Mobil versiya
Mətbuat Şurasının İdarə Heyətinin iclası keçirildi
Tarix: 23-05-2023 | Saat: 17:06
Bölmə:Media | çapa göndər

Mətbuat Şurasının İdarə Heyətinin iclası keçirildi

Bu gün Azərbaycan Mətbuat Şurasının İdarə Heyətinin iclası keçirilib.

Qurumdan aia.az-a bildirilib ki, MŞ sədri Rəşad Məcid gündəlikdə duran məsələlər barədə məlumat verib.

R.Məcid bildirib ki, qarşıdan milli mətbuatımızın 148 illiyi gəlir. Bununla bağlı keçiriləcək tədbirlərin müəyyənləşdirilməsi zəruridir. İclasda İH üzvləri tərəfindən mövcud istiqamətdə təkliflər irəli sürülüb. Təkliflərin qruplaşdırılması və növbəti iclasadək konkretləşdirilməsi qərara alınıb.

İclasda müzakirəyə çıxarılmış ikinci məsələ Şuranın Vəkillər Kollegiyası ilə bağlı əməkdaşlıq memorandumu ilə bağlı olub. Sənədin layihəsi ətrafında MŞ İdarə Heyətinin üzvü, “Xalq cəbhəsi” qəzetinin baş redaktoru Elçin Mirzəbəylinin məlumatı dinlənilib.

Toplantıda bildirilib ki, MŞ bundan əvvəl Mediasiya Şurası və Medianın İnkişafı Agentliyi ilə oxşar sənədlər imzalayıb. İH üzvləri Vəkillər Kollegiyası ilə əməkdaşlığın da səmərəli nəticələr verəcəyinə inamlarını ifadə ediblər. Memorandum layihəsi təsdiqlənib.

İclasda Mətbuat Şurasının Şikayətlər üzrə Komissiyasının baxdığı mələlələr ətrafında da fikir mübadiləsi aparılıb. Komissiyanın sədri, Bakı Dövlət Universitetinin dekanı Vüqar Zifəroğlunun bununla bağlı məlumatı dinlənilib. O bildirib ki, iclaslararası dövrdə komissiya ümumilikdə 6 şikayətə baxıb və müvafiq rəylər çıxarıb.

İH üzvləri həmin rəyləri məqbul qiymətləndiriblər və sənədlər Mətbuat Şurasının qərarı kimi təsdiqlənib.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
24-06-2024