Azərbaycan-Venesuela parlament əlaqələri inkişaf edir -Fotolar
Tarix: 03-04-2025 | Saat: 17:51
Bölmə:Parlament | çapa göndər
Aprelin 3-də Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov ölkəmizdə səfərdə olan Venesuela Bolivar Respublikası Milli Assambleyasının sədr müavini, Venesuela-Azərbaycan Dostluq qrupunun rəhbəri Amerika Perezin rəhbərlik etdiyi nümayəndə heyəti ilə görüşüb.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Komitə sədri Sadiq Qurbanov qonaqları salamlayaraq, Azərbaycanla Venesuelanın dostluq əlaqələrindən söhbət açıb. O, hər iki ölkənin neft sənayesi sahəsində böyük təcrübəyə malik olduğunu deyərək, neft-qaz sahəsi ilə yanaşı, bu gün Azərbaycanda bərpa olunan enerji istehsalının sürətlə artdığını bildirib. Hazırda ölkəmizin Avropanın enerji təhlükəsizliyində əhəmiyyətli rolunu qeyd edib.
Sadiq Qurbanov 2024-cü ildə Azərbaycanın evsahibliyi ilə keçirilmiş COP29 konfransının yekunlarının iqlim dəyişikliyi ilə mübarizə sahəsində mühüm töhfələr verdiyini söyləyərək, tədbir çərçivəsində ölkəmizin irəli sürdüyü təşəbbüsləri dəstəklədiyinə görə Venesuela tərəfinə təşəkkürünü ifadə edib. O, iqlim dəyişikliyi ilə mübarizə, ekoloji tarazlığın qorunması kimi məsələlərin dünya miqyasında mühüm əhəmiyyət kəsb etdiyini bildirərək, ölkəmizdə bu istiqamətdə həyata keçirilən tədbirlər, o cümlədən mövcud qanunvericilik bazası barədə məlumat verib.
Komitə sədri dövlətlərarası münasibətlərin möhkəmləndirilməsində parlamentlər arasında əməkdaşlığın önəmli rolunu qeyd edib. Deputatlarımızın dostluq qrupları çərçivəsində əlaqələrinin, habelə parlament komitələri arasında münasibətlərin genişləndirilməsinin vacibliyini vurğulayıb.
Venesuela Milli Assambleyasının sədr müavini, Azərbaycanla Dostluq qrupunun rəhbəri Amerika Perez ölkəmizə səfərindən, burada keçirdiyi görüşlərdən məmnunluğunu ifadə edib. Mütəmadi təmasların, aparılan müzakirələrin əlaqələrin möhkəmləndirilməsi baxımından önəmli olduğunu söyləyib. Ölkəsinin iqtisadi inkişafı barədə söhbət açan qonaq, bu sahədə müvafiq dövlət proqramlarının qəbul edildiyini deyib. Neft-qaz sahəsinin inkişafı ilə yanaşı, təbii ehtiyatların səmərəli istifadəsinin, ekologiya və ətraf mühitin mühafizəsinin də önəm daşıdığını vurğulayıb.
Söhbət zamanı Azərbaycanın işğaldan azad edilmiş ərazilərində işğal dövründə təbiətə vurulmuş ziyan, torpaqların minalarla çirkləndirilməsinin fəsadları barədə qonaqlara məlumat verilib. Habelə, iki ölkənin parlament əlaqələrinin gələcək inkişaf istiqamətləri və qarşılıqlı maraq doğuran digər məsələlərə dair fikir mübadiləsi aparılıb.
Görüşdə Təbii ehtiyatlar, energetika və ekologiya komitəsinin sədr müavini Fatma Yıldırım, üzvləri Asif Əsgərov, Bədəl Bədəlov, Eyvaz Qurbanov, Venesuela ilə parlamentlərarası əlaqələr üzrə işçi qrupunun rəhbəri Tamam Cəfərova, Venesuela nümayəndə heyətinin üzvləri və digər rəsmi şəxslər iştirak ediblər.
Məlumatlanmaq üçün Facebook səhifəmizi
Digər xəbərlər
Tarix: 03-04-2025 | Saat: 17:51
Bölmə:Parlament | çapa göndər
Aprelin 3-də Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov ölkəmizdə səfərdə olan Venesuela Bolivar Respublikası Milli Assambleyasının sədr müavini, Venesuela-Azərbaycan Dostluq qrupunun rəhbəri Amerika Perezin rəhbərlik etdiyi nümayəndə heyəti ilə görüşüb.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Komitə sədri Sadiq Qurbanov qonaqları salamlayaraq, Azərbaycanla Venesuelanın dostluq əlaqələrindən söhbət açıb. O, hər iki ölkənin neft sənayesi sahəsində böyük təcrübəyə malik olduğunu deyərək, neft-qaz sahəsi ilə yanaşı, bu gün Azərbaycanda bərpa olunan enerji istehsalının sürətlə artdığını bildirib. Hazırda ölkəmizin Avropanın enerji təhlükəsizliyində əhəmiyyətli rolunu qeyd edib.
Sadiq Qurbanov 2024-cü ildə Azərbaycanın evsahibliyi ilə keçirilmiş COP29 konfransının yekunlarının iqlim dəyişikliyi ilə mübarizə sahəsində mühüm töhfələr verdiyini söyləyərək, tədbir çərçivəsində ölkəmizin irəli sürdüyü təşəbbüsləri dəstəklədiyinə görə Venesuela tərəfinə təşəkkürünü ifadə edib. O, iqlim dəyişikliyi ilə mübarizə, ekoloji tarazlığın qorunması kimi məsələlərin dünya miqyasında mühüm əhəmiyyət kəsb etdiyini bildirərək, ölkəmizdə bu istiqamətdə həyata keçirilən tədbirlər, o cümlədən mövcud qanunvericilik bazası barədə məlumat verib.
Komitə sədri dövlətlərarası münasibətlərin möhkəmləndirilməsində parlamentlər arasında əməkdaşlığın önəmli rolunu qeyd edib. Deputatlarımızın dostluq qrupları çərçivəsində əlaqələrinin, habelə parlament komitələri arasında münasibətlərin genişləndirilməsinin vacibliyini vurğulayıb.
Venesuela Milli Assambleyasının sədr müavini, Azərbaycanla Dostluq qrupunun rəhbəri Amerika Perez ölkəmizə səfərindən, burada keçirdiyi görüşlərdən məmnunluğunu ifadə edib. Mütəmadi təmasların, aparılan müzakirələrin əlaqələrin möhkəmləndirilməsi baxımından önəmli olduğunu söyləyib. Ölkəsinin iqtisadi inkişafı barədə söhbət açan qonaq, bu sahədə müvafiq dövlət proqramlarının qəbul edildiyini deyib. Neft-qaz sahəsinin inkişafı ilə yanaşı, təbii ehtiyatların səmərəli istifadəsinin, ekologiya və ətraf mühitin mühafizəsinin də önəm daşıdığını vurğulayıb.
Söhbət zamanı Azərbaycanın işğaldan azad edilmiş ərazilərində işğal dövründə təbiətə vurulmuş ziyan, torpaqların minalarla çirkləndirilməsinin fəsadları barədə qonaqlara məlumat verilib. Habelə, iki ölkənin parlament əlaqələrinin gələcək inkişaf istiqamətləri və qarşılıqlı maraq doğuran digər məsələlərə dair fikir mübadiləsi aparılıb.
Görüşdə Təbii ehtiyatlar, energetika və ekologiya komitəsinin sədr müavini Fatma Yıldırım, üzvləri Asif Əsgərov, Bədəl Bədəlov, Eyvaz Qurbanov, Venesuela ilə parlamentlərarası əlaqələr üzrə işçi qrupunun rəhbəri Tamam Cəfərova, Venesuela nümayəndə heyətinin üzvləri və digər rəsmi şəxslər iştirak ediblər.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
