Mobil versiya
Fikrət Əmirovun əsərləri Fransanın məşhur kanalında səslənəcək
Tarix: 21-11-2022 | Saat: 22:33
Bölmə:Seçki 2024 | çapa göndər

Fikrət Əmirovun əsərləri Fransanın məşhur kanalında səslənəcək

“Mezzo” telekanalında görkəmli bəstəkar Fikrət Əmirovun anadan olmasının 100 illiyinə həsr olunmuş Monte-Karlo Filarmoniya Orkestrinin iştirakı ilə Xalq artisti, dirijor Rauf Abdullayevin rəhbərliyi altında konsert proqramı nümayiş etdiriləcək.

aia.az "AzərTac"a istinadən xəbər verir ki, konsert proqramına görkəmli bəstəkarın “Kürd-ovşarı” və “Gülüstan Bayatı-Şiraz” simfonik muğamları, “Şeyx Sənan” dramatik tamaşasından “Kor ərəbin mahnısı” (məşhur xanəndə Alim Qasımovun ifasında), "Azərbaycan kapriççiosu" kimi əsərləri daxil edilib. Konsert dekabrın 1, 2, 7-də nümayiş olunacaq.

Qeyd edək ki, “Mezzo” incəsənəti, musiqini təbliğ edən Fransa telekanalıdır. Kanalın musiqi proqramları daha çox keçmiş illərdə canlı konsertlər, festivallar zamanı hazırlanmış çəkilişlərdən ibarətdir. Yayım cədvəlinə həmçinin konsertlərin canlı yayımları, opera və balet tamaşaları, musiqi və ifaçılar haqqında sənədli filmlər daxildir.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
24-09-2024