Mobil versiya
Mərkəzi Bankın iki variantı var – Dollar problemi
Tarix: 28-08-2015 | Saat: 12:39
Bölmə:İqtisadiyyat / Aia TV / Karusel | çapa göndər

Mərkəzi Bankın iki variantı var – Dollar problemi

“Qanunda Mərkəzi Bankın dollar alqı-satqısında banklara qarşı limit tətbiq etməsi ilə bağlı heç bir müddəa yoxdur. Bu qurum yalnız valyutaların alqı-satqı qiymətlərinə nəzarət edə bilər. Yəni bu rəqəm Mərkəzi Bankın satdığı qiymətdən 2 faiz artıq olmamalıdır. Amma valyuta satışında onun həcminə nəzarət etməyə hüququ yoxdur”.


Aia.az xəbər verir ki, bunu “Bizim Yol”a açıqlamasında tanınmış hüquqşünas Əkrəm Həsənov deyib. Ə.Həsənov hesab edir ki, ola bilsin Mərkəzi Bankın özündə dollar qıtlığı yaranıb: “Burada başqa bir məsələ var. Kommersiya bankları dolları Mərkəzi Bankdan əldə edirlər. Yəni milli valyutanı sataraq, əvəzində dollar alırlar. Ola bilsin ki, indi Mərkəzi Bankın rezervlərində dollar azalıb. Əgər banklara az sayda dollar satırsa, deməli kifayət qədər ABŞ valyutası yoxudur.

Burada Mərkəzi Bankın iki variantı var. Birincisi, dollar alqı-satqısının həcmini azaltmaq üçün növbəti devalvasiya getməlidir. İkincisi, banklara qeyri-rəsmi göstəriş verilib ki, ondan az dollar alınsın. Amma bu proses uzun çəkə bilməz. Bunun üçün xaricdəki aktivlərini ölkəyə gətirməlidir. Çox güman ki, kassasında dollar qıtlığı yarandığına görə, ikinci varianta əl atacaq. Parlament seçkiləri öncəsi hökumətin hər hansı devalvasiyaya gedəcəyini gözləmirəm”.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024