Ürəyinizin qəfil dayanacağından xəbər verən 9 əlamət

Ürəyinizin qəfil dayanacağından xəbər verən 9 əlamət
Tarix: 20-02-2019 | Saat: 18:04
Bölmə:Qərbi Azərbaycan | çapa göndər

Şirift ölçüsü:

Hər il qəfil ürək dayanmasından 18 milyon insan dünyasını dəyişir. Lakin vaxtında həkimə müraciət etməklə bu ölümün qarşısını almaq mümkündür. Bunun üçün isə xəstəliyin əlamətlərindən xəbərdar olmaq lazımdır.

aia.az Medicina.az-a istinadən sizə həmin əlamətləri təqdim edir:

1. Sinə nahiyəsində olan narahatlıq

Bu əlaməti dəqiq təsvir etmək mümkün deyil. Bəziləri sinədə yüngül ağrı, bəziləri ilə sıxılma və təzyiq, digərləri isə yanğı hiss edirlər. Hər 3 halda terapevtə müraciət edərək elektrokardioqramma və USM müayinəsindən keçmək tələb olunur. Əgər ağrı çox güclüdürsə, o zaman təcili tibbi yardım çağırın.

2. İştahanın itməsi, ürək bulanma, mədə ağrısı

Mədə pozulmasının bir çox səbəbləri ola bilər. Bəzən isə həzm sisteminin pis fəaliyyət göstərməsinin səbəbi onların az qanla təchiz olunmasıdır. Qan təchizatının pozulması ürəyin işinin zəifləməsindən xəbər verir. Əgər ürəyiniz səbəbsiz yerə bulanırsa və sinə nahiyənizdə narahatlıq hiss edirsinizsə, o zaman mütləq həkimə müraciət edin.

3. Sol qola vuran ağrı

Ürəkdən və sol qoldan çıxan sinirləri beynin eyni zonası idarə edir. Nəticədə də beyin ürəyin və ya qolun ağrıdığını ayırd edə bilmir. Əgər sizin sol qolunuz səbəbsiz yerə ağrıyırsa bu infarkt əlaməti ola bilər. Qeyd edək ki, sol qolda güclü ağrılar müşahidə edilməyə başlanılan kimi bir neçə dəqiqə ərzində təcili yardıma xəbər verilməlidir.

4. Aşağı çənə və dişlərdə ağrılar

Bu halda da beyin ürəyin yoxsa dişlərin ağrıdığını müəyyən etməkdə çətinlik çəkir. Tibdə hətta insanların ağrıdan qurtulmaq üçün ard-arda dişlərini çəkdirmələri faktları da məlumdur.

5. Başgicəllənməsi və orientasiyanın itməsi

Halsızlığın meydana çıxması üçün bir çox səbəblər var. Bunlara ac olmaq və uzun müddət oturduqdan sonra qəfil yerində durmaq aid edilə bilər.
Amma bu hal daimi olaraq təkrarlanırsa bu ürəyin beyinə normal qan vura bilməməsi səbəbindən yaşanır. Bu, yaxınlarda baş verəcək insultun əlaməti ola bilər.

6. Daimi yorğunluq

Zəif ürək qan dövranını normal yerinə yetirə bilmir. Bu səbəbdən də orqanlar və toxumalar qida maddələri və oksigen əskikliyi yaşayır. Yaşamaq üçün orqanizm az həyati əhəmiyyətə malik olan orqanlara gedən qan təhçizatını azaldır. İlk növbədə yuxarı və aşağı ətraflara gedən qan ürəyə, beyinə, ağciyərlərə yönləndirilir. Buna görə də hərəkət edərkən yorğunluq hissi tez yaranır. Əgər bu hal yaşanırsa, o zaman kardioloqla müraciət edin.

7. Ayaqların şişməsi

Qan dövranın pozulması nəticəsində hüceyrələrə maye yığılmağa başlayır ki, nəticədə də ayaqlarda şişkinliklər yaranır.

8. Uzun sürən öskürək

Çox hallarda öskürək soyuqdəymə əlaməti kimi özünü büruzə verir. Amma əgər uzun müddət müalicə olunmağa baxmayaraq öskürək keçmirsə o zaman bu ürək problemindən xəbər verir. Ürək problemi zamanı yaranan öskürək çəhrayı və ya ağ rəngli seliyin xaric olması ilə baş verir. Bu zaman vaxt itirmədən kardioloqa müraciət edilməlidir.

9. Tənginəfəslik

Tənginəfəslik qanda oksigenin az olmasından xəbər verir. Əzələlərin işləməsi üçün oksigen tələb olunur. Onun miqdarı azaldıqda ağciyərlər qanı oksigenlə zənginləşdirmək üçün sürətlə oksigen almağa başlayır. Nəticədə də tənginəfəslik yaranır.

aia.az

Ad və soyad:*
E-Mail:
Şərhiniz:
Kodu yazın: *