Novruzəli Aslanov: “Azərbaycan xalqı qarşıya çıxan ən çətin problemlərin həllini yalnız ulu öndər Heydər Əliyevdə görürdü”
Tarix: 22-06-2022 | Saat: 12:01
Bölmə:Manşet / Siyasət / Seçilənlər-5 | çapa göndər
“1991-ci ildə Azərbaycan XX əsrdə ikinci dəfə öz müstəqilliyini elan etdi. Lakin bu müstəqilliyin qorunub-saxlanması növbəti iki il ərzində böyük sual altında idi. Həmin dövrdə ölkəyə rəhbərlik edən siyasi qüvvələrin səriştəsizliyi və şıxsi ambisiyalarını ümumxalq mənafeylərindən üstün tutmaları ciddi fəsadlara yol açmışdı. 1993-cü ilin may-iyun aylarında ölkə vətəndaş müharibəsi ərəfəsində idi. Müstəqilliyin itirilməsi, Azərbaycanın isə parçalanaraq dünyanın siyasi xəritəsindən silinməsi təhlükəsi bütün reallığı ilə ölkənin başı üzərini almışdı. Buna görə, həmin vaxt Azərbaycan xalqı yeganə doğru olan qərarı verərək Heydər Əliyevin hakimiyyətə gətirilməsi tələbini irəli sürmüş və o dövrkü iqtidar Ulu Öndəri Bakıya dəvət etməyə məcbur olmuşdu. Xalqın səsinə səs verən ümummilli lider Heydər Əliyev Bakıya gələrək, 1993-cü ilin 15 iyun tarixində yenə də xalqın təkidli tələbi ilə Azərbaycan Respublikası Ali Sovetinin sədri seçildi. Həmin gün parlamentin tarixi iclasında çıxış edən Ulu Öndər bu sözləri dedi: “Azərbaycan Respublikasının bugünkü ağır, mürəkkəb və gərgin vəziyyətini tam məsuliyyətlə dərk edirəm. Bu vəzifəni üzərimə götürərək öz məsuliyyətimi anlayıram və bunların hamısını rəhbər tutaraq əlimdən gələni edəcəyəm. Ali Sovetin sədri kimi Azərbaycan xalqının tarixi nailiyyəti olan Azərbaycan Respublikasının dövlət müstəqilliyini qorumağı, möhkəmləndirməyi, inkişaf etdirməyi özüm üçün əsas vəzifələrdən biri hesab edirəm.” Bundan sonra ictimai-siyasi həyatdakı gərginliyin aradan qaldırılması üçün lazımi tədbirlər görülməyə başlandı.”
Bunu mətbuata verdiyi açıqlamasında Azərbaycan Respublikası Milli Məclisinin deputatı Novruzəli Aslanov deyib.
Millət vəkili qeyd edib ki, Parlamentin 1993-cü il 24 iyun tarixli iclasında Milli Məclis Prezident səlahiyyətlərinin Ali Sovetin sədri Heydər Əliyevə verilməsi barədə qərar qəbul olunması da əslində ədalətin və milli iradənin təntənəsi idi. N.Aslanovun sözlərinə görə məhz bu tarixi qərardan sonra dövlət ölkədə cərəyan edən bütün hadisələri öz nəzarəti altına götürməyə və gedən prosesləri xalqın iradəsinə tabe etməyə müvəffəq oldu: “1993-cü ilin iyun ayında Ali Sovetin sədri seçilən Heydər Əliyev xalq qarşısında çıxış edərək, mövcud dövlət böhranının aradan qaldırılmasının yollarını, müstəqil Azərbaycan dövlətinin daxili və xarici siyasətinin əsas istiqamətlərini müəyyənləşdirdi. Ulu öndər çox böyük real təhlükələri qarşısına alaraq, xalqın və dövlətçiliyimizin qurtuluşu missiyasını cəsarətlə öz üzərinə götürdü. Bununla da ölkədə illərdən bəri davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Uzun sürən daxili çəkişmələrdən sonra, ölkədə ilk dövrlərdə kövrək olsa da, ictimai-siyasi sabitlik yarandı. Birmənalı olaraq demək lazımdır ki, 1993-cü il iyunun 15-dən oktyabr ayının 3-dək davam edən dövr ərzində Azərbaycanın parlamentarizm ənənələri yeni nəfəs aldı, yenidən formalaşdı. Ulu öndər Heydər Əliyevin Ali Sovetə rəhbərlik etdiyi həmin dövrdə ilk növbədə ordu quruculuğu sahəsində mühüm qərarlar qəbul edildi, Konstitusiyada və müxtəlif hüquqi sənədlərdə zamanın tələblərinə uyğun dəyişikliklər edildi. Əldə olunan ən mühüm nailiyyətlərdən biri isə, əlbəttə ki, separatçılıq cəhdlərinin və vətəndaş qarşıdurmasının qarşısının alınması oldu. Təsadüfi deyil ki, müstəqilliyin ilk illərində də, sonrakı dövrlərdə də xalqımız qarşıya çıxan ən çətin problemlərin həllini, xilaskarlıq missiyasını məhz ulu öndər Heydər Əliyevdə görürdü.”
Ümummilli lider Heydər Əliyevin demokratik düşüncə və dəyərlərə hər zaman öz sadiqliyini nümayiş etdirdiyini vurğulayan N.Aslanov bildirib ki, Ulu Öndər Azərbaycanda ikinci dəfə hakimiyyətə gəldiyi ilk gündən məhz bu yüksək amallar uğrunda mübariz fəaliyyətə başlamışdır: “1993-cü ildən başlayaraq Azərbaycanda demokratik islahatlara start verildi. “Azərbaycan dövlətinin strateji yolu yalnız demokratiya, sərbəst iqtisadiyyat prinsiplərinin bərqərar olması, bazar iqtisadiyyatı və sahibkarlığın inkişafıdır”, – deyən Ulu Öndər tarixi baxımdan qısa bir müddət ərzində dövlətçiliyin əsaslarını qurdu, Konstitusiyamızın qəbul edilməsinə nail oldu, milli ideologiya və onun əsasını təşkil edən azərbaycançılıq məfkurəsini yaradaraq xalqa təqdin etdi. Ulu öndər Heydər Əliyevin səyləri nəticəsində zəruri islahatlar həyata keçirildi, bütün sahələrdə olduğu kimi, ölkəmizin iqtisadi həyatında da əhəmiyyətli dəyişikliklərin əsası qoyuldu. Ümummilli Liderin rəhbərliyi ilə qısa müddət ərzində ölkədə bazar iqtisadiyyatının formalaşması məqsədilə qanunvericilik bazası yaradıldı, məqsədli dövlət proqramları qəbul edildi, institusional islahatlar aparıldı, mülkiyyət münasibətlərində köklü dəyişikliklər edilməsi üçün müvafiq addımlar atıldı. Ulu öndər Heydər Əliyev tərəfindən müəyyənləşdirilmiş strategiyanın əsasını iqtisadiyyatın inkişafına, mövcud resurslardan səmərəli istifadəyə, dünya iqtisadiyyatına inteqrasiyaya və nəticə etibarilə vətəndaşların rifah halının yüksəldilməsinə hesablanan sosialyönümlü bazar iqtisadiyyatının yaradılması təşkil edirdi. Nəticədə iqtisadi sahədə islahatların ardıcıl və sistemli şəkildə həyata keçirilməsi məqsədilə ulu öndər beynəlxalq tələblərə uyğun qanunvericilik bazasının yaradılmasını təmin etdi. Beləliklə, Ulu Öndər üzərinə götürdüyü xilaskarlıq missiyasının öhdəsindən yüksək səviyyədə gəlmiş, bir ictimai-iqtisadi formasiyadan digərinə keçid dövründə Respublikanın qarşısında duran strateji vəzifə və hədəfləri məharətlə müəyyənləşdirərək önların həyata keçirilməsinə nail olmuşdur. Bütün bunlara görə də ümummilli lider Heydər Əliyev Azərbaycan xalqının yaddaşında qurucu və xilaskar dövlət xadimi kimi əbədi olaraq yaşayacaqdır”, – deyə Novruzəli Aslanov öz fikirlərini tamamlayıb.
AİA.Az
Məlumatlanmaq üçün Facebook səhifəmizi
Digər xəbərlər
Tarix: 22-06-2022 | Saat: 12:01
Bölmə:Manşet / Siyasət / Seçilənlər-5 | çapa göndər
“1991-ci ildə Azərbaycan XX əsrdə ikinci dəfə öz müstəqilliyini elan etdi. Lakin bu müstəqilliyin qorunub-saxlanması növbəti iki il ərzində böyük sual altında idi. Həmin dövrdə ölkəyə rəhbərlik edən siyasi qüvvələrin səriştəsizliyi və şıxsi ambisiyalarını ümumxalq mənafeylərindən üstün tutmaları ciddi fəsadlara yol açmışdı. 1993-cü ilin may-iyun aylarında ölkə vətəndaş müharibəsi ərəfəsində idi. Müstəqilliyin itirilməsi, Azərbaycanın isə parçalanaraq dünyanın siyasi xəritəsindən silinməsi təhlükəsi bütün reallığı ilə ölkənin başı üzərini almışdı. Buna görə, həmin vaxt Azərbaycan xalqı yeganə doğru olan qərarı verərək Heydər Əliyevin hakimiyyətə gətirilməsi tələbini irəli sürmüş və o dövrkü iqtidar Ulu Öndəri Bakıya dəvət etməyə məcbur olmuşdu. Xalqın səsinə səs verən ümummilli lider Heydər Əliyev Bakıya gələrək, 1993-cü ilin 15 iyun tarixində yenə də xalqın təkidli tələbi ilə Azərbaycan Respublikası Ali Sovetinin sədri seçildi. Həmin gün parlamentin tarixi iclasında çıxış edən Ulu Öndər bu sözləri dedi: “Azərbaycan Respublikasının bugünkü ağır, mürəkkəb və gərgin vəziyyətini tam məsuliyyətlə dərk edirəm. Bu vəzifəni üzərimə götürərək öz məsuliyyətimi anlayıram və bunların hamısını rəhbər tutaraq əlimdən gələni edəcəyəm. Ali Sovetin sədri kimi Azərbaycan xalqının tarixi nailiyyəti olan Azərbaycan Respublikasının dövlət müstəqilliyini qorumağı, möhkəmləndirməyi, inkişaf etdirməyi özüm üçün əsas vəzifələrdən biri hesab edirəm.” Bundan sonra ictimai-siyasi həyatdakı gərginliyin aradan qaldırılması üçün lazımi tədbirlər görülməyə başlandı.”
Bunu mətbuata verdiyi açıqlamasında Azərbaycan Respublikası Milli Məclisinin deputatı Novruzəli Aslanov deyib.
Millət vəkili qeyd edib ki, Parlamentin 1993-cü il 24 iyun tarixli iclasında Milli Məclis Prezident səlahiyyətlərinin Ali Sovetin sədri Heydər Əliyevə verilməsi barədə qərar qəbul olunması da əslində ədalətin və milli iradənin təntənəsi idi. N.Aslanovun sözlərinə görə məhz bu tarixi qərardan sonra dövlət ölkədə cərəyan edən bütün hadisələri öz nəzarəti altına götürməyə və gedən prosesləri xalqın iradəsinə tabe etməyə müvəffəq oldu: “1993-cü ilin iyun ayında Ali Sovetin sədri seçilən Heydər Əliyev xalq qarşısında çıxış edərək, mövcud dövlət böhranının aradan qaldırılmasının yollarını, müstəqil Azərbaycan dövlətinin daxili və xarici siyasətinin əsas istiqamətlərini müəyyənləşdirdi. Ulu öndər çox böyük real təhlükələri qarşısına alaraq, xalqın və dövlətçiliyimizin qurtuluşu missiyasını cəsarətlə öz üzərinə götürdü. Bununla da ölkədə illərdən bəri davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Uzun sürən daxili çəkişmələrdən sonra, ölkədə ilk dövrlərdə kövrək olsa da, ictimai-siyasi sabitlik yarandı. Birmənalı olaraq demək lazımdır ki, 1993-cü il iyunun 15-dən oktyabr ayının 3-dək davam edən dövr ərzində Azərbaycanın parlamentarizm ənənələri yeni nəfəs aldı, yenidən formalaşdı. Ulu öndər Heydər Əliyevin Ali Sovetə rəhbərlik etdiyi həmin dövrdə ilk növbədə ordu quruculuğu sahəsində mühüm qərarlar qəbul edildi, Konstitusiyada və müxtəlif hüquqi sənədlərdə zamanın tələblərinə uyğun dəyişikliklər edildi. Əldə olunan ən mühüm nailiyyətlərdən biri isə, əlbəttə ki, separatçılıq cəhdlərinin və vətəndaş qarşıdurmasının qarşısının alınması oldu. Təsadüfi deyil ki, müstəqilliyin ilk illərində də, sonrakı dövrlərdə də xalqımız qarşıya çıxan ən çətin problemlərin həllini, xilaskarlıq missiyasını məhz ulu öndər Heydər Əliyevdə görürdü.”
Ümummilli lider Heydər Əliyevin demokratik düşüncə və dəyərlərə hər zaman öz sadiqliyini nümayiş etdirdiyini vurğulayan N.Aslanov bildirib ki, Ulu Öndər Azərbaycanda ikinci dəfə hakimiyyətə gəldiyi ilk gündən məhz bu yüksək amallar uğrunda mübariz fəaliyyətə başlamışdır: “1993-cü ildən başlayaraq Azərbaycanda demokratik islahatlara start verildi. “Azərbaycan dövlətinin strateji yolu yalnız demokratiya, sərbəst iqtisadiyyat prinsiplərinin bərqərar olması, bazar iqtisadiyyatı və sahibkarlığın inkişafıdır”, – deyən Ulu Öndər tarixi baxımdan qısa bir müddət ərzində dövlətçiliyin əsaslarını qurdu, Konstitusiyamızın qəbul edilməsinə nail oldu, milli ideologiya və onun əsasını təşkil edən azərbaycançılıq məfkurəsini yaradaraq xalqa təqdin etdi. Ulu öndər Heydər Əliyevin səyləri nəticəsində zəruri islahatlar həyata keçirildi, bütün sahələrdə olduğu kimi, ölkəmizin iqtisadi həyatında da əhəmiyyətli dəyişikliklərin əsası qoyuldu. Ümummilli Liderin rəhbərliyi ilə qısa müddət ərzində ölkədə bazar iqtisadiyyatının formalaşması məqsədilə qanunvericilik bazası yaradıldı, məqsədli dövlət proqramları qəbul edildi, institusional islahatlar aparıldı, mülkiyyət münasibətlərində köklü dəyişikliklər edilməsi üçün müvafiq addımlar atıldı. Ulu öndər Heydər Əliyev tərəfindən müəyyənləşdirilmiş strategiyanın əsasını iqtisadiyyatın inkişafına, mövcud resurslardan səmərəli istifadəyə, dünya iqtisadiyyatına inteqrasiyaya və nəticə etibarilə vətəndaşların rifah halının yüksəldilməsinə hesablanan sosialyönümlü bazar iqtisadiyyatının yaradılması təşkil edirdi. Nəticədə iqtisadi sahədə islahatların ardıcıl və sistemli şəkildə həyata keçirilməsi məqsədilə ulu öndər beynəlxalq tələblərə uyğun qanunvericilik bazasının yaradılmasını təmin etdi. Beləliklə, Ulu Öndər üzərinə götürdüyü xilaskarlıq missiyasının öhdəsindən yüksək səviyyədə gəlmiş, bir ictimai-iqtisadi formasiyadan digərinə keçid dövründə Respublikanın qarşısında duran strateji vəzifə və hədəfləri məharətlə müəyyənləşdirərək önların həyata keçirilməsinə nail olmuşdur. Bütün bunlara görə də ümummilli lider Heydər Əliyev Azərbaycan xalqının yaddaşında qurucu və xilaskar dövlət xadimi kimi əbədi olaraq yaşayacaqdır”, – deyə Novruzəli Aslanov öz fikirlərini tamamlayıb.
AİA.Az
Məlumatlanmaq üçün Facebook səhifəmizi
Xəbəri paylaş
Digər xəbərlər
25-04-2024
