Əhəmiyyətli platforma
Tarix: 16-10-2023 | Saat: 09:18
Bölmə:Siyasət / Özəl | çapa göndər
Müstəqilliyini bərpa etdikdən sonra Azərbaycanın ilk daxil olduğu qurumlardan biri İqtisadi Əməkdaşlıq Təşkilatıdır. Hökumətlərarası təşkilat kimi, 1985-ci ildə Türkiyə, İran və Pakistan arasında iqtisadi, texniki və mədəni əməkdaşlığı möhkəmləndirmək məqsədilə yaradılan İƏT 1964-1979-cu illərdə fəaliyyət göstərmiş Regional Əməkdaşlıq və İnkişaf Təşkilatının davamçısıdır. 1992-ci il noyabrın 28-də daha 7 ölkənin - Azərbaycan, Əfqanıstan, Qazaxıstan, Qırğızıstan, Özbəkistan, Tacikistan və Türkmənistanın da daxil olması ilə İƏT üzvlərinin sayı 10-a çatdı. Təşkilatın genişlənməsini rəsmiləşdirən həmin gün qurumun təqvimində “İƏT günü” kimi qeyd olunur. Bu günlərdə Azərbaycan Respublikasının sədrliyi altında Şuşa şəhərində İqtisadi Əməkdaşlıq Təşkilatının Xarici İşlər Nazirləri Şurasının 27-ci iclası keçirildi.
Prezident İlham Əliyev İqtisadi Əməkdaşlıq Təşkilatının Nazirlər Şurasının 27-ci iclasının iştirakçılarına məktubu ünvanlanmışdır. Ölkəmizin başçısı məktubunda belə bir mühüm tədbirin Azərbaycan xalqı üçün müqəddəs olan, mədəniyyət paytaxtımız Şuşa şəhərində keçirilməsinin əlamətdar hadisə olduğunu qeyd edərək bildirmişdir: “Azərbaycan İqtisadi Əməkdaşlıq Təşkilatının fəal üzvüdür və təşkilata üzv olan dövlətlərlə münasibətlərinə xüsusi əhəmiyyət verir. İƏT regionumuzun nəhəng iqtisadi potensialından daha səmərəli istifadə, region ölkələri arasında iqtisadiyyat və ticarət sahəsində əlaqələrin inkişaf etdirilməsi baxımından əlverişli imkanlara malikdir. Azərbaycan təşkilat çərçivəsində əməkdaşlığın bütün sahələrdə genişlənməsinin tərəfdarıdır. Bir neçə gün öncə Şuşa şəhərinin 2026-cı il üçün İƏT-in turizm paytaxtı elan edilməsinə görə təşəkkürümü bildirirəm.”
Azərbaycanın daim sülh tərəfdarı olduğunu qeyd edən cənab Prezident bildirmişdir ki, Azərbaycan bu günlərdə ən əlamətdar günlərini və öz ərazi bütövlüyünün və suverenliyinin bərpası sevincini yaşayır. İndi bizim ərazilərdə “boz zona” demək olar ki yoxdur və bu beynəlxalq hüququn və ədalətin təntənəsidir.
Məktubda 30 illik əsarətin başa çatmasını və bu əsarət illərindən Azərbaycana qalan “miras”ın əsil bir vandalizm nümunəsi olduğunu diqqətə çatdıran cənab Prezident bildirmişdir: “30 illik işğalın Azərbaycan xalqı üçün ən ağır fəsadlarından biri də bəşəri əhəmiyyətə malik mədəni irsimizə, o cümlədən İslam dininə aid bütün abidələrə qəsdən vurulmuş ziyandır. Əfsuslar olsun ki, bu dövrdə 67 məsciddən 65-i yerlə-yeksan edilmiş, qalan məscidlərə qarşı isə heyvanların saxlanılması kimi təhqiramiz əməllər törədilmişdir. Bu günlərdə daha bir məscidin – Malıbəyli məscidinin dağıdılması və tövlə kimi istifadə edilməsi faktı aşkar edilmişdir. Bütün bunlar təkcə azərbaycanlıların deyil, bütün dünya müsəlmanlarının hisslərinin təhqir olunması deməkdir.”
Ölkəmizin başçısı Azərbaycanın “yaşıl enerji” siyasətinin kifayət qədər müsbət nəticələrə malik olduğunu qeyd edərək İƏT-in sədrlik mövzusunun bu məsələyə həsr olunmasını müsbət qiymətləndirmişdir.
Azərbaycanın mühüm tranzit ölkəyə çevrilməsini qeyd edən ölkə başçısı Bakı-Tbilisi- Qars dəmiryolunun yükdaşıma qabiliyyətinin getdikcə artdığını, yaxın zamanlarda daşınan yüklərin həcminin 1 milyon tondan 5 milyon tona çatdırmağı hədəfləndiyini bildirmişdir.
Məktubunun sonunda cənab Prezident iclasın ölkələrimizin və bütövlükdə regionun davamlı inkişafı və rifahı naminə yeni əməkdaşlıq imkanları ətrafında faydalı fikir mübadiləsi aparmaq və səyləri əlaqələndirmək üçün əhəmiyyətli platforma olacağını qeyd edərək qarşılıqlı faydalı tərəfdaşlığın yeni məzmunla zənginləşməsinə töhfə verəcəyinə əminliyini ifadə etmişdir.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 16-10-2023 | Saat: 09:18
Bölmə:Siyasət / Özəl | çapa göndər
Müstəqilliyini bərpa etdikdən sonra Azərbaycanın ilk daxil olduğu qurumlardan biri İqtisadi Əməkdaşlıq Təşkilatıdır. Hökumətlərarası təşkilat kimi, 1985-ci ildə Türkiyə, İran və Pakistan arasında iqtisadi, texniki və mədəni əməkdaşlığı möhkəmləndirmək məqsədilə yaradılan İƏT 1964-1979-cu illərdə fəaliyyət göstərmiş Regional Əməkdaşlıq və İnkişaf Təşkilatının davamçısıdır. 1992-ci il noyabrın 28-də daha 7 ölkənin - Azərbaycan, Əfqanıstan, Qazaxıstan, Qırğızıstan, Özbəkistan, Tacikistan və Türkmənistanın da daxil olması ilə İƏT üzvlərinin sayı 10-a çatdı. Təşkilatın genişlənməsini rəsmiləşdirən həmin gün qurumun təqvimində “İƏT günü” kimi qeyd olunur. Bu günlərdə Azərbaycan Respublikasının sədrliyi altında Şuşa şəhərində İqtisadi Əməkdaşlıq Təşkilatının Xarici İşlər Nazirləri Şurasının 27-ci iclası keçirildi.
Prezident İlham Əliyev İqtisadi Əməkdaşlıq Təşkilatının Nazirlər Şurasının 27-ci iclasının iştirakçılarına məktubu ünvanlanmışdır. Ölkəmizin başçısı məktubunda belə bir mühüm tədbirin Azərbaycan xalqı üçün müqəddəs olan, mədəniyyət paytaxtımız Şuşa şəhərində keçirilməsinin əlamətdar hadisə olduğunu qeyd edərək bildirmişdir: “Azərbaycan İqtisadi Əməkdaşlıq Təşkilatının fəal üzvüdür və təşkilata üzv olan dövlətlərlə münasibətlərinə xüsusi əhəmiyyət verir. İƏT regionumuzun nəhəng iqtisadi potensialından daha səmərəli istifadə, region ölkələri arasında iqtisadiyyat və ticarət sahəsində əlaqələrin inkişaf etdirilməsi baxımından əlverişli imkanlara malikdir. Azərbaycan təşkilat çərçivəsində əməkdaşlığın bütün sahələrdə genişlənməsinin tərəfdarıdır. Bir neçə gün öncə Şuşa şəhərinin 2026-cı il üçün İƏT-in turizm paytaxtı elan edilməsinə görə təşəkkürümü bildirirəm.”
Azərbaycanın daim sülh tərəfdarı olduğunu qeyd edən cənab Prezident bildirmişdir ki, Azərbaycan bu günlərdə ən əlamətdar günlərini və öz ərazi bütövlüyünün və suverenliyinin bərpası sevincini yaşayır. İndi bizim ərazilərdə “boz zona” demək olar ki yoxdur və bu beynəlxalq hüququn və ədalətin təntənəsidir.
Məktubda 30 illik əsarətin başa çatmasını və bu əsarət illərindən Azərbaycana qalan “miras”ın əsil bir vandalizm nümunəsi olduğunu diqqətə çatdıran cənab Prezident bildirmişdir: “30 illik işğalın Azərbaycan xalqı üçün ən ağır fəsadlarından biri də bəşəri əhəmiyyətə malik mədəni irsimizə, o cümlədən İslam dininə aid bütün abidələrə qəsdən vurulmuş ziyandır. Əfsuslar olsun ki, bu dövrdə 67 məsciddən 65-i yerlə-yeksan edilmiş, qalan məscidlərə qarşı isə heyvanların saxlanılması kimi təhqiramiz əməllər törədilmişdir. Bu günlərdə daha bir məscidin – Malıbəyli məscidinin dağıdılması və tövlə kimi istifadə edilməsi faktı aşkar edilmişdir. Bütün bunlar təkcə azərbaycanlıların deyil, bütün dünya müsəlmanlarının hisslərinin təhqir olunması deməkdir.”
Ölkəmizin başçısı Azərbaycanın “yaşıl enerji” siyasətinin kifayət qədər müsbət nəticələrə malik olduğunu qeyd edərək İƏT-in sədrlik mövzusunun bu məsələyə həsr olunmasını müsbət qiymətləndirmişdir.
Azərbaycanın mühüm tranzit ölkəyə çevrilməsini qeyd edən ölkə başçısı Bakı-Tbilisi- Qars dəmiryolunun yükdaşıma qabiliyyətinin getdikcə artdığını, yaxın zamanlarda daşınan yüklərin həcminin 1 milyon tondan 5 milyon tona çatdırmağı hədəfləndiyini bildirmişdir.
Məktubunun sonunda cənab Prezident iclasın ölkələrimizin və bütövlükdə regionun davamlı inkişafı və rifahı naminə yeni əməkdaşlıq imkanları ətrafında faydalı fikir mübadiləsi aparmaq və səyləri əlaqələndirmək üçün əhəmiyyətli platforma olacağını qeyd edərək qarşılıqlı faydalı tərəfdaşlığın yeni məzmunla zənginləşməsinə töhfə verəcəyinə əminliyini ifadə etmişdir.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
