Mobil versiya
Türkiyənin Gəncədəki Baş Konsulluğunda səsvermə başlayıb
Tarix: 20-05-2023 | Saat: 11:00
Bölmə:Gündəm | çapa göndər

Türkiyənin Gəncədəki Baş Konsulluğunda səsvermə başlayıb

Türkiyənin Gəncədəki Baş Konsulluğunda qardaş ölkə vətəndaşlarının prezident seçkisi üzrə ikinci dəfə olaraq səsverməsi başlayıb.

“Report”un Qərb bürosunun verdiyi xəbərə görə, konsulluqda bu gün səhər saat 08:00-dan etibarən seçki məntəqələri açılıb.

Qardaş ölkə vətəndaşlarının prezident seçkisi üzrə səsvermədə iştirak etməsi üçün Gəncədə 3 seçki məntəqəsi yaradılıb.

Xatırladaq ki, mayın 14-də baş tutan seçkidə prezidentliyə namizədlərdən heç biri 50%-dən çox səs toplamadığı üçün səsvermənin ikinci turu mayın 28-də keçiriləcək. Bu mərhələdə “Cümhur İttifaqı”nın prezidentliyə namizədi, hakim Ədalət və İnkişaf Partiyası sədri və hazırkı dövlət başçısı Rəcəb Tayyib Ərdoğan və “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu mübarizə aparacaq. İkinci turda ən çox səs toplayan namizəd növbəti 5 il üçün Türkiyə Prezidenti seçiləcək.

Qeyd edək ki, ilk turda Türkiyənin hazırkı Prezidenti Rəcəb Tayyib Ərdoğan 49,51 faiz, müxalifət lideri isə 44,88 faiz səs toplayıb.

ATA siyasi blokunun namizədi Sinan Oğan 5,17% səs yığıb.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
26-04-2024