Ştaynmayerin səfəri: Azərbaycan-Almaniya münasibətlərində yeni dönəm
Tarix: 03-04-2025 | Saat: 15:07
Bölmə:Siyasət | çapa göndər
Azərbaycan və Almaniya arasında əməkdaşlıq yeni mərhələyə qədəm qoyur.
Prezident İlham Əliyevin Almaniya Prezidenti Frank-Valter Ştaynmayerin Bakıya səfəri zamanı verdiyi bəyanat bu əlaqələrin perspektivlərini aydın şəkildə ortaya qoyur. Xüsusilə iqtisadi sahədə əldə edilən nəticələr və gələcək hədəflər diqqət çəkir.
Son dövrlərdə iki ölkə arasında ticarət dövriyyəsinin üç dəfə artması Azərbaycanın Almaniya üçün strateji enerji tərəfdaşına çevrildiyini göstərir. Xam neft ixracının artması bu tendensiyanın əsas səbəbi olsa da, Bakı əməkdaşlığı yalnız neft sektoru ilə məhdudlaşdırmaq niyyətində deyil. Prezident Əliyevin vurğuladığı kimi, əsas hədəflərdən biri ticarət əlaqələrini daha da şaxələndirmək və bərpaolunan enerji sahəsində əməkdaşlığı genişləndirməkdir.
Bu əməkdaşlıq təkcə Azərbaycan iqtisadiyyatının diversifikasiyası və ölkənin enerji ixrac imkanlarının genişlənməsi baxımından deyil, eyni zamanda Avropanın enerji təhlükəsizliyinin təmin olunması kontekstində də mühüm əhəmiyyət kəsb edir. Beləliklə, Prezident Əliyevin bəyanatı iki ölkə arasında münasibətlərin təkcə iqtisadi deyil, həm də strateji xarakter daşıdığını göstərir.
Millət vəkili, iqtisadçı-ekspert Azər Badamov mətbuata açıqlamasında bildirib ki, Azərbaycanla Almaniya arasında münasibətlər özünün inkişaf dövrünü yaşayır.
O qeyd edib ki, ölkələrimiz arasında davamlı siyasi dialoq mövcuddur və iqtisadiyyatla yanaşı, humanitar sahələrdə də geniş əməkdaşlıq həyata keçirilir:
"Almanya Prezidenti Frank-Valter Ştaynmayerin ölkəmizə səfəri və dövlət başçıları arasında aparılan müzakirələr, ölkələrimiz arasındakı əməkdaşlığın dərinləşməsinə yeni bir impuls verəcəkdir. Düzdür, Ştaynmayerin Prezident qismində ölkəmizə rəsmi səfəri birinci dəfədir. Lakin XİN rəhbəri kimi dəfələrlə ölkəmizə gəlmiş və ölkələrimiz arasındakı əməkdaşlığın inkişaf etdirilməsi, “Dağlıq Qarabağ” münaqişəsinin dinc yolla həll olunması istiqamətində fikir mübadilələri aparılmışdır.
Təəssüf ki, 30 ildən çox davam edən Azərbaycan-Ermənistan münaqişəsinin ədalətli şəkildə həll olunması istiqamətində beynəlxalq ictimaiyyətin heç bir töhfəsi olmamışdır. Lakin Azərbaycan öz gücü ilə bu münaqişəni beynəlxalq hüquq normaları çərçivəsində həll etmiş və bu gün ölkələrimiz arasında sülh müqaviləsinin imzalanması ilə bağlı mövqelərimiz heç olmadığı qədər yaxınlaşmışdır".
Millət vəkili vurğulayıb ki, Azərbaycan Respublikasının Prezidenti İlham Əliyev, Almaniya Prezidenti ilə ikitərəfli, eyni zamanda nümayəndə heyətlərinin geniş tərkibinin iştirakı ilə keçirdiyi görüşlərdə mövqeyimizi və baş verən prosesləri qarşı tərəfin diqqətinə bir daha çatdırmışdır:
"Həm də dövlət başçımız, ölkəmizdə keçirilən qlobal əhəmiyyətli COP 29 tədbirində iştirak etməyən yeganə ölkənin Ermənistan olduğunu və iştirak etməməsinin səbəbinin başa düşülmədiyini bir daha almaniyalı həmkarının diqqətinə çatdırıb. Ölkələrimiz arasında iqtisadi əlaqələr yüksələn xətlə inkişaf edir və əməkdaşlığın inkişafını təmin edən hüquqi bazanı yaradan 77 sənəd imzalanmışdır.
Bu ilin ilk 2 ayında keçən ilin müvafiq dövrünə nisbətən ticarət dövriyyəsində 3 dəfədən çox artım müşahidə olunmuşdur. Almaniya ilə ticarət dövriyyəsinin artmasının əsas səbəbi, xam neftimizin alışının artırılmasıdır. Həmçinin, Almaniya şirkətləri ilə əməkdaşlıq edərək, qazımızın Avropa bazarına ixracı həyata keçirilir. Prezidentlər ticarət-iqtisadi əməkdaşlığın şaxələndirilməsi ilə bağlı fikir mübadiləsi aparıblar. Belə ki, Azərbaycanın “yaşıl enerji” gündəliyi çox zəngindir və 2030-cu ilə qədər 6 gigavat gücündə bərpa olunan enerji istehsal etməyi planlaşdırırıq.
Təbii ki, bərpa olunan enerjimizin Avropaya ixrac edilməsində Almaniya ilə əməkdaşlığımızın dərinləşdirilməsi müsbət nəticələr verəcəkdir. Humanitar sahədə də əməkdaşlığımız inkişaf edir və bu, xalqlarımızın daha da yaxınlaşmasına töhfə verəcəkdir. Azərbaycanla Almaniya arasında hökumətlər və parlamentlərarası münasibətlər yüksək səviyyədə inkişaf edir. Dövlət başçılarının və digər rəsmilərin qarşılıqlı səfərləri ölkələrimizi bir-birinə daha da yaxınlaşdırır və qarşılıqlı hörmət və fayda əsasında münasibətlərin möhkəmlənməsinə töhfə verir".
Məlumatlanmaq üçün Facebook səhifəmizi
Digər xəbərlər
Tarix: 03-04-2025 | Saat: 15:07
Bölmə:Siyasət | çapa göndər
Azərbaycan və Almaniya arasında əməkdaşlıq yeni mərhələyə qədəm qoyur.
Prezident İlham Əliyevin Almaniya Prezidenti Frank-Valter Ştaynmayerin Bakıya səfəri zamanı verdiyi bəyanat bu əlaqələrin perspektivlərini aydın şəkildə ortaya qoyur. Xüsusilə iqtisadi sahədə əldə edilən nəticələr və gələcək hədəflər diqqət çəkir.
Son dövrlərdə iki ölkə arasında ticarət dövriyyəsinin üç dəfə artması Azərbaycanın Almaniya üçün strateji enerji tərəfdaşına çevrildiyini göstərir. Xam neft ixracının artması bu tendensiyanın əsas səbəbi olsa da, Bakı əməkdaşlığı yalnız neft sektoru ilə məhdudlaşdırmaq niyyətində deyil. Prezident Əliyevin vurğuladığı kimi, əsas hədəflərdən biri ticarət əlaqələrini daha da şaxələndirmək və bərpaolunan enerji sahəsində əməkdaşlığı genişləndirməkdir.
Bu əməkdaşlıq təkcə Azərbaycan iqtisadiyyatının diversifikasiyası və ölkənin enerji ixrac imkanlarının genişlənməsi baxımından deyil, eyni zamanda Avropanın enerji təhlükəsizliyinin təmin olunması kontekstində də mühüm əhəmiyyət kəsb edir. Beləliklə, Prezident Əliyevin bəyanatı iki ölkə arasında münasibətlərin təkcə iqtisadi deyil, həm də strateji xarakter daşıdığını göstərir.
Millət vəkili, iqtisadçı-ekspert Azər Badamov mətbuata açıqlamasında bildirib ki, Azərbaycanla Almaniya arasında münasibətlər özünün inkişaf dövrünü yaşayır.
O qeyd edib ki, ölkələrimiz arasında davamlı siyasi dialoq mövcuddur və iqtisadiyyatla yanaşı, humanitar sahələrdə də geniş əməkdaşlıq həyata keçirilir:
"Almanya Prezidenti Frank-Valter Ştaynmayerin ölkəmizə səfəri və dövlət başçıları arasında aparılan müzakirələr, ölkələrimiz arasındakı əməkdaşlığın dərinləşməsinə yeni bir impuls verəcəkdir. Düzdür, Ştaynmayerin Prezident qismində ölkəmizə rəsmi səfəri birinci dəfədir. Lakin XİN rəhbəri kimi dəfələrlə ölkəmizə gəlmiş və ölkələrimiz arasındakı əməkdaşlığın inkişaf etdirilməsi, “Dağlıq Qarabağ” münaqişəsinin dinc yolla həll olunması istiqamətində fikir mübadilələri aparılmışdır.
Təəssüf ki, 30 ildən çox davam edən Azərbaycan-Ermənistan münaqişəsinin ədalətli şəkildə həll olunması istiqamətində beynəlxalq ictimaiyyətin heç bir töhfəsi olmamışdır. Lakin Azərbaycan öz gücü ilə bu münaqişəni beynəlxalq hüquq normaları çərçivəsində həll etmiş və bu gün ölkələrimiz arasında sülh müqaviləsinin imzalanması ilə bağlı mövqelərimiz heç olmadığı qədər yaxınlaşmışdır".
Millət vəkili vurğulayıb ki, Azərbaycan Respublikasının Prezidenti İlham Əliyev, Almaniya Prezidenti ilə ikitərəfli, eyni zamanda nümayəndə heyətlərinin geniş tərkibinin iştirakı ilə keçirdiyi görüşlərdə mövqeyimizi və baş verən prosesləri qarşı tərəfin diqqətinə bir daha çatdırmışdır:
"Həm də dövlət başçımız, ölkəmizdə keçirilən qlobal əhəmiyyətli COP 29 tədbirində iştirak etməyən yeganə ölkənin Ermənistan olduğunu və iştirak etməməsinin səbəbinin başa düşülmədiyini bir daha almaniyalı həmkarının diqqətinə çatdırıb. Ölkələrimiz arasında iqtisadi əlaqələr yüksələn xətlə inkişaf edir və əməkdaşlığın inkişafını təmin edən hüquqi bazanı yaradan 77 sənəd imzalanmışdır.
Bu ilin ilk 2 ayında keçən ilin müvafiq dövrünə nisbətən ticarət dövriyyəsində 3 dəfədən çox artım müşahidə olunmuşdur. Almaniya ilə ticarət dövriyyəsinin artmasının əsas səbəbi, xam neftimizin alışının artırılmasıdır. Həmçinin, Almaniya şirkətləri ilə əməkdaşlıq edərək, qazımızın Avropa bazarına ixracı həyata keçirilir. Prezidentlər ticarət-iqtisadi əməkdaşlığın şaxələndirilməsi ilə bağlı fikir mübadiləsi aparıblar. Belə ki, Azərbaycanın “yaşıl enerji” gündəliyi çox zəngindir və 2030-cu ilə qədər 6 gigavat gücündə bərpa olunan enerji istehsal etməyi planlaşdırırıq.
Təbii ki, bərpa olunan enerjimizin Avropaya ixrac edilməsində Almaniya ilə əməkdaşlığımızın dərinləşdirilməsi müsbət nəticələr verəcəkdir. Humanitar sahədə də əməkdaşlığımız inkişaf edir və bu, xalqlarımızın daha da yaxınlaşmasına töhfə verəcəkdir. Azərbaycanla Almaniya arasında hökumətlər və parlamentlərarası münasibətlər yüksək səviyyədə inkişaf edir. Dövlət başçılarının və digər rəsmilərin qarşılıqlı səfərləri ölkələrimizi bir-birinə daha da yaxınlaşdırır və qarşılıqlı hörmət və fayda əsasında münasibətlərin möhkəmlənməsinə töhfə verir".
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
03-04-2025
