Səttar Möhbalıyev: "AQEM dövlətlər arasında dialoq və qarşılıqlı etimadın möhkəmləndirilməsinə xidmət edir"
Tarix: 16-10-2026 | Saat: 10:10
Bölmə:Manşet / Siyasət | çapa göndər
Beynəlxalq münasibətlərin həqiqi mahiyyəti yalnız dövlətlərin qəbul etdiyi bəyanatlarla deyil, onların hüquqa, ədalətə və suverenliyə münasibəti ilə müəyyən olunur. Dövlətlərin ərazi bütövlüyünün tanınması, xalqların təhlükəsiz yaşamaq hüququnun qorunması və münaqişələrin ədalətli həlli beynəlxalq sistemin təməl prinsipləridir. Lakin bu prinsiplərin kağız üzərində tanınması ilə real həyatda həyata keçirilməsi arasında ciddi fərqlər yarandıqda, beynəlxalq hüququn nüfuzu və dövlətlərarası etimad zərbə altında qalır.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, Azərbaycan Respublikasının Prezidenti cənab İlham Əliyevin Bakıda keçirilən Asiyada Qarşılıqlı Fəaliyyət və Etimad Tədbirləri üzrə Müşavirənin-AQEM-in 7-ci Zirvə Görüşündəki çıxışı məhz bu reallıqların geniş siyasi təhlili baxımından mühüm əhəmiyyət daşıyır. Dövlət başçısı Azərbaycanın müstəqil xarici siyasətinin əsas prinsiplərini, uzun illər üzləşdiyi ədalətsizlikləri, ərazi bütövlüyünün bərpasına aparan tarixi yolu və müharibədən sonra sülhün təmin olunması istiqamətində atdığı addımları beynəlxalq ictimaiyyətin diqqətinə çatdırdı. Çıxışın əsas qayəsi aydındır. Beynəlxalq hüquq bütün dövlətlər üçün eyni dərəcədə işləməli, suverenlik və ərazi bütövlüyü siyasi maraqlardan asılı olaraq fərqli meyarlarla qiymətləndirilməməlidir. .Cənab Prezident İlham Əliyevin çıxışında vurğuladığı bərabərhüquqluluq, dövlətlərin daxili işlərinə qarışmamaq, ərazi bütövlüyünə və suverenliyə hörmət prinsipləri Azərbaycanın xarici siyasət kursunun əsas istiqamətləridir. Bu yanaşma dövlətlər arasında münasibətlərin qarşılıqlı hörmət, etimad və milli maraqların uzlaşdırılması əsasında qurulmasını nəzərdə tutur. Azərbaycanın beynəlxalq əməkdaşlığa münasibəti də bu məntiqə söykənir. Ölkəmiz müxtəlif siyasi və iqtisadi platformalarda iştirak etməklə yanaşı, öz milli maraqlarını müstəqil şəkildə müəyyənləşdirir, regional sabitliyin möhkəmlənməsinə və qarşılıqlı faydalı tərəfdaşlığın genişlənməsinə töhfə verir. Cənab Prezident İlham Əliyev çıxışında Azərbaycanın müstəqilliyini bərpa etdikdən sonra qarşılaşdığı ağır sınaqları xatırladaraq beynəlxalq münasibətlərdə ikili standartların yaratdığı problemlərə diqqət çəkdi. Ermənistanın Azərbaycan ərazilərini işğal etməsi, bir milyondan çox azərbaycanlının doğma yurdlarından didərgin salınması, şəhər və kəndlərin dağıdılması, tarixi və dini irsin zədələnməsi xalqımızın yaddaşında dərin izlər buraxıb. Bu faciənin beynəlxalq hüquq baxımından ən mühüm tərəflərindən biri BMT Təhlükəsizlik Şurasının 1993-cü ildə qəbul etdiyi dörd qətnamənin uzun müddət icrasız qalması idi. Beynəlxalq hüququn gücü yalnız onun prinsiplərinin bəyan edilməsindən deyil, pozuntulara qarşı təsirli mexanizmlərin işləməsindən asılıdır. Dövlətimizin başçısının çıxışında beynəlxalq münasibətlərdə seçici yanaşmaların tənqidi bu səbəbdən xüsusi yer tutur. Bir dövlətin ərazi bütövlüyünü müdafiə edib digərinin eyni hüququnu siyasi mülahizələrlə arxa plana keçirmək ədalətli beynəlxalq nizamın prinsipləri ilə uzlaşmır. Azərbaycanın münaqişənin sülh yolu ilə həllinə uzun müddət üstünlük verməsinə baxmayaraq, Ermənistanın hərbi təxribatları və danışıqlar prosesinin nəticəsiz qalması vəziyyəti daha da mürəkkəbləşdirdi. 2020-ci ildə başlayan Vətən müharibəsi Azərbaycanın ərazi bütövlüyünün bərpası istiqamətində həlledici mərhələ oldu. Qırx dörd gün davam edən müharibədə Azərbaycan Ordusu hərbi əməliyyatlar nəticəsində yüzlərlə yaşayış məntəqəsini işğaldan azad etdi. 10 noyabr 2020-ci il tarixli üçtərəfli bəyanat hərbi əməliyyatların dayandırılmasını nəzərdə tutdu. Bununla belə, ölkənin suverenliyinin tam bərpası məsələsi hələ həll olunmamış qalırdı. Azərbaycan sonrakı dövrdə bu problemin danışıqlar yolu ilə həllinə çalışdı. Lakin yaranmış vəziyyət və davam edən təhlükəsizlik riskləri nəticəsində 2023-cü il sentyabrın 19–20-də keçirilmiş birgünlük lokal xarakterli antiterror tədbirləri ilə Qarabağda separatizmin mövcudluğuna son qoyuldu və Azərbaycanın dövlət suverenliyi bütün ərazisində bərpa edildi. Cənab Prezident İlham Əliyevin Bakı Zirvə Görüşündə bu məsələyə geniş yer ayırması təsadüfi deyildi. Çünki Azərbaycanın təcrübəsi beynəlxalq ictimaiyyət üçün mühüm bir həqiqəti ortaya qoyur: münaqişələrin davamlı həlli üçün hüquqi prinsiplər, siyasi iradə və real təhlükəsizlik təminatları bir-birini tamamlamalıdır.
Millət vəkili onu da bildirib ki, cənab Prezidentin çıxışının diqqətəlayiq məqamlarından biri müharibənin nəticələri ilə Azərbaycanın sonrakı siyasi mövqeyi arasında qurulan əlaqədir. Otuzillik işğalın ağır nəticələrinə, dağıdılmış şəhər və kəndlərə, insan itkilərinə baxmayaraq, Azərbaycan müharibədən sonra regionda davamlı sülhün təmin edilməsini əsas məqsədlərdən biri kimi irəli sürüb. Dövlət başçısının vurğuladığı kimi, Azərbaycan öz haqqını döyüş meydanında bərpa edib, lakin məğlub tərəfə qarşı qisas siyasəti yürütməyib. Sülhün əhəmiyyəti təkcə silahların susması ilə məhdudlaşmır. Əsl sülh qarşılıqlı etimadın formalaşmasını, sərhədlərin təhlükəsizliyini, nəqliyyat və iqtisadi əlaqələrin bərpasını, insanların sabit və təhlükəsiz şəraitdə yaşamasını tələb edir. Bununla yanaşı, sülhün kövrəkliyi barədə xəbərdarlıq da xüsusi əhəmiyyət daşıyır. Davamlı sülh yalnız niyyətlərlə təmin edilmir; onun üçün konkret siyasi qərarlar, etibarlı təminatlar və əldə olunmuş razılaşmalara əməl olunması vacibdir. Cənab Prezident İlham Əliyevin çıxışında səslənən əsas fikirlərdən biri beynəlxalq təşkilatların qəbul etdiyi qərarların icrasını təmin edən təsirli mexanizmlərin yaradılması zərurətidir. Bu çağırış yalnız Azərbaycan-Ermənistan münasibətlərinə aid deyil. O, beynəlxalq sistemin gələcəyi, dövlətlərarası münasibətlərin sabitliyi və yeni münaqişələrin qarşısının alınması ilə bağlı daha geniş məsələdir. Bakı Zirvə Görüşünün beynəlxalq əhəmiyyəti də bu məqamda üzə çıxır. Asiya dövlətlərinin qarşılıqlı fəaliyyətini və etimadını təşviq edən bir platformada Azərbaycanın öz tarixi təcrübəsini bölüşməsi, suverenlik və hüquqi məsuliyyət məsələlərini gündəmə gətirməsi çoxtərəfli dialoqun məzmununu zənginləşdirir. Azərbaycanın müasir inkişaf tarixində iki mühüm istiqamət bir-birini tamamlayır: dövlət suverenliyinin tam bərpası və regionda davamlı sülhün təmin edilməsi. Birincisi milli iradənin və dövlət qüdrətinin nəticəsidir, ikincisi isə həmin nailiyyətin qorunması və gələcək nəsillərə təhlükəsiz mühitin ötürülməsi üçün zəruri şərtdir. Cənab Prezident İlham Əliyevin AQEM-in 7-ci Zirvə Görüşündəki çıxışı bu iki istiqaməti vahid siyasi məntiqdə birləşdirir. Azərbaycan öz ərazi bütövlüyünü bərpa etmiş, separatizmə son qoymuş və regionda yeni əməkdaşlıq imkanlarının yaranması üçün siyasi iradə nümayiş etdirmişdir. İndi əsas vəzifə əldə olunmuş nəticələri möhkəmləndirmək, qarşılıqlı etimadı gücləndirmək və sülhün real məzmununu iqtisadi, nəqliyyat və humanitar əməkdaşlıqla zənginləşdirməkdir-deyə Səttar Möhbalıyev fikirlərini yekunlaşdırıb.
Məlumatlanmaq üçün Facebook səhifəmizi
Digər xəbərlər
Tarix: 16-10-2026 | Saat: 10:10
Bölmə:Manşet / Siyasət | çapa göndər
Beynəlxalq münasibətlərin həqiqi mahiyyəti yalnız dövlətlərin qəbul etdiyi bəyanatlarla deyil, onların hüquqa, ədalətə və suverenliyə münasibəti ilə müəyyən olunur. Dövlətlərin ərazi bütövlüyünün tanınması, xalqların təhlükəsiz yaşamaq hüququnun qorunması və münaqişələrin ədalətli həlli beynəlxalq sistemin təməl prinsipləridir. Lakin bu prinsiplərin kağız üzərində tanınması ilə real həyatda həyata keçirilməsi arasında ciddi fərqlər yarandıqda, beynəlxalq hüququn nüfuzu və dövlətlərarası etimad zərbə altında qalır.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, Azərbaycan Respublikasının Prezidenti cənab İlham Əliyevin Bakıda keçirilən Asiyada Qarşılıqlı Fəaliyyət və Etimad Tədbirləri üzrə Müşavirənin-AQEM-in 7-ci Zirvə Görüşündəki çıxışı məhz bu reallıqların geniş siyasi təhlili baxımından mühüm əhəmiyyət daşıyır. Dövlət başçısı Azərbaycanın müstəqil xarici siyasətinin əsas prinsiplərini, uzun illər üzləşdiyi ədalətsizlikləri, ərazi bütövlüyünün bərpasına aparan tarixi yolu və müharibədən sonra sülhün təmin olunması istiqamətində atdığı addımları beynəlxalq ictimaiyyətin diqqətinə çatdırdı. Çıxışın əsas qayəsi aydındır. Beynəlxalq hüquq bütün dövlətlər üçün eyni dərəcədə işləməli, suverenlik və ərazi bütövlüyü siyasi maraqlardan asılı olaraq fərqli meyarlarla qiymətləndirilməməlidir. .Cənab Prezident İlham Əliyevin çıxışında vurğuladığı bərabərhüquqluluq, dövlətlərin daxili işlərinə qarışmamaq, ərazi bütövlüyünə və suverenliyə hörmət prinsipləri Azərbaycanın xarici siyasət kursunun əsas istiqamətləridir. Bu yanaşma dövlətlər arasında münasibətlərin qarşılıqlı hörmət, etimad və milli maraqların uzlaşdırılması əsasında qurulmasını nəzərdə tutur. Azərbaycanın beynəlxalq əməkdaşlığa münasibəti də bu məntiqə söykənir. Ölkəmiz müxtəlif siyasi və iqtisadi platformalarda iştirak etməklə yanaşı, öz milli maraqlarını müstəqil şəkildə müəyyənləşdirir, regional sabitliyin möhkəmlənməsinə və qarşılıqlı faydalı tərəfdaşlığın genişlənməsinə töhfə verir. Cənab Prezident İlham Əliyev çıxışında Azərbaycanın müstəqilliyini bərpa etdikdən sonra qarşılaşdığı ağır sınaqları xatırladaraq beynəlxalq münasibətlərdə ikili standartların yaratdığı problemlərə diqqət çəkdi. Ermənistanın Azərbaycan ərazilərini işğal etməsi, bir milyondan çox azərbaycanlının doğma yurdlarından didərgin salınması, şəhər və kəndlərin dağıdılması, tarixi və dini irsin zədələnməsi xalqımızın yaddaşında dərin izlər buraxıb. Bu faciənin beynəlxalq hüquq baxımından ən mühüm tərəflərindən biri BMT Təhlükəsizlik Şurasının 1993-cü ildə qəbul etdiyi dörd qətnamənin uzun müddət icrasız qalması idi. Beynəlxalq hüququn gücü yalnız onun prinsiplərinin bəyan edilməsindən deyil, pozuntulara qarşı təsirli mexanizmlərin işləməsindən asılıdır. Dövlətimizin başçısının çıxışında beynəlxalq münasibətlərdə seçici yanaşmaların tənqidi bu səbəbdən xüsusi yer tutur. Bir dövlətin ərazi bütövlüyünü müdafiə edib digərinin eyni hüququnu siyasi mülahizələrlə arxa plana keçirmək ədalətli beynəlxalq nizamın prinsipləri ilə uzlaşmır. Azərbaycanın münaqişənin sülh yolu ilə həllinə uzun müddət üstünlük verməsinə baxmayaraq, Ermənistanın hərbi təxribatları və danışıqlar prosesinin nəticəsiz qalması vəziyyəti daha da mürəkkəbləşdirdi. 2020-ci ildə başlayan Vətən müharibəsi Azərbaycanın ərazi bütövlüyünün bərpası istiqamətində həlledici mərhələ oldu. Qırx dörd gün davam edən müharibədə Azərbaycan Ordusu hərbi əməliyyatlar nəticəsində yüzlərlə yaşayış məntəqəsini işğaldan azad etdi. 10 noyabr 2020-ci il tarixli üçtərəfli bəyanat hərbi əməliyyatların dayandırılmasını nəzərdə tutdu. Bununla belə, ölkənin suverenliyinin tam bərpası məsələsi hələ həll olunmamış qalırdı. Azərbaycan sonrakı dövrdə bu problemin danışıqlar yolu ilə həllinə çalışdı. Lakin yaranmış vəziyyət və davam edən təhlükəsizlik riskləri nəticəsində 2023-cü il sentyabrın 19–20-də keçirilmiş birgünlük lokal xarakterli antiterror tədbirləri ilə Qarabağda separatizmin mövcudluğuna son qoyuldu və Azərbaycanın dövlət suverenliyi bütün ərazisində bərpa edildi. Cənab Prezident İlham Əliyevin Bakı Zirvə Görüşündə bu məsələyə geniş yer ayırması təsadüfi deyildi. Çünki Azərbaycanın təcrübəsi beynəlxalq ictimaiyyət üçün mühüm bir həqiqəti ortaya qoyur: münaqişələrin davamlı həlli üçün hüquqi prinsiplər, siyasi iradə və real təhlükəsizlik təminatları bir-birini tamamlamalıdır.
Millət vəkili onu da bildirib ki, cənab Prezidentin çıxışının diqqətəlayiq məqamlarından biri müharibənin nəticələri ilə Azərbaycanın sonrakı siyasi mövqeyi arasında qurulan əlaqədir. Otuzillik işğalın ağır nəticələrinə, dağıdılmış şəhər və kəndlərə, insan itkilərinə baxmayaraq, Azərbaycan müharibədən sonra regionda davamlı sülhün təmin edilməsini əsas məqsədlərdən biri kimi irəli sürüb. Dövlət başçısının vurğuladığı kimi, Azərbaycan öz haqqını döyüş meydanında bərpa edib, lakin məğlub tərəfə qarşı qisas siyasəti yürütməyib. Sülhün əhəmiyyəti təkcə silahların susması ilə məhdudlaşmır. Əsl sülh qarşılıqlı etimadın formalaşmasını, sərhədlərin təhlükəsizliyini, nəqliyyat və iqtisadi əlaqələrin bərpasını, insanların sabit və təhlükəsiz şəraitdə yaşamasını tələb edir. Bununla yanaşı, sülhün kövrəkliyi barədə xəbərdarlıq da xüsusi əhəmiyyət daşıyır. Davamlı sülh yalnız niyyətlərlə təmin edilmir; onun üçün konkret siyasi qərarlar, etibarlı təminatlar və əldə olunmuş razılaşmalara əməl olunması vacibdir. Cənab Prezident İlham Əliyevin çıxışında səslənən əsas fikirlərdən biri beynəlxalq təşkilatların qəbul etdiyi qərarların icrasını təmin edən təsirli mexanizmlərin yaradılması zərurətidir. Bu çağırış yalnız Azərbaycan-Ermənistan münasibətlərinə aid deyil. O, beynəlxalq sistemin gələcəyi, dövlətlərarası münasibətlərin sabitliyi və yeni münaqişələrin qarşısının alınması ilə bağlı daha geniş məsələdir. Bakı Zirvə Görüşünün beynəlxalq əhəmiyyəti də bu məqamda üzə çıxır. Asiya dövlətlərinin qarşılıqlı fəaliyyətini və etimadını təşviq edən bir platformada Azərbaycanın öz tarixi təcrübəsini bölüşməsi, suverenlik və hüquqi məsuliyyət məsələlərini gündəmə gətirməsi çoxtərəfli dialoqun məzmununu zənginləşdirir. Azərbaycanın müasir inkişaf tarixində iki mühüm istiqamət bir-birini tamamlayır: dövlət suverenliyinin tam bərpası və regionda davamlı sülhün təmin edilməsi. Birincisi milli iradənin və dövlət qüdrətinin nəticəsidir, ikincisi isə həmin nailiyyətin qorunması və gələcək nəsillərə təhlükəsiz mühitin ötürülməsi üçün zəruri şərtdir. Cənab Prezident İlham Əliyevin AQEM-in 7-ci Zirvə Görüşündəki çıxışı bu iki istiqaməti vahid siyasi məntiqdə birləşdirir. Azərbaycan öz ərazi bütövlüyünü bərpa etmiş, separatizmə son qoymuş və regionda yeni əməkdaşlıq imkanlarının yaranması üçün siyasi iradə nümayiş etdirmişdir. İndi əsas vəzifə əldə olunmuş nəticələri möhkəmləndirmək, qarşılıqlı etimadı gücləndirmək və sülhün real məzmununu iqtisadi, nəqliyyat və humanitar əməkdaşlıqla zənginləşdirməkdir-deyə Səttar Möhbalıyev fikirlərini yekunlaşdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
.jpg)
