6 AYA TƏHVİL VERƏCƏKDİ, 11 İLDƏN SONRA SÖKDÜ... – Bakıda daha bir böyük tikinti dələduzluğu -Foto
Tarix: 03-04-2025 | Saat: 17:43
Bölmə:Ölkə | çapa göndər
“2014-cü ildə Bakı şəhəri, Xətai rayonu, Kazımağa Kərimov küçəsi 280c, 150d (Əvvəlki adı ilə Kazımağa Kərimov küçəsi 150a) ünvanında fiziki şəxs Əhmədov Saday İsax oğlunun inşasına başladığı üçmərtəbəli binadan (müqaviləyə "Konsern Interturan" MMC-nin möhürü vurulmuş) 50 saylı Notariat Kontorunda xüsusi notariusun iştirakı ilə müqavilə əsasında 7 ailə 8 mənzil aldıq. Saday Əhmədovun 6 ay ərzində binanın təhvil veriləcəyinə söz verməsinə baxmayaraq, 11 il keçsə də, evi bizə təhvil vermədi”.
aia.az: Bunları tikinti şirkətinin rəhbəri tərəfindən aldadıldığını iddia edən Bakı şəhər sakini Əsədov Mehman Yunis oğlu redaksiyamıza ünvanladığı şikayət məktubunda bildirib.
Şikayətçi S.Əhmədovun 2023-cü ildən bəri onların zənginə cavab vermədiyini, köməkçisi Eldəniz Əhmədovun isə hər dəfə yalan vədlərlə onları aldatdığını qeyd edir.
O, bildirir ki, S.Əhmədov 2025-ci il yanvarın 15-də Fövqəladə Hallar Nazirliyindən evin sökülməsi ilə bağlı saxta rəy almaq istəyib. “Xəzər TV-nin çəkiliş qrupunu əraziyə dəvət etdik və onlar Fövqəladə Hallar Nazirliyi ilə əlaqə saxladılar, FHN-dən evin qəzalı vəziyyətdə olması ilə bağlı rəy verilmədiyi bildirildi. Buna baxmayaraq, fevral ayının 11-də heç bir mənzil sahibinə xəbər vermədən evin dam örtüyünün sökülməyə başladığını gördük və işçilərdən evin sökülməsinin kim tərəfindən təşkil olunduğunu soruşduq. Onlar göstərişin Əhmədov Saday, Əhmədov Eldəniz və İcra Hakimiyyətindən olduğunu qeyd etdilər. Halbuki, binanın çıxarışı, notariat tərəfindən alqı-satqı müqaviləsi, məhkəmə tərəfindən toxunulmazlığı, sığortası və üzərində qeydiyyatda olanlar var idi”,- şikayətçi qeyd edir.
M.Əsədovun sözlərinə görə, onların bütün səylərinə baxmayaraq S.Əhmədov əraziyə ağır inşaat texnikaları cəlb edərək, söküntü işləri aparıb. Şikayətçi qeyd edir ki, sökülən binada mənzilləri olan zərərçəkənlərlə birlikdə fevral ayının 13-də Xətai Rayon İcra Hakimiyyəti, eləcə də Xətai Rayon Prokurorluğuna yollanıblar, ancaq hər 2 qurum bu işdən xəbərlərinin olmadığını və söküntü işinə baxmadıqlarını bildiriblər.
Şikayətçilər aiddiyatı qurumlara müraciət edərək hüquqi dövlətin vətəndaşları kimi kəskin şəkildə pozulan hüquqlarının bərpası, kimliyindən və statusundan asılı olmayaraq mülklərini dağıdıb onlara maddi və mənəvi zərər verənlərin cəzalandırılmasını, eyni şərtlərlə alternativ evlə təmin olunmalarına köməklik göstərilməsini xahiş edirlər.(Azpolitika)
Məlumatlanmaq üçün Facebook səhifəmizi
Digər xəbərlər
Tarix: 03-04-2025 | Saat: 17:43
Bölmə:Ölkə | çapa göndər
“2014-cü ildə Bakı şəhəri, Xətai rayonu, Kazımağa Kərimov küçəsi 280c, 150d (Əvvəlki adı ilə Kazımağa Kərimov küçəsi 150a) ünvanında fiziki şəxs Əhmədov Saday İsax oğlunun inşasına başladığı üçmərtəbəli binadan (müqaviləyə "Konsern Interturan" MMC-nin möhürü vurulmuş) 50 saylı Notariat Kontorunda xüsusi notariusun iştirakı ilə müqavilə əsasında 7 ailə 8 mənzil aldıq. Saday Əhmədovun 6 ay ərzində binanın təhvil veriləcəyinə söz verməsinə baxmayaraq, 11 il keçsə də, evi bizə təhvil vermədi”.
aia.az: Bunları tikinti şirkətinin rəhbəri tərəfindən aldadıldığını iddia edən Bakı şəhər sakini Əsədov Mehman Yunis oğlu redaksiyamıza ünvanladığı şikayət məktubunda bildirib.
Şikayətçi S.Əhmədovun 2023-cü ildən bəri onların zənginə cavab vermədiyini, köməkçisi Eldəniz Əhmədovun isə hər dəfə yalan vədlərlə onları aldatdığını qeyd edir.
O, bildirir ki, S.Əhmədov 2025-ci il yanvarın 15-də Fövqəladə Hallar Nazirliyindən evin sökülməsi ilə bağlı saxta rəy almaq istəyib. “Xəzər TV-nin çəkiliş qrupunu əraziyə dəvət etdik və onlar Fövqəladə Hallar Nazirliyi ilə əlaqə saxladılar, FHN-dən evin qəzalı vəziyyətdə olması ilə bağlı rəy verilmədiyi bildirildi. Buna baxmayaraq, fevral ayının 11-də heç bir mənzil sahibinə xəbər vermədən evin dam örtüyünün sökülməyə başladığını gördük və işçilərdən evin sökülməsinin kim tərəfindən təşkil olunduğunu soruşduq. Onlar göstərişin Əhmədov Saday, Əhmədov Eldəniz və İcra Hakimiyyətindən olduğunu qeyd etdilər. Halbuki, binanın çıxarışı, notariat tərəfindən alqı-satqı müqaviləsi, məhkəmə tərəfindən toxunulmazlığı, sığortası və üzərində qeydiyyatda olanlar var idi”,- şikayətçi qeyd edir.
M.Əsədovun sözlərinə görə, onların bütün səylərinə baxmayaraq S.Əhmədov əraziyə ağır inşaat texnikaları cəlb edərək, söküntü işləri aparıb. Şikayətçi qeyd edir ki, sökülən binada mənzilləri olan zərərçəkənlərlə birlikdə fevral ayının 13-də Xətai Rayon İcra Hakimiyyəti, eləcə də Xətai Rayon Prokurorluğuna yollanıblar, ancaq hər 2 qurum bu işdən xəbərlərinin olmadığını və söküntü işinə baxmadıqlarını bildiriblər.
Şikayətçilər aiddiyatı qurumlara müraciət edərək hüquqi dövlətin vətəndaşları kimi kəskin şəkildə pozulan hüquqlarının bərpası, kimliyindən və statusundan asılı olmayaraq mülklərini dağıdıb onlara maddi və mənəvi zərər verənlərin cəzalandırılmasını, eyni şərtlərlə alternativ evlə təmin olunmalarına köməklik göstərilməsini xahiş edirlər.(Azpolitika)
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
