Mobil versiya
Ermənistan Hindistandan daha 78 ədəd ATAGS alacaq
Tarix: 21-11-2024 | Saat: 13:01
Bölmə:Dünya | çapa göndər

Ermənistan Hindistandan daha 78 ədəd ATAGS alacaq

Ermənistan 78 ədəd yedəkli artilleriya qurğusu ATAGS-ın alınması ilə bağlı Hindistanla danışıqlar aparır.

aia.az xəbər verir ki, bu barədə “Indian Defense Research Wing” nəşri məlumat yayıb.

Ermənistan bundan əvvəl 6 haubitsadan ibarət ilk partiyanı Hindistandan alaraq, onları yüksək dağlıq və düzənliklərdə geniş sınaqlardan keçirib.

Sınaqlar uzaq məsafələrdə dəqiqliyi və yüksək etibarlılığı təsdiqlədiyindən Ermənistan hakimiyyəti bu silahın sayını artırmağa qərar verib.

Ermənistan Müdafiə Nazirliyi ATAGS-ın növbəti partiyasının təkmilləşdirilməsi üçün hərbçilərin istəklərini birləşdirməyə çalışır. Artıq sistemə daxil edilmiş funksiyalar arasında - silahların işini asanlaşdıran erməni dilində interfeysin olduğu bildirilir.

"Əlavə 78 ATAGS üzrə perspektiv saziş Ermənistan və Hindistan arasında artan müdafiə əməkdaşlığında daha bir mərhələ sayılacaq", - adıçəkilən nəşr yazıb.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
03-12-2024