"Münaqişə həlli üçün yaradılmış ATƏT-in Minsk qrupuna münaqişə olmayan bölgədə nə ehtiyac var?!"

"Münaqişə həlli üçün yaradılmış ATƏT-in Minsk qrupuna münaqişə olmayan bölgədə nə ehtiyac var?!" - Nəsib Məhəməliyev
Tarix: 05-04-2025 | Saat: 20:40
Bölmə:Siyasət | çapa göndər

Şirift ölçüsü:

Bu günə qədər sülh müqaviləsinin mətni tam razılaşdırılıb, 17 paraqrafdan ibarətdir. Azərbaycan burada hər hansı bir əlavə şərt irəli sürməyib. Bizim şərtlərimiz Ermənistan üçün bəllidir, yenilik deyil. Bu şərtləri biz uzun müddət ərzində irəli sürürük. Ancaq Ermənistandan bu günə qədər hər hansı bir ciddi cavab almamışıq. Nədən ibarətdir bu? Birincisi, ATƏT-in Minsk qrupu ləğv edilməlidir. Bunun da məntiqi ondan ibarətdir ki, 1992-ci ildə yaradılmış ATƏT-in Minsk qrupunun mandatı Qarabağ münaqişəsinin həlli idi. Qarabağ münaqişəsini Azərbaycan özü həll edib - BMT Nizamnaməsi əsasında və beynəlxalq hüquq çərçivəsində. Münaqişə həll olunduğu üçün və Ermənistan rəsmən Qarabağı Azərbaycan torpağı kimi tanıdığı üçün ATƏT-in Minsk qrupunun de-yure fəaliyyətinə heç bir əsas qalmamışdır”. Bu sözləri Azərbaycan Respublikasının dövlət başçısı İlham Əliyev almaniyalı həmkarı ilə görüş zamanı jurnalistlərin suallarını cavablayarkən bildirib. Prezident qeyd edib ki, ATƏT-in Minsk qrupu de-fakto bu qrup fəaliyyət göstərmirdi. “Ermənistanın buna razı olmaması bizdə haqlı olaraq şübhələr doğurur. Görəsən, nə üçün? Bəlkə Ermənistan bizə qarşı yenə də ərazi iddiası ilə çıxış etmək istəyir? Onların sürətli silahlanması, öldürücü silahlar əldə etməsi, bu sahədə onlara əsas yardımçı olan Fransanın onları yeni təxribatlara təhrik etməsi bu şübhələri təbii olaraq artırır. Yəni, bu, birinci məsələdir”-deyə İlham Əliyev qeyd edib.
30 il işə yaramayan bir qrupun fəaliyyətinin ləğvinə razılaşmamaq, Ermənistanın sülh müqaviləsində maraqlı olması fikrini kölgələyir...

Milli Məclisin deputatı Nəsib Məhəməliyev Bizimyol.info xəbər portalına açıqlamasında bildirib ki, ATƏT-in Minsk qrupu 30 illik fəaliyyəti dönəmində heç bir nəticə vermədi.

Nəsib Məhəməliyev Nəsib Məhəməliyev
“1992-ci ildə yaranan Minsk qrupu Ermənistan-Azərbaycan-Dağlıq Qarabağ konfliktinin həlli ilə məşğul olmalı idi. BMT TŞ-nın qərarlarından tutmuş, bir çox digər beynəlxalq təşkilatların qətnamələri, hüquqi aktları olmasına rəğmən, münaqişə həll olunmadı. Azərbaycan öz problemini özü həll etdi. Ermənistan Qarabağı Azərbaycan ərazisi kimi tanıdı. Münaqişə yoxdursa, münaqişənin həlli üçün yaradılmış qrupa nə ehtiyac var. Ələlxüsus, həmsədr ölkələrinin özləri arasında düşmənçilik davam edir”-deyən deputat qeyd edib ki, Ermənistan sadəcə olaraq, bu məsələdən və Qarabağ ermənilərinin geri qaytarılması kimi "sarsaq" ideyalardan, Azərbaycana təzyiq vasitəsi kimi istifadə etmək istəyir.

“Artıq bu da keçərli deyil”-deyə deputat vurğulayıb.

İradə Cəlil,

Ad və soyad:*
E-Mail:
Şərhiniz:
Kodu yazın: *