Ömrün Şərəf zirvəsi: Sabir Rüstəmxanlı – 80
Tarix: 20-05-2026 | Saat: 14:49
Bölmə:Karusel / Gündəm / Özəl | çapa göndər
Azərbaycan xalqının milli azadlıq hərəkatının ön sıralarında addımlayan, sözü ilə əməli birdən-birə qovuşan, bədii təfəkkürü ilə ictimai-siyasi şüuru eyni məcrada birləşdirən bütöv bir şəxsiyyətin – Xalq şairi Sabir Rüstəmxanlının bu gün 80 yaşı tamam olur. Bu mübariz və şərəfli ömür yolu sadəcə bir şairin tərcümeyi-halı deyil, həm də Azərbaycanın son yarım əsrlik intibah, oyanış və müstəqillik tarixinin bədii salnaməsidir.
Bu möhtəşəm yubiley günündə dövlət başçısı cənab İlham Əliyevin sərəncamı ilə Sabir Rüstəmxanlının Azərbaycan mədəniyyətinin inkişafında və ictimai-siyasi həyatında uzunmüddətli səmərəli fəaliyyətinə görə "Şərəf" ordeni ilə təltif edilməsi, şairin millət və vətən qarşısındakı xidmətlərinə verilən ən ali qiymətdir. Bu orden onun təkcə sinəsinə deyil, bütövlükdə milli istiqlal poeziyamıza vurulan bir şərəf möhrüdür.
Sabir Rüstəmxanlı 1946-cı il mayın 20-də Yardımlı rayonunun Hamarkənd kəndində, təbiətin ucalığı və saflığı qorunan bir məkanda dünyaya göz açmışdır. Dağların vüqarı, doğma yurdun havası onun ruhuna erkən yaşlarından hopmuşdu. Azərbaycan Dövlət Universitetinin Filologiya fakültəsini bitirdikdən sonra o, taleyini ömürlük kitaba, mətbuata və ədəbiyyata bağladı.
"Yazıçı" nəşriyyatının baş redaktoru və direktoru, daha sonra Dövlət Mətbuat Komitəsinin sədri və Mətbuat və İnformasiya naziri kimi məsul vəzifələrdə çalışarkən o, həmişə milli dəyərlərin, ana dilinin və azərbaycançılıq məfkurəsinin keşikçisi oldu. Lakin Sabir Rüstəmxanlını xalqın qəlbində əbədiləşdirən, onun 1980-ci illərin sonunda başlanan Azadlıq hərəkatının alovlu xatibinə, millətin tribununa çevrilməsi oldu. Azadlıq meydanında guruldayan o səs, milyonlarla insanın qəlbindəki müstəqillik atəşini alovlandıran rəmzlərdən birinə çevrildi.
Sabir Rüstəmxanlı yaradıcılığı mövzu rəngarəngliyi və bədii fəlsəfəsi ilə unikal bir hadisədir. Onun qələmindən çıxan "Gəncə qapısı", "Sağ ol, ana dilim!", "Qan yaddaşı", "Zamanın fəryadı" kimi poetik toplular oxucu qəlbinə yol tapmış ecazkar əsərlərdir. Lakin onun 1988-ci ildə işıq üzü görən və bütöv bir nəslin masaüstü kitabına çevrilən "Ömür kitabı" sadəcə publisistik əsər deyil, Azərbaycan xalqının tarixi keçmişinə, milli kimliyinə, parçalanmış bütövlüyünə tutulan poetik və fəlsəfi bir aynadır. O dövrdə bu kitab imperiya buxovları altında sıxılan bir millətin özünü dərk etməsi, soy-kökünə qayıtması üçün gerçək bir manifest rolunu oynadı.
Şairin "Xətai yurdu", "Göy tanrı", "Cavad xan", "Ölüm zirvəsi", "Diri dağ" kimi romanları isə Azərbaycan nəsrində tarixi mövzunun tamamilə yeni, bədii-fəlsəfi sferada işlənməsinin nümunəsidir. O, tarixin tozlu səhifələrindən qəhrəmanları çıxararaq bugünkü nəslin qarşısına qoydu və göstərdi ki, azadlıq verilmir, o, Cavad xanların, Xətailərin qanı bahasına qazanılır.
Sabir Rüstəmxanlı təkcə Azərbaycan daxilində deyil, ölkə hüdudlarından kənarda da millətin birliyi üçün çalışan bir fədaidir. Dünya Azərbaycanlıları Konqresinin (DAK) sədri və həmsədri kimi o, uzun illər boyu parçalanmış xalqın mənəvi birliyi, Güney və Quzey Azərbaycan arasındakı mənəvi körpülərin qorunması, soydaşlarımızın hüquqlarının müdafiəsi uğruunda yorulmadan mübarizə aparmışdır.
Milli Məclisin deputatı kimi isə o, qanunvericilik fəaliyyətində hər zaman dövlətçilik prinsiplərini, milli maraqları və mədəniyyətimizin inkişafını ön plana çəkmişdir.
Həyatını millətin istiqlalına, mədəniyyətinə və dilinə həsr etmiş bir şair üçün 80 illik yubiley sadəcə təqvim rəqəmi deyil, hesabat zirvəsidir. Azərbaycan Respublikasının Prezidenti cənab İlham Əliyevin Sabir Rüstəmxanlını "Şərəf" ordeni ilə təltif etməsi dövlətimizin milli ziyalılara, söz adamlarına və istiqlal mücahidlərinə göstərdiyi yüksək diqqətin təzahürüdür.
Bu orden, vaxtilə "Vətən" deyib haray çəkən, indi isə bütöv, suveren və torpaqları azad olunmuş qüdrətli Azərbaycanın şahidi olan şairin bədii bütövlüyünə verilən mükafatdır. Sabir Rüstəmxanlı bu gün Qarabağın, Şuşanın, Xankəndinin azadlığını görən və bu zəfəri fəxrlə tərənnüm edən xoşbəxt sənətkarlardandır.
"Mən elə bilirdim, ömür bir təkdir,
Yüz yerə bölünən ömür gördüm mən..."
deyən şairin ömrü doğrudan da yüz yerə – millətinə, torpağına, ədəbiyyatına, tarixinə bölündü və bu bölünməkdən heç vaxt əskilmədi, əksinə, böyüdü, bütövləşdi və xalqın yaddaşında taxt qurdu.
Xalq şairi Sabir Rüstəmxanlını 80 illik yubileyi və "Şərəf" ordeni alması münasibətilə ürəkdən təbrik edir, ona Tanrıdan möhkəm cansağlığı, tükənməz yaradıcılıq ilhamı və müstəqil Azərbaycanımızın işıqlı gələcəyində yeni-yeni poetik uğurlar arzulayırıq! Ömrünüzün şərəf zirvəsi mübarək, ustad!
Şəmsi Qoca
Məlumatlanmaq üçün Facebook səhifəmizi
Digər xəbərlər
Tarix: 20-05-2026 | Saat: 14:49
Bölmə:Karusel / Gündəm / Özəl | çapa göndər
Azərbaycan xalqının milli azadlıq hərəkatının ön sıralarında addımlayan, sözü ilə əməli birdən-birə qovuşan, bədii təfəkkürü ilə ictimai-siyasi şüuru eyni məcrada birləşdirən bütöv bir şəxsiyyətin – Xalq şairi Sabir Rüstəmxanlının bu gün 80 yaşı tamam olur. Bu mübariz və şərəfli ömür yolu sadəcə bir şairin tərcümeyi-halı deyil, həm də Azərbaycanın son yarım əsrlik intibah, oyanış və müstəqillik tarixinin bədii salnaməsidir.
Bu möhtəşəm yubiley günündə dövlət başçısı cənab İlham Əliyevin sərəncamı ilə Sabir Rüstəmxanlının Azərbaycan mədəniyyətinin inkişafında və ictimai-siyasi həyatında uzunmüddətli səmərəli fəaliyyətinə görə "Şərəf" ordeni ilə təltif edilməsi, şairin millət və vətən qarşısındakı xidmətlərinə verilən ən ali qiymətdir. Bu orden onun təkcə sinəsinə deyil, bütövlükdə milli istiqlal poeziyamıza vurulan bir şərəf möhrüdür.
Sabir Rüstəmxanlı 1946-cı il mayın 20-də Yardımlı rayonunun Hamarkənd kəndində, təbiətin ucalığı və saflığı qorunan bir məkanda dünyaya göz açmışdır. Dağların vüqarı, doğma yurdun havası onun ruhuna erkən yaşlarından hopmuşdu. Azərbaycan Dövlət Universitetinin Filologiya fakültəsini bitirdikdən sonra o, taleyini ömürlük kitaba, mətbuata və ədəbiyyata bağladı.
"Yazıçı" nəşriyyatının baş redaktoru və direktoru, daha sonra Dövlət Mətbuat Komitəsinin sədri və Mətbuat və İnformasiya naziri kimi məsul vəzifələrdə çalışarkən o, həmişə milli dəyərlərin, ana dilinin və azərbaycançılıq məfkurəsinin keşikçisi oldu. Lakin Sabir Rüstəmxanlını xalqın qəlbində əbədiləşdirən, onun 1980-ci illərin sonunda başlanan Azadlıq hərəkatının alovlu xatibinə, millətin tribununa çevrilməsi oldu. Azadlıq meydanında guruldayan o səs, milyonlarla insanın qəlbindəki müstəqillik atəşini alovlandıran rəmzlərdən birinə çevrildi.
Sabir Rüstəmxanlı yaradıcılığı mövzu rəngarəngliyi və bədii fəlsəfəsi ilə unikal bir hadisədir. Onun qələmindən çıxan "Gəncə qapısı", "Sağ ol, ana dilim!", "Qan yaddaşı", "Zamanın fəryadı" kimi poetik toplular oxucu qəlbinə yol tapmış ecazkar əsərlərdir. Lakin onun 1988-ci ildə işıq üzü görən və bütöv bir nəslin masaüstü kitabına çevrilən "Ömür kitabı" sadəcə publisistik əsər deyil, Azərbaycan xalqının tarixi keçmişinə, milli kimliyinə, parçalanmış bütövlüyünə tutulan poetik və fəlsəfi bir aynadır. O dövrdə bu kitab imperiya buxovları altında sıxılan bir millətin özünü dərk etməsi, soy-kökünə qayıtması üçün gerçək bir manifest rolunu oynadı.
Şairin "Xətai yurdu", "Göy tanrı", "Cavad xan", "Ölüm zirvəsi", "Diri dağ" kimi romanları isə Azərbaycan nəsrində tarixi mövzunun tamamilə yeni, bədii-fəlsəfi sferada işlənməsinin nümunəsidir. O, tarixin tozlu səhifələrindən qəhrəmanları çıxararaq bugünkü nəslin qarşısına qoydu və göstərdi ki, azadlıq verilmir, o, Cavad xanların, Xətailərin qanı bahasına qazanılır.
Sabir Rüstəmxanlı təkcə Azərbaycan daxilində deyil, ölkə hüdudlarından kənarda da millətin birliyi üçün çalışan bir fədaidir. Dünya Azərbaycanlıları Konqresinin (DAK) sədri və həmsədri kimi o, uzun illər boyu parçalanmış xalqın mənəvi birliyi, Güney və Quzey Azərbaycan arasındakı mənəvi körpülərin qorunması, soydaşlarımızın hüquqlarının müdafiəsi uğruunda yorulmadan mübarizə aparmışdır.
Milli Məclisin deputatı kimi isə o, qanunvericilik fəaliyyətində hər zaman dövlətçilik prinsiplərini, milli maraqları və mədəniyyətimizin inkişafını ön plana çəkmişdir.
Həyatını millətin istiqlalına, mədəniyyətinə və dilinə həsr etmiş bir şair üçün 80 illik yubiley sadəcə təqvim rəqəmi deyil, hesabat zirvəsidir. Azərbaycan Respublikasının Prezidenti cənab İlham Əliyevin Sabir Rüstəmxanlını "Şərəf" ordeni ilə təltif etməsi dövlətimizin milli ziyalılara, söz adamlarına və istiqlal mücahidlərinə göstərdiyi yüksək diqqətin təzahürüdür.
Bu orden, vaxtilə "Vətən" deyib haray çəkən, indi isə bütöv, suveren və torpaqları azad olunmuş qüdrətli Azərbaycanın şahidi olan şairin bədii bütövlüyünə verilən mükafatdır. Sabir Rüstəmxanlı bu gün Qarabağın, Şuşanın, Xankəndinin azadlığını görən və bu zəfəri fəxrlə tərənnüm edən xoşbəxt sənətkarlardandır.
"Mən elə bilirdim, ömür bir təkdir,
Yüz yerə bölünən ömür gördüm mən..."
deyən şairin ömrü doğrudan da yüz yerə – millətinə, torpağına, ədəbiyyatına, tarixinə bölündü və bu bölünməkdən heç vaxt əskilmədi, əksinə, böyüdü, bütövləşdi və xalqın yaddaşında taxt qurdu.
Xalq şairi Sabir Rüstəmxanlını 80 illik yubileyi və "Şərəf" ordeni alması münasibətilə ürəkdən təbrik edir, ona Tanrıdan möhkəm cansağlığı, tükənməz yaradıcılıq ilhamı və müstəqil Azərbaycanımızın işıqlı gələcəyində yeni-yeni poetik uğurlar arzulayırıq! Ömrünüzün şərəf zirvəsi mübarək, ustad!
Şəmsi Qoca
Məlumatlanmaq üçün Facebook səhifəmizi
Xəbəri paylaş
Digər xəbərlər
