıb, parlamentlərarası münasibətlər və hakim partiyalar arasında əməkdaşlıq inkişaf edib. Laos Prezidentinin Azərbaycana ilk rəsmi səfəri isə ikitərəfli münasibətlər tarixində xüsusi əhəmiyyət daşıyır. Bu səfər mövcud siyasi əlaqələrin daha geniş əməkdaşlıq istiqamətləri ilə zənginləşdirilməsi üçün yeni imkanlar yaradır.
Prezident İlham Əliyevin bəyanatında diqqət çəkən əsas məqamlardan biri iqtisadi münasibətlərin genişləndirilməsi məsələsidir. Dövlət başçısı mövcud ticarət dövriyyəsinin iki ölkənin potensialını və əməkdaşlıq niyyətlərini tam əks etdirmədiyini bildirib. Bu baxımdan iqtisadi əlaqələrin intensivləşdirilməsi, qarşılıqlı ticarətin artırılması və biznes dairələri arasında birbaşa təmasların gücləndirilməsi əsas vəzifələr kimi müəyyənləşdirilib.
Bakıda keçirilməsi nəzərdə tutulan Azərbaycan–Laos Biznes Forumunun bu istiqamətdə mühüm rol oynayacağı gözlənilir. Forumun iş adamları arasında əlaqələrin genişlənməsinə, yeni layihələrin müzakirəsinə və investisiya imkanlarının müəyyənləşdirilməsinə şərait yaradacağı vurğulanıb. Azərbaycan tərəfi Laosda təqdim ediləcək konkret investisiya layihələrini nəzərdən keçirməyə hazır olduğunu bildirib. Bu yanaşma Azərbaycanın beynəlxalq iqtisadi əməkdaşlıqda qarşılıqlı fayda, konkret təşəbbüslər və real nəticələr prinsipinə üstünlük verdiyini nümayiş etdirir.
Bəyanatda humanitar əməkdaşlıq məsələləri də xüsusi yer tutub. Prezident İlham Əliyev Sovet İttifaqı dövründə iki mindən çox laoslu tələbənin Azərbaycanda təhsil aldığını xatırladaraq bu ənənənin yenidən canlandırılmasını təklif edib. Laoslu gənclər üçün təqaüd imkanlarının yaradılması təşəbbüsü iki ölkə arasında təhsil əlaqələrinin inkişafına, elmi-mədəni mübadilənin genişlənməsinə və xalqlar arasında qarşılıqlı anlaşmanın güclənməsinə xidmət edə bilər. Bu təşəbbüs, eyni zamanda, Azərbaycanın beynəlxalq təhsil və humanitar əməkdaşlıq sahəsindəki imkanlarını nümayiş etdirir.
Prezidentlərin müzakirələrində mina təhlükəsi ilə mübarizə məsələsi də diqqət mərkəzində olub. Hər iki ölkənin bu problemlə üzləşməsi təcrübə mübadiləsini və birgə əməkdaşlığı zəruri edir. Prezident İlham Əliyev Ermənistanın işğalı dövründə Azərbaycan ərazilərində bir milyondan çox minanın basdırıldığını, son beş-altı il ərzində mina partlayışları nəticəsində 400-dən çox azərbaycanlının həlak olduğunu və ya ağır yaralandığını qeyd edib. Bu faktlar mina təhlükəsinin ölkəmiz üçün nə qədər ciddi humanitar problem olduğunu göstərir. Müasir texnologiyaların tətbiqi, mütəxəssis hazırlığı və təcrübə mübadiləsi bu sahədə əməkdaşlığın mühüm istiqamətləri kimi qiymətləndirilir.
Nəqliyyat və logistika sahəsində əməkdaşlıq da iki ölkə arasında münasibətlərin inkişafı üçün əhəmiyyətli perspektivlər açır. Azərbaycanın əsas nəqliyyat və logistika layihələrini həyata keçirdiyini bildirən dövlət başçısı hazırda yeni yük mənbələrinin cəlb edilməsinə, daşımaların həcminin artırılmasına və yeni bazarlarla əlaqələrin genişləndirilməsinə diqqət yetirildiyini vurğulayıb. Laosda həyata keçirilən dəmir yolu layihələrinin gələcəkdə Transxəzər Beynəlxalq Nəqliyyat Marşrutuna birbaşa bağlantı yaratmaq imkanları da müzakirə olunub. Bu istiqamətdə əməkdaşlıq Asiya ilə Avropa arasında nəqliyyat əlaqələrinin genişlənməsinə əlavə töhfə verə bilər.
Energetika, dağ-mədən sənayesi, kənd təsərrüfatı və digər sahələr də tərəflərin əməkdaşlıq potensialına malik olduğu istiqamətlər sırasındadır. Azərbaycan iqtisadiyyatının müxtəlif sahələrində əldə etdiyi təcrübə və investisiya imkanları Laosla qarşılıqlı faydalı layihələrin həyata keçirilməsi üçün əlverişli zəmin yaradır. Bununla yanaşı, konkret təşəbbüslərin müəyyənləşdirilməsi və müvafiq qurumlar arasında əlaqələndirilmiş fəaliyyətin təşkili əməkdaşlığın praktiki nəticələr verməsi baxımından mühüm əhəmiyyət daşıyır.
İkitərəfli münasibətlərin inkişafında tarixi əlaqələrin də özünəməxsus yeri var. Laos Prezidenti Thonqlun Sisulit çıxışında Ümummilli Lider Heydər Əliyevin 1986-cı ildə Laos Xalq İnqilabi Partiyasının IV qurultayında iştirakını və onun çıxışının Laos xalqında yaratdığı xoş təəssüratı xatırladıb. Bu məqam iki ölkə arasında münasibətlərin yalnız müasir siyasi maraqlara deyil, həm də uzun illər ərzində formalaşmış tarixi dostluq ənənələrinə söykəndiyini göstərir. Prezident İlham Əliyevin həmin münasibətləri davam etdirməsi və yeni əməkdaşlıq istiqamətləri ilə zənginləşdirməsi əlaqələrin gələcək inkişafı üçün mühüm siyasi əsasdır.
Laos Prezidentinin Azərbaycana səfəri həm də ölkəmizin Asiya dövlətləri ilə əlaqələrinin genişləndirilməsi baxımından əhəmiyyətlidir. Azərbaycanın beynəlxalq təşkilatlar çərçivəsində fəal iştirakı, regional təhlükəsizlik və əməkdaşlıq təşəbbüslərinə verdiyi töhfələr, müxtəlif ölkələrlə qarşılıqlı faydalı münasibətlərin qurulması xarici siyasətimizin çoxşaxəli xarakterini nümayiş etdirir. Bu baxımdan Azərbaycan–Laos münasibətlərinin yeni istiqamətlər üzrə inkişafı ölkəmizin beynəlxalq tərəfdaşlıq imkanlarının genişlənməsinə xidmət edir.
Nəticə etibarilə, Prezident İlham Əliyevin oktyabrın 13-də mətbuata verdiyi bəyanat Azərbaycan ilə Laos arasında münasibətlərin gələcək inkişaf istiqamətlərini aydın şəkildə ortaya qoyur. Siyasi dialoqun möhkəmləndirilməsi, iqtisadi-ticarət əlaqələrinin genişləndirilməsi, investisiya imkanlarının artırılması, təhsil və humanitar sahələrdə əməkdaşlığın inkişafı qarşıda duran əsas vəzifələrdir.
Bu səfər göstərir ki, Azərbaycan xarici siyasətində dostluq münasibətlərinin konkret iqtisadi və humanitar nəticələrlə möhkəmləndirilməsinə xüsusi önəm verir. Prezident İlham Əliyevin müəyyənləşdirdiyi əməkdaşlıq istiqamətləri Azərbaycan–Laos münasibətlərinin yeni mərhələyə yüksəlməsi, qarşılıqlı etimadın güclənməsi və iki ölkə arasında uzunmüddətli tərəfdaşlığın inkişafı üçün mühüm zəmin yaradır.
Kamran Əmirov,
YAP Qusar rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 20-10-2026 | Saat: 15:09
Bölmə:Siyasət | çapa göndər
Azərbaycan Respublikasının Prezidenti İlham Əliyevin həyata keçirdiyi çoxşaxəli və praqmatik xarici siyasət ölkəmizin beynəlxalq əlaqələrinin genişləndirilməsinə, qarşılıqlı faydalı əməkdaşlığın inkişafına və Azərbaycanın qlobal miqyasda etibarlı tərəfdaş kimi mövqeyinin möhkəmləndirilməsinə xidmət edir. Müxtəlif regionlarla siyasi dialoqun gücləndirilməsi, iqtisadi əlaqələrin şaxələndirilməsi və yeni əməkdaşlıq imkanlarının yaradılması Azərbaycanın xarici siyasət strategiyasının əsas istiqamətlərindəndir. Oktyabrın 13-də Laos Xalq Demokratik Respublikasının Prezidenti Thonqlun Sisulitin Azərbaycana rəsmi səfəri çərçivəsində Prezident İlham Əliyevin mətbuata verdiyi bəyanat da bu siyasətin mühüm məqamlarını özündə əks etdirir.
Dövlət başçısı bəyanatında Azərbaycan ilə Laos arasında münasibətlərin inkişaf perspektivlərinə toxunaraq səfərin ikitərəfli əlaqələrin daha da dərinləşməsinə mühüm töhfə verəcəyinə əminliyini ifadə edib. Prezident İlham Əliyev vurğulayıb ki, iki ölkə arasında siyasi münasibətlər uzun illərdir uğurla inkişaf edir, beynəlxalq təşkilatlar çərçivəsində qarşılıqlı dəstək və həmrəylik ənənələri qorunub saxlanılır. Bu əməkdaşlıq siyasi dialoqun davamlılığını və tərəflərin bir-birinə münasibətdə etibarlı mövqe nümayiş etdirdiyini göstərir.
Azərbaycan ilə Laos arasında diplomatik münasibətlər 1995-ci ildə qurulub. Ötən dövr ərzində iki ölkə arasında dostluq əlaqələri formalaşıb, parlamentlərarası münasibətlər və hakim partiyalar arasında əməkdaşlıq inkişaf edib. Laos Prezidentinin Azərbaycana ilk rəsmi səfəri isə ikitərəfli münasibətlər tarixində xüsusi əhəmiyyət daşıyır. Bu səfər mövcud siyasi əlaqələrin daha geniş əməkdaşlıq istiqamətləri ilə zənginləşdirilməsi üçün yeni imkanlar yaradır.
Prezident İlham Əliyevin bəyanatında diqqət çəkən əsas məqamlardan biri iqtisadi münasibətlərin genişləndirilməsi məsələsidir. Dövlət başçısı mövcud ticarət dövriyyəsinin iki ölkənin potensialını və əməkdaşlıq niyyətlərini tam əks etdirmədiyini bildirib. Bu baxımdan iqtisadi əlaqələrin intensivləşdirilməsi, qarşılıqlı ticarətin artırılması və biznes dairələri arasında birbaşa təmasların gücləndirilməsi əsas vəzifələr kimi müəyyənləşdirilib.
Bakıda keçirilməsi nəzərdə tutulan Azərbaycan–Laos Biznes Forumunun bu istiqamətdə mühüm rol oynayacağı gözlənilir. Forumun iş adamları arasında əlaqələrin genişlənməsinə, yeni layihələrin müzakirəsinə və investisiya imkanlarının müəyyənləşdirilməsinə şərait yaradacağı vurğulanıb. Azərbaycan tərəfi Laosda təqdim ediləcək konkret investisiya layihələrini nəzərdən keçirməyə hazır olduğunu bildirib. Bu yanaşma Azərbaycanın beynəlxalq iqtisadi əməkdaşlıqda qarşılıqlı fayda, konkret təşəbbüslər və real nəticələr prinsipinə üstünlük verdiyini nümayiş etdirir.
Bəyanatda humanitar əməkdaşlıq məsələləri də xüsusi yer tutub. Prezident İlham Əliyev Sovet İttifaqı dövründə iki mindən çox laoslu tələbənin Azərbaycanda təhsil aldığını xatırladaraq bu ənənənin yenidən canlandırılmasını təklif edib. Laoslu gənclər üçün təqaüd imkanlarının yaradılması təşəbbüsü iki ölkə arasında təhsil əlaqələrinin inkişafına, elmi-mədəni mübadilənin genişlənməsinə və xalqlar arasında qarşılıqlı anlaşmanın güclənməsinə xidmət edə bilər. Bu təşəbbüs, eyni zamanda, Azərbaycanın beynəlxalq təhsil və humanitar əməkdaşlıq sahəsindəki imkanlarını nümayiş etdirir.
Prezidentlərin müzakirələrində mina təhlükəsi ilə mübarizə məsələsi də diqqət mərkəzində olub. Hər iki ölkənin bu problemlə üzləşməsi təcrübə mübadiləsini və birgə əməkdaşlığı zəruri edir. Prezident İlham Əliyev Ermənistanın işğalı dövründə Azərbaycan ərazilərində bir milyondan çox minanın basdırıldığını, son beş-altı il ərzində mina partlayışları nəticəsində 400-dən çox azərbaycanlının həlak olduğunu və ya ağır yaralandığını qeyd edib. Bu faktlar mina təhlükəsinin ölkəmiz üçün nə qədər ciddi humanitar problem olduğunu göstərir. Müasir texnologiyaların tətbiqi, mütəxəssis hazırlığı və təcrübə mübadiləsi bu sahədə əməkdaşlığın mühüm istiqamətləri kimi qiymətləndirilir.
Nəqliyyat və logistika sahəsində əməkdaşlıq da iki ölkə arasında münasibətlərin inkişafı üçün əhəmiyyətli perspektivlər açır. Azərbaycanın əsas nəqliyyat və logistika layihələrini həyata keçirdiyini bildirən dövlət başçısı hazırda yeni yük mənbələrinin cəlb edilməsinə, daşımaların həcminin artırılmasına və yeni bazarlarla əlaqələrin genişləndirilməsinə diqqət yetirildiyini vurğulayıb. Laosda həyata keçirilən dəmir yolu layihələrinin gələcəkdə Transxəzər Beynəlxalq Nəqliyyat Marşrutuna birbaşa bağlantı yaratmaq imkanları da müzakirə olunub. Bu istiqamətdə əməkdaşlıq Asiya ilə Avropa arasında nəqliyyat əlaqələrinin genişlənməsinə əlavə töhfə verə bilər.
Energetika, dağ-mədən sənayesi, kənd təsərrüfatı və digər sahələr də tərəflərin əməkdaşlıq potensialına malik olduğu istiqamətlər sırasındadır. Azərbaycan iqtisadiyyatının müxtəlif sahələrində əldə etdiyi təcrübə və investisiya imkanları Laosla qarşılıqlı faydalı layihələrin həyata keçirilməsi üçün əlverişli zəmin yaradır. Bununla yanaşı, konkret təşəbbüslərin müəyyənləşdirilməsi və müvafiq qurumlar arasında əlaqələndirilmiş fəaliyyətin təşkili əməkdaşlığın praktiki nəticələr verməsi baxımından mühüm əhəmiyyət daşıyır.
İkitərəfli münasibətlərin inkişafında tarixi əlaqələrin də özünəməxsus yeri var. Laos Prezidenti Thonqlun Sisulit çıxışında Ümummilli Lider Heydər Əliyevin 1986-cı ildə Laos Xalq İnqilabi Partiyasının IV qurultayında iştirakını və onun çıxışının Laos xalqında yaratdığı xoş təəssüratı xatırladıb. Bu məqam iki ölkə arasında münasibətlərin yalnız müasir siyasi maraqlara deyil, həm də uzun illər ərzində formalaşmış tarixi dostluq ənənələrinə söykəndiyini göstərir. Prezident İlham Əliyevin həmin münasibətləri davam etdirməsi və yeni əməkdaşlıq istiqamətləri ilə zənginləşdirməsi əlaqələrin gələcək inkişafı üçün mühüm siyasi əsasdır.
Laos Prezidentinin Azərbaycana səfəri həm də ölkəmizin Asiya dövlətləri ilə əlaqələrinin genişləndirilməsi baxımından əhəmiyyətlidir. Azərbaycanın beynəlxalq təşkilatlar çərçivəsində fəal iştirakı, regional təhlükəsizlik və əməkdaşlıq təşəbbüslərinə verdiyi töhfələr, müxtəlif ölkələrlə qarşılıqlı faydalı münasibətlərin qurulması xarici siyasətimizin çoxşaxəli xarakterini nümayiş etdirir. Bu baxımdan Azərbaycan–Laos münasibətlərinin yeni istiqamətlər üzrə inkişafı ölkəmizin beynəlxalq tərəfdaşlıq imkanlarının genişlənməsinə xidmət edir.
Nəticə etibarilə, Prezident İlham Əliyevin oktyabrın 13-də mətbuata verdiyi bəyanat Azərbaycan ilə Laos arasında münasibətlərin gələcək inkişaf istiqamətlərini aydın şəkildə ortaya qoyur. Siyasi dialoqun möhkəmləndirilməsi, iqtisadi-ticarət əlaqələrinin genişləndirilməsi, investisiya imkanlarının artırılması, təhsil və humanitar sahələrdə əməkdaşlığın inkişafı qarşıda duran əsas vəzifələrdir.
Bu səfər göstərir ki, Azərbaycan xarici siyasətində dostluq münasibətlərinin konkret iqtisadi və humanitar nəticələrlə möhkəmləndirilməsinə xüsusi önəm verir. Prezident İlham Əliyevin müəyyənləşdirdiyi əməkdaşlıq istiqamətləri Azərbaycan–Laos münasibətlərinin yeni mərhələyə yüksəlməsi, qarşılıqlı etimadın güclənməsi və iki ölkə arasında uzunmüddətli tərəfdaşlığın inkişafı üçün mühüm zəmin yaradır.
Kamran Əmirov,
YAP Qusar rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
20-10-2026
