Mobil versiya
Almaniyada azərbaycanlılar koronavirusa görə qaçqın düşərgəsindən təxliyə olunublar
Tarix: 17-03-2020 | Saat: 11:58
Bölmə:Manşet / Gündəm | çapa göndər

Almaniyada azərbaycanlılar koronavirusa görə qaçqın düşərgəsindən təxliyə olunublar


Almaniyanın paytaxtı Berlin şəhərindəki qaçqın düşərgəsi koronavirus epidemiyası səbəbindən bağlanıb.

Reportxəbər verirki, ötən gün sığınacaq axtaranlardan biri koronavirus şübhəsi ilə xəstəxanaya aparılıb. Onun qan və tüpürcək analizinin nəticəsi pozitiv çıxıb. Berlin bələdiyyəsi və səhiyyə idarəsi düşərgənin dərhal bağlanması, sakinlərin isəyaxınlıqdakı məktəb binasında karantin altında saxlanılması ilə bağlı qərar verib.

Ötən gecə düşərgənin 135 sakini polis və təcili tibbi yardım işçilərinin müşayiəti ilə yaxınlıqdakı məktəb binasının idman zalına köçürülüblər.

Aldığımız məlumatda bildirilir ki, təxliyə olunan sığınacaq axtaranların arasında 24 nəfər Azərbaycan vətəndaşı var. Eyni zamanda, düşərgədə 20 nəfər 60 yaşdan yuxarı, 15 nəfər isə5 yaşından kiçik uşaq qalırmış.

Berlin səhiyyə idarəsindən bildirilib ki, yaşlı insanların koronavirusa yoluxma ehtimalı daha çox olduğundan onlar paytaxtdakı xəstəxanalarda xüsusi müşahidə altında saxlanılacaqlar.

Məlumat üçün bildirək ki, bu Almaniyadakı qaçqın düşərgələrində ilk koronavirus faktıdır.

Bundan əvvəl Almaniya "Dublin sazişi” ilə bağlı Yunanıstan, İtaliya, Macarıstan kimi Avropa İttifaqı ölkələrinə sığınacaq axtaranların deportasiyasını dayandırmış, eyni zamanda, yeni sığınacaq axtaranları qəbul edən zamanonların 14 günlük karantin altında saxlanılmaları ilə bağlı qərar vermişdi.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024