Gülər Sultanzadə: "Zəngılanda başlayan yeni həyat Azərbaycanın postmüharibə dövlət modelinin gücünü nümayiş etdirir"
Tarix: 13-05-2026 | Saat: 14:38
Bölmə:Özəl | çapa göndər
Mayın 10-da Zəngılan şəhərində ilk yaşayış kompleksinə köçən ailələrlə görüş zamanı cənab Prezident İlham Əliyevin səsləndirdiyi fikirlər yalnız bir qayıdış mərasiminin emosional notları deyildi. Bu çıxış bütövlükdə Azərbaycanın son illərdə keçdiyi siyasi, hərbi və iqtisadi transformasiyanın geniş panoramasını ortaya qoydu. Cənab Prezidentin nitqində həm keçmişin ağrıları, həm zəfərin siyasi fəlsəfəsi, həm də gələcəyin inkişaf modeli paralel şəkildə təqdim edildi. Bu çıxış bir daha göstərdi ki, Azərbaycan artıq postmüharibə mərhələsinə yalnız bərpa və yenidənqurma prizmasından yanaşmır. Rəsmi Bakı azad olunmuş əraziləri ölkənin gələcək geosiyasi və iqtisadi arxitekturasının əsas dayaqlarından birinə çevirməyə çalışır.
Bu sözləri aia.az-a verdiyi müsahibəsində Azərbaycan Texniki Universitetinin tələbəsi, YAP Yasamal rayon təşkilatının fəal üzvü Gülər Sultanzadə deyib.
Müsahibimiz bildirib ki, Cənab Prezident çıxşını Ulu Öndər Heydər Əliyevin doğum günü ilə başlayıb. “Bizim görüşümüzün məhz bu gündə keçirilməsi təbii ki, rəmzi məna daşıyır. Ulu Öndər Heydər Əliyevin ən böyük arzusu doğma torpaqlarımızın işğaldan azad olunması idi. Biz - onun davamçıları onun vəsiyyətini yerinə yetirdik. Bu gün Azərbaycan ərazisində hər qarış torpaq Azərbaycan xalqına məxsusdur. İşğalçıları torpaqlarımızdan qovaraq öz ərazi bütövlüyümüzü və suverenliyimizi bərpa etdik”. Zəngılan bu gün Azərbaycanın ən mühüm strateji bölgələrindən biri hesab olunur. Cənab Prezidentin çıxışında da bu məqam xüsusi xətt kimi keçirdi. Çünki rayon Zəngəzur dəhlizinin əsas həlqələrindən biridir, beynəlxalq nəqliyyat marşrutlarının kəsişməsində yerləşir, İranla sərhəd bağlantısına malikdir, gələcək regional logistika sistemində mühüm rol oynayacaq. Cənab Prezidentin “Zəngılanı bölgənin nəqliyyat mərkəzlərindən birinə çevirəcəyik” fikri əslində Azərbaycanın uzunmüddətli strateji planının açıq təqdimatı idi. Bu baxımdan Zəngılanda inşa edilən yaşayış kompleksləri təkcə sosial layihə deyil. Burada formalaşdırılan yeni şəhər modeli dövlətin gələcək inkişaf konsepsiyasının praktiki nümunəsi kimi çıxış edir. Çıxışın əsas ideoloji xəttlərindən biri “Böyük Qayıdış” proqramının real nəticələrinin nümayiş etdirilməsi idi. Uzun illər məcburi köçkün həyatı yaşayan insanların doğma şəhərlərinə qayıtması dövlətin ən mühüm sosial və milli prioritetlərindən biri kimi təqdim olundu. Cənab Prezidentin nitqində diqqət çəkən məqamlardan biri də keçmiş məcburi köçkünlərlə illər əvvəl etdiyi görüşləri xatırlatması oldu. O bildirdi ki, işğal dövründə insanlara verilən vədlər bu gün reallığa çevrilir. Bu yanaşma hakimiyyətin siyasi ritorikasında mühüm rol oynayır: dövlət verdiyi sözə sadiqdir, Qarabağ məsələsi yalnız hərbi yox, həm də humanitar məsələ idi, qələbənin əsas məqsədi insanların doğma torpaqlara qaytarılmasıdır. Beləliklə, “Böyük Qayıdış” artıq yalnız siyasi konsepsiya deyil, həyata keçirilən dövlət proqramı kimi təqdim olunur. Cənab Prezident çıxış boyunca 44 günlük Vətən müharibəsini sadəcə hərbi əməliyyat kimi deyil, milli tarixdə dönüş nöqtəsi kimi xarakterizə etdi. Nitqdə xüsusi olaraq vurğulandı ki, Azərbaycan müharibədə xarici təzyiqlərə boyun əymədi, siyasi iradə sonadək qorundu, xalq-hakimiyyət birliyi qələbənin əsas şərtinə çevrildi. Bu tezislər son illərdə formalaşan yeni milli ideologiyanın əsas elementləridir. Qarabağ zəfəri artıq yalnız hərbi nailiyyət deyil; milli həmrəyliyin, dövlət gücünün və siyasi müstəqilliyin simvolu kimi təqdim edilir. Cənab Prezidentin “xalq bir yumruq kimi birləşmişdi” fikri də məhz bu siyasi fəlsəfənin ifadəsidir.
Çıxışda beynəlxalq münasibətlərə dair verilən mesajlar xüsusilə diqqət çəkdi. Cənab Prezident bir daha vurğuladı ki, Azərbaycan öz təhlükəsizliyini özü təmin edən dövlətdir, xarici təzyiqlər qarşısında geri çəkilməyib, regional proseslərdə əsas söz sahibi mövqeyinə yüksəlib. ATƏT-in Minsk qrupu, bəzi Qərb dairələri və Avropa müşahidə missiyası ilə bağlı səsləndirilən fikirlər göstərdi ki, Bakı artıq beynəlxalq platformalarda daha sərt və açıq siyasi dilə üstünlük verir. Bu ritorika eyni zamanda daxili auditoriyaya da hesablanıb. Məqsəd Azərbaycanın qalib dövlət statusunu, regional liderliyini, siyasi müstəqilliyini vurğulamaqdır. Cənab Prezidentin “biz istəsəydik, istənilən əməliyyatı keçirə bilərdik” fikri Azərbaycanın hərbi-siyasi potensialına verilən açıq mesaj kimi qiymətləndirilə bilər. Çıxışın emosional hissələrindən biri işğal dövründə təbiətə və infrastruktura vurulan zərərlə bağlı idi. Cənab Prezident xüsusilə Bəsitçay qoruğunun məhv edilməsinə toxundu. Bu hissə təsadüfi deyildi. Azərbaycan son illər beynəlxalq müstəvidə Ermənistanın ekoloji dağıntılar, meşələrin məhv edilməsi, dini abidələrin dağıdılması, talançılıq siyasəti ilə bağlı mövqeyini daha fəal şəkildə gündəmə gətirir. Beləliklə, müharibənin nəticələri yalnız ərazi itkisi deyil, həm də ekoloji və mədəni fəlakət kimi təqdim olunur. Cənab Prezident çıxışda azad edilmiş ərazilərdə aparılan tikinti və infrastruktur layihələrini geniş şəkildə sadaladı. Hava limanları, dəmir yolları, elektrik stansiyaları, aqroparklar, yaşayış kompleksləri, məktəblər, məscidlər, körpülər tikilir deyərək . Azərbaycanın “qurub-yaradan dövlət” obrazını gücləndirdi. Cənab Prezidentin “sahib belə edər” ifadəsi bu siyasi xəttin ən qısa və ən təsirli formulu oldu.
Nitqin ən strateji hissələrindən biri Zəngəzur dəhlizi ilə bağlı idi. Cənab Prezident Bakıdan Zəngılana dəmir yolunun çəkildiyini, Naxçıvana birbaşa bağlantının yaradılacağını, regionun beynəlxalq tranzit qovşağına çevriləcəyini xüsusi vurğuladı. Bu mesajlar göstərir ki, Azərbaycan Qarabağdan sonra əsas diqqəti regional kommunikasiya xəritəsinin dəyişdirilməsinə yönəldib. Zəngəzur dəhlizi artıq təkcə nəqliyyat layihəsi deyil. Bu layihə Türk dünyasının bağlantısı, Şərq-Qərb ticarət marşrutu, Şimal-Cənub dəhlizinin inteqrasiyası, regional iqtisadi transformasiya kimi daha geniş geosiyasi məna daşıyır. Cənab Prezident İlham Əliyevin Zəngılandakı çıxışı göstərdi ki, Azərbaycan hakimiyyəti postmüharibə mərhələsini yalnız qələbənin nəticəsi kimi deyil, yeni dövlətçilik mərhələsi kimi təqdim edir. Zəngılanda görünən mənzərə təkcə yenidən qurulan şəhər görüntüsü deyil. Bu, Azərbaycanın gələcək onilliklər üçün qurmağa çalışdığı yeni siyasi və iqtisadi modelin simvoludur-deyə Gülər Sultanzadə fikrini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 13-05-2026 | Saat: 14:38
Bölmə:Özəl | çapa göndər
Mayın 10-da Zəngılan şəhərində ilk yaşayış kompleksinə köçən ailələrlə görüş zamanı cənab Prezident İlham Əliyevin səsləndirdiyi fikirlər yalnız bir qayıdış mərasiminin emosional notları deyildi. Bu çıxış bütövlükdə Azərbaycanın son illərdə keçdiyi siyasi, hərbi və iqtisadi transformasiyanın geniş panoramasını ortaya qoydu. Cənab Prezidentin nitqində həm keçmişin ağrıları, həm zəfərin siyasi fəlsəfəsi, həm də gələcəyin inkişaf modeli paralel şəkildə təqdim edildi. Bu çıxış bir daha göstərdi ki, Azərbaycan artıq postmüharibə mərhələsinə yalnız bərpa və yenidənqurma prizmasından yanaşmır. Rəsmi Bakı azad olunmuş əraziləri ölkənin gələcək geosiyasi və iqtisadi arxitekturasının əsas dayaqlarından birinə çevirməyə çalışır.
Bu sözləri aia.az-a verdiyi müsahibəsində Azərbaycan Texniki Universitetinin tələbəsi, YAP Yasamal rayon təşkilatının fəal üzvü Gülər Sultanzadə deyib.
Müsahibimiz bildirib ki, Cənab Prezident çıxşını Ulu Öndər Heydər Əliyevin doğum günü ilə başlayıb. “Bizim görüşümüzün məhz bu gündə keçirilməsi təbii ki, rəmzi məna daşıyır. Ulu Öndər Heydər Əliyevin ən böyük arzusu doğma torpaqlarımızın işğaldan azad olunması idi. Biz - onun davamçıları onun vəsiyyətini yerinə yetirdik. Bu gün Azərbaycan ərazisində hər qarış torpaq Azərbaycan xalqına məxsusdur. İşğalçıları torpaqlarımızdan qovaraq öz ərazi bütövlüyümüzü və suverenliyimizi bərpa etdik”. Zəngılan bu gün Azərbaycanın ən mühüm strateji bölgələrindən biri hesab olunur. Cənab Prezidentin çıxışında da bu məqam xüsusi xətt kimi keçirdi. Çünki rayon Zəngəzur dəhlizinin əsas həlqələrindən biridir, beynəlxalq nəqliyyat marşrutlarının kəsişməsində yerləşir, İranla sərhəd bağlantısına malikdir, gələcək regional logistika sistemində mühüm rol oynayacaq. Cənab Prezidentin “Zəngılanı bölgənin nəqliyyat mərkəzlərindən birinə çevirəcəyik” fikri əslində Azərbaycanın uzunmüddətli strateji planının açıq təqdimatı idi. Bu baxımdan Zəngılanda inşa edilən yaşayış kompleksləri təkcə sosial layihə deyil. Burada formalaşdırılan yeni şəhər modeli dövlətin gələcək inkişaf konsepsiyasının praktiki nümunəsi kimi çıxış edir. Çıxışın əsas ideoloji xəttlərindən biri “Böyük Qayıdış” proqramının real nəticələrinin nümayiş etdirilməsi idi. Uzun illər məcburi köçkün həyatı yaşayan insanların doğma şəhərlərinə qayıtması dövlətin ən mühüm sosial və milli prioritetlərindən biri kimi təqdim olundu. Cənab Prezidentin nitqində diqqət çəkən məqamlardan biri də keçmiş məcburi köçkünlərlə illər əvvəl etdiyi görüşləri xatırlatması oldu. O bildirdi ki, işğal dövründə insanlara verilən vədlər bu gün reallığa çevrilir. Bu yanaşma hakimiyyətin siyasi ritorikasında mühüm rol oynayır: dövlət verdiyi sözə sadiqdir, Qarabağ məsələsi yalnız hərbi yox, həm də humanitar məsələ idi, qələbənin əsas məqsədi insanların doğma torpaqlara qaytarılmasıdır. Beləliklə, “Böyük Qayıdış” artıq yalnız siyasi konsepsiya deyil, həyata keçirilən dövlət proqramı kimi təqdim olunur. Cənab Prezident çıxış boyunca 44 günlük Vətən müharibəsini sadəcə hərbi əməliyyat kimi deyil, milli tarixdə dönüş nöqtəsi kimi xarakterizə etdi. Nitqdə xüsusi olaraq vurğulandı ki, Azərbaycan müharibədə xarici təzyiqlərə boyun əymədi, siyasi iradə sonadək qorundu, xalq-hakimiyyət birliyi qələbənin əsas şərtinə çevrildi. Bu tezislər son illərdə formalaşan yeni milli ideologiyanın əsas elementləridir. Qarabağ zəfəri artıq yalnız hərbi nailiyyət deyil; milli həmrəyliyin, dövlət gücünün və siyasi müstəqilliyin simvolu kimi təqdim edilir. Cənab Prezidentin “xalq bir yumruq kimi birləşmişdi” fikri də məhz bu siyasi fəlsəfənin ifadəsidir.
Çıxışda beynəlxalq münasibətlərə dair verilən mesajlar xüsusilə diqqət çəkdi. Cənab Prezident bir daha vurğuladı ki, Azərbaycan öz təhlükəsizliyini özü təmin edən dövlətdir, xarici təzyiqlər qarşısında geri çəkilməyib, regional proseslərdə əsas söz sahibi mövqeyinə yüksəlib. ATƏT-in Minsk qrupu, bəzi Qərb dairələri və Avropa müşahidə missiyası ilə bağlı səsləndirilən fikirlər göstərdi ki, Bakı artıq beynəlxalq platformalarda daha sərt və açıq siyasi dilə üstünlük verir. Bu ritorika eyni zamanda daxili auditoriyaya da hesablanıb. Məqsəd Azərbaycanın qalib dövlət statusunu, regional liderliyini, siyasi müstəqilliyini vurğulamaqdır. Cənab Prezidentin “biz istəsəydik, istənilən əməliyyatı keçirə bilərdik” fikri Azərbaycanın hərbi-siyasi potensialına verilən açıq mesaj kimi qiymətləndirilə bilər. Çıxışın emosional hissələrindən biri işğal dövründə təbiətə və infrastruktura vurulan zərərlə bağlı idi. Cənab Prezident xüsusilə Bəsitçay qoruğunun məhv edilməsinə toxundu. Bu hissə təsadüfi deyildi. Azərbaycan son illər beynəlxalq müstəvidə Ermənistanın ekoloji dağıntılar, meşələrin məhv edilməsi, dini abidələrin dağıdılması, talançılıq siyasəti ilə bağlı mövqeyini daha fəal şəkildə gündəmə gətirir. Beləliklə, müharibənin nəticələri yalnız ərazi itkisi deyil, həm də ekoloji və mədəni fəlakət kimi təqdim olunur. Cənab Prezident çıxışda azad edilmiş ərazilərdə aparılan tikinti və infrastruktur layihələrini geniş şəkildə sadaladı. Hava limanları, dəmir yolları, elektrik stansiyaları, aqroparklar, yaşayış kompleksləri, məktəblər, məscidlər, körpülər tikilir deyərək . Azərbaycanın “qurub-yaradan dövlət” obrazını gücləndirdi. Cənab Prezidentin “sahib belə edər” ifadəsi bu siyasi xəttin ən qısa və ən təsirli formulu oldu.
Nitqin ən strateji hissələrindən biri Zəngəzur dəhlizi ilə bağlı idi. Cənab Prezident Bakıdan Zəngılana dəmir yolunun çəkildiyini, Naxçıvana birbaşa bağlantının yaradılacağını, regionun beynəlxalq tranzit qovşağına çevriləcəyini xüsusi vurğuladı. Bu mesajlar göstərir ki, Azərbaycan Qarabağdan sonra əsas diqqəti regional kommunikasiya xəritəsinin dəyişdirilməsinə yönəldib. Zəngəzur dəhlizi artıq təkcə nəqliyyat layihəsi deyil. Bu layihə Türk dünyasının bağlantısı, Şərq-Qərb ticarət marşrutu, Şimal-Cənub dəhlizinin inteqrasiyası, regional iqtisadi transformasiya kimi daha geniş geosiyasi məna daşıyır. Cənab Prezident İlham Əliyevin Zəngılandakı çıxışı göstərdi ki, Azərbaycan hakimiyyəti postmüharibə mərhələsini yalnız qələbənin nəticəsi kimi deyil, yeni dövlətçilik mərhələsi kimi təqdim edir. Zəngılanda görünən mənzərə təkcə yenidən qurulan şəhər görüntüsü deyil. Bu, Azərbaycanın gələcək onilliklər üçün qurmağa çalışdığı yeni siyasi və iqtisadi modelin simvoludur-deyə Gülər Sultanzadə fikrini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
