Azərbaycanın Türkiyə ilə enerji tərəfdaşlığı yeni geosiyasi və strateji reallıqlar yaradır
Tarix: 05-04-2025 | Saat: 12:09
Bölmə:Siyasət | çapa göndər
Azərbaycan ilə Türkiyə arasında strateji tərəfdaşlıq illərdir ki, regional sabitlik və iqtisadi əməkdaşlığın əsas dayaqlarından biridir. Bu tərəfdaşlığın ən mühüm sütunlarından biri isə enerji sahəsində qurulan və daim inkişaf edən əlaqələrdir. Aprelin 4-də Prezident İlham Əliyevin Türkiyə Respublikasının enerji və təbii sərvətlər naziri Alparslan Bayraktarı qəbul etməsi bu sahədə əməkdaşlığın yeni mərhələyə qədəm qoyduğunu bir daha nümayiş etdirdi.
Etiraf edək ki, Cənub Qaz Dəhlizi layihəsi Azərbaycanın dünya enerji bazarındakı strateji əhəmiyyətini kəskin şəkildə artırdı. Bu layihə təkcə Azərbaycanın təbii qazını Avropaya çatdırmaqla kifayətlənmir, eyni zamanda regionda iqtisadi inteqrasiyanı, qarşılıqlı asılılığa əsaslanan dayanıqlı əməkdaşlıq modelini təşviq edir. Prezident İlham Əliyevin siyasi uzaqgörənliyi və prinsipial mövqeyi nəticəsində bu layihə geosiyasi çağırışlara baxmayaraq uğurla gerçəkləşdi və artıq enerji təhlükəsizliyinin ayrılmaz tərkib hissəsinə çevrildi.
Bugünkü görüş zamanı SOCAR ilə Türk Petrolları və BOTAŞ arasında əməkdaşlığın dərinləşməsi və bu birgə fəaliyyətin digər ölkələrdə də davam etdirilməsi məsələsi müzakirə olundu. Bu, Azərbaycanın enerji sahəsində transmilli şirkət kimi fəaliyyət göstərməyə başladığını və regional oyunçu statusunu qlobal səviyyəyə yüksəltmək niyyətində olduğunu göstərir.
Ənənəvi enerji resurslarından əlavə, Azərbaycanın elektrik enerjisi sahəsində də ixracat potensialı genişlənir. Naxçıvandan Türkiyəyə 75 meqavatlıq elektrik ötürülməsi barədə sənədin imzalanması bu sahədə mühüm addımdır. Bu, Naxçıvanın enerji təhlükəsizliyinin təmin olunması ilə yanaşı, onun regional enerji sisteminə real inteqrasiyasını da təmin edir. Eyni zamanda, SOCAR-ın artıq Türkiyəyə elektrik enerjisi satması Azərbaycanın enerji bazarında çoxşaxəli və rəqabətqabiliyyətli aktora çevrildiyini təsdiqləyir.
Azərbaycanın yaşıl enerji gündəliyi də son illər dövlət siyasətinin prioritet istiqamətlərindən birinə çevrilib. Bu istiqamətdə atılan addımlar təkcə daxili enerji balansının diversifikasiyasını deyil, həm də regional enerji keçidinə töhfəni nəzərdə tutur. Görüşdə Azərbaycan, Türkiyə, Gürcüstan və Bolqarıstan arasında yaşıl enerji əməkdaşlığına dair memorandumun imzalanacağına dair məlumat bu baxımdan xüsusilə əhəmiyyətlidir.
Bu dörd ölkənin koordinasiyalı fəaliyyəti nəticəsində yaşıl enerji kəmərlərinin yaradılması və alternativ enerji mənbələrinin istifadəsi ilə bağlı transsərhəd layihələrin reallaşdırılması mümkün olacaq. Bu isə həm regionda ekoloji dayanıqlılığın təmininə, həm də Avropanın yaşıl enerji tələbatının ödənilməsində Azərbaycanın rolunun artmasına xidmət edəcək.
Azərbaycanın enerji siyasəti təkcə iqtisadi maraqlarla deyil, geosiyasi məsuliyyətlə formalaşır. Prezident İlham Əliyevin rəhbərliyi ilə həyata keçirilən enerji diplomatiyası ölkəmizi regionda enerji təhlükəsizliyinin və sabit inkişafın təminatçısına çevirib. Bu prosesdə Türkiyə ilə qarşılıqlı etimada əsaslanan tərəfdaşlıq münasibətləri müstəsna rol oynayır.
Əminliklə demək olar ki, bu gün Azərbaycan enerji ixracatçısı olmaqdan daha çox, enerji təhlükəsizliyinin təşəbbüskarı və təminatçısı rolunu oynayır. Enerji sahəsində qurulan bu güclü tərəfdaşlıq regionda sülh, əməkdaşlıq və qarşılıqlı rifah üçün mühüm zəmin yaradır.
Məşhur Məmmədov
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 05-04-2025 | Saat: 12:09
Bölmə:Siyasət | çapa göndər
Azərbaycan ilə Türkiyə arasında strateji tərəfdaşlıq illərdir ki, regional sabitlik və iqtisadi əməkdaşlığın əsas dayaqlarından biridir. Bu tərəfdaşlığın ən mühüm sütunlarından biri isə enerji sahəsində qurulan və daim inkişaf edən əlaqələrdir. Aprelin 4-də Prezident İlham Əliyevin Türkiyə Respublikasının enerji və təbii sərvətlər naziri Alparslan Bayraktarı qəbul etməsi bu sahədə əməkdaşlığın yeni mərhələyə qədəm qoyduğunu bir daha nümayiş etdirdi.
Etiraf edək ki, Cənub Qaz Dəhlizi layihəsi Azərbaycanın dünya enerji bazarındakı strateji əhəmiyyətini kəskin şəkildə artırdı. Bu layihə təkcə Azərbaycanın təbii qazını Avropaya çatdırmaqla kifayətlənmir, eyni zamanda regionda iqtisadi inteqrasiyanı, qarşılıqlı asılılığa əsaslanan dayanıqlı əməkdaşlıq modelini təşviq edir. Prezident İlham Əliyevin siyasi uzaqgörənliyi və prinsipial mövqeyi nəticəsində bu layihə geosiyasi çağırışlara baxmayaraq uğurla gerçəkləşdi və artıq enerji təhlükəsizliyinin ayrılmaz tərkib hissəsinə çevrildi.
Bugünkü görüş zamanı SOCAR ilə Türk Petrolları və BOTAŞ arasında əməkdaşlığın dərinləşməsi və bu birgə fəaliyyətin digər ölkələrdə də davam etdirilməsi məsələsi müzakirə olundu. Bu, Azərbaycanın enerji sahəsində transmilli şirkət kimi fəaliyyət göstərməyə başladığını və regional oyunçu statusunu qlobal səviyyəyə yüksəltmək niyyətində olduğunu göstərir.
Ənənəvi enerji resurslarından əlavə, Azərbaycanın elektrik enerjisi sahəsində də ixracat potensialı genişlənir. Naxçıvandan Türkiyəyə 75 meqavatlıq elektrik ötürülməsi barədə sənədin imzalanması bu sahədə mühüm addımdır. Bu, Naxçıvanın enerji təhlükəsizliyinin təmin olunması ilə yanaşı, onun regional enerji sisteminə real inteqrasiyasını da təmin edir. Eyni zamanda, SOCAR-ın artıq Türkiyəyə elektrik enerjisi satması Azərbaycanın enerji bazarında çoxşaxəli və rəqabətqabiliyyətli aktora çevrildiyini təsdiqləyir.
Azərbaycanın yaşıl enerji gündəliyi də son illər dövlət siyasətinin prioritet istiqamətlərindən birinə çevrilib. Bu istiqamətdə atılan addımlar təkcə daxili enerji balansının diversifikasiyasını deyil, həm də regional enerji keçidinə töhfəni nəzərdə tutur. Görüşdə Azərbaycan, Türkiyə, Gürcüstan və Bolqarıstan arasında yaşıl enerji əməkdaşlığına dair memorandumun imzalanacağına dair məlumat bu baxımdan xüsusilə əhəmiyyətlidir.
Bu dörd ölkənin koordinasiyalı fəaliyyəti nəticəsində yaşıl enerji kəmərlərinin yaradılması və alternativ enerji mənbələrinin istifadəsi ilə bağlı transsərhəd layihələrin reallaşdırılması mümkün olacaq. Bu isə həm regionda ekoloji dayanıqlılığın təmininə, həm də Avropanın yaşıl enerji tələbatının ödənilməsində Azərbaycanın rolunun artmasına xidmət edəcək.
Azərbaycanın enerji siyasəti təkcə iqtisadi maraqlarla deyil, geosiyasi məsuliyyətlə formalaşır. Prezident İlham Əliyevin rəhbərliyi ilə həyata keçirilən enerji diplomatiyası ölkəmizi regionda enerji təhlükəsizliyinin və sabit inkişafın təminatçısına çevirib. Bu prosesdə Türkiyə ilə qarşılıqlı etimada əsaslanan tərəfdaşlıq münasibətləri müstəsna rol oynayır.
Əminliklə demək olar ki, bu gün Azərbaycan enerji ixracatçısı olmaqdan daha çox, enerji təhlükəsizliyinin təşəbbüskarı və təminatçısı rolunu oynayır. Enerji sahəsində qurulan bu güclü tərəfdaşlıq regionda sülh, əməkdaşlıq və qarşılıqlı rifah üçün mühüm zəmin yaradır.
Məşhur Məmmədov
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
05-04-2025
04-04-2025
