Şanlı Zəfər: tarixi ədalətin bərpası və milli iradənən təntənəsi
Tarix: 03-11-2026 | Saat: 13:28
Bölmə:Manşet / Siyasət | çapa göndər
Hər bir xalqın tarixində onun gələcək inkişaf istiqamətini müəyyənləşdirən, milli ruhunu yüksəldən və dövlətçilik ənənələrini daha da möhkəmləndirən mühüm hadisələr var. Azərbaycan xalqı üçün 8 Noyabr – Zəfər Günü məhz belə tarixi əhəmiyyətə malikdir. Bu gün xalqımızın onilliklər boyu qəlbində yaşatdığı torpaq həsrətinin sona çatması, ədalətin bərpası və milli iradənin təntənəsi ilə səciyyələnir. Şuşanın azad edilməsi ilə əlamətdar olan bu tarix Azərbaycanın hərb salnaməsinə qızıl hərflərlə yazılmaqla yanaşı, xalqımızın öz tarixinə, mədəniyyətinə və gələcəyinə daha böyük inamla baxmasına imkan yaratdı.
Zəfər bir gündə qazanılan nəticə olsa da, onun təməli uzun illər ərzində formalaşmış siyasi iradə, iqtisadi inkişaf, hərbi hazırlıq və milli həmrəylik üzərində qurulmuşdu. Azərbaycan müstəqilliyini bərpa etdikdən sonra mürəkkəb siyasi və hərbi şəraitlə üzləşdi. Ermənistanın hərbi təcavüzü nəticəsində torpaqlarımızın işğal olunması, bir milyondan çox insanın doğma yurdlarından didərgin düşməsi xalqımızın yaddaşında dərin iz buraxdı. Bununla belə, Azərbaycan xalqı tarixi həqiqətlərin və beynəlxalq hüququn gec-tez öz təsdiqini tapacağına inamını qorudu.
Münaqişənin həlli istiqamətində uzun illər aparılan danışıqlar gözlənilən nəticəni vermədikcə, Azərbaycanın qarşısında daha güclü dövlət qurmaq və milli maraqlarını qətiyyətlə müdafiə etmək vəzifəsi dayanırdı. Ölkəmiz bu istiqamətdə ardıcıl addımlar ataraq iqtisadi potensialını artırdı, ordusunu müasirləşdirdi, beynəlxalq əlaqələrini genişləndirdi. Dövlətin bütün imkanlarının vahid strateji məqsədə yönəldilməsi gələcək qələbənin əsasını təşkil etdi. Azərbaycan bir daha təsdiqlədi ki, güclü iqtisadiyyat, müstəqil siyasət və döyüş qabiliyyətli ordu dövlət suverenliyinin etibarlı təminatıdır.
2020-ci il sentyabrın 27-də başlayan Vətən müharibəsi Azərbaycanın müasir tarixində yeni mərhələnin başlanğıcı oldu. 44 gün davam edən döyüşlər zamanı Azərbaycan Ordusu yüksək peşəkarlıq, misilsiz cəsarət və əzmkarlıq nümayiş etdirdi. İşğal altındakı torpaqlarımızın azad edilməsi uğrunda aparılan əməliyyatlar xalqımızın illərlə gözlədiyi tarixi ədalətin bərpasına doğru inamlı addımlar idi. Hərbi qulluqçuların döyüş meydanında göstərdiyi qəhrəmanlıq, xalqın orduya dəstəyi və ölkə rəhbərliyinin qətiyyətli mövqeyi Qələbəni şərtləndirən əsas amillər oldu.
Vətən müharibəsinin həlledici məqamı noyabrın 8-də Şuşanın azad edilməsi ilə yaşandı. Qarabağın strateji və mənəvi baxımdan ən mühüm şəhərlərindən biri olan Şuşanın düşmən işğalından qurtarılması müharibənin gedişinə ciddi təsir göstərdi. Azərbaycan hərbçilərinin çətin relyef şəraitində, xüsusi peşəkarlıq və cəsarət hesabına həyata keçirdikləri əməliyyat dünya hərb tarixində də diqqətəlayiq hadisələrdən biri kimi yadda qaldı. Şuşa uğrunda döyüşlər Vətənə bağlılığın, fədakarlığın və peşəkarlığın birləşdiyi qəhrəmanlıq nümunəsi oldu.
Şuşanın azadlığı Azərbaycan xalqı üçün həm də milli-mənəvi dirçəlişin təcəssümü idi. Bu şəhər əsrlər boyu Azərbaycan musiqisinin, ədəbiyyatının və incəsənətinin inkişafında mühüm rol oynayıb. Şuşanın azad olunması ilə xalqımız yalnız strateji əhəmiyyətli bir şəhərə deyil, həm də öz mədəni yaddaşının mühüm bir parçasına qovuşdu. Buna görə də 8 noyabrın Zəfər Günü kimi qeyd edilməsi tarixi hadisənin miqyasını və milli əhəmiyyətini ifadə edir.
Qazanılan Qələbənin əsas dayaqlarından biri xalqımızın sarsılmaz birliyi idi. Vətən müharibəsi dövründə cəmiyyətin müxtəlif təbəqələrindən olan insanlar eyni məqsəd ətrafında birləşərək dövlətə və orduya dəstək göstərdilər. Ölkənin hər yerində hökm sürən həmrəylik, gənclərin Vətənə xidmət etmək əzmi və hər bir vətəndaşın qələbəyə verdiyi mənəvi töhfə milli birliyin nə qədər güclü olduğunu ortaya qoydu. Bu birlik bir daha təsdiqlədi ki, xalqın iradəsi və dövlətin qətiyyəti vəhdət təşkil etdikdə qarşıya qoyulan ən mürəkkəb məqsədlərə belə nail olmaq mümkündür.
Zəfərin arxasında dayanan ən böyük fədakarlıq isə şəhidlərimizin müqəddəs adı ilə bağlıdır. Vətən uğrunda canlarını fəda edən qəhrəmanların xatirəsi xalqımız üçün əbədi ehtiram mənbəyidir. Qazilərin göstərdiyi şücaət və döyüşlərdə nümayiş etdirdikləri mətinlik də milli tariximizin unudulmaz səhifələrindəndir. Şəhid ailələrinə, müharibə iştirakçılarına və qazilərə dövlət qayğısının göstərilməsi onların fədakarlığına verilən yüksək qiymətin ifadəsidir. Bu insanların həyat yolu gələcək nəsillərə Vətən sevgisinin yalnız sözlə deyil, əməl və məsuliyyətlə təsdiqləndiyini öyrədir.
2023-cü ilin sentyabrında həyata keçirilən antiterror tədbirləri nəticəsində Azərbaycanın suverenliyi ölkənin bütün ərazisində tam bərpa olundu. Beləliklə, dövlətimiz ərazi bütövlüyünün və suverenliyinin təmin edilməsi istiqamətində tarixi məqsədinə nail oldu. Bu nailiyyət Azərbaycanın beynəlxalq hüquqa əsaslanan mövqeyinin, milli maraqlarını qorumaq əzminin və güclü dövlətçilik iradəsinin nəticəsi idi. Tarixin bu mərhələsi göstərdi ki, müstəqilliyin qorunması və suverenliyin möhkəmləndirilməsi davamlı siyasi iradə və milli məsuliyyət tələb edir.
Bu gün Zəfərin nəticələri işğaldan azad edilmiş ərazilərdə aparılan genişmiqyaslı quruculuq işlərində də özünü göstərir. Qarabağ və Şərqi Zəngəzur yenidən qurulur, yaşayış məntəqələri bərpa edilir, yeni yollar, məktəblər, xəstəxanalar və digər infrastruktur obyektləri istifadəyə verilir. Böyük Qayıdış Proqramı çərçivəsində keçmiş məcburi köçkünlərin öz doğma yurdlarına qayıtması tarixi Qələbənin insan talelərində yaratdığı müsbət dəyişikliklərin ən aydın nümunəsidir. İllərlə həsrətlə gözlənilən qayıdış bu gün yeni həyatın başlanğıcına çevrilir.
Qarabağda və Şərqi Zəngəzurda görülən işlər yalnız dağıdılmış ərazilərin bərpası ilə məhdudlaşmır. Burada müasir yaşayış mühitinin yaradılması, iqtisadi imkanların genişləndirilməsi, məşğulluğun artırılması və regionun ölkə iqtisadiyyatına reinteqrasiyası istiqamətində mühüm tədbirlər həyata keçirilir. Məqsəd azad edilmiş əraziləri insanların rahat yaşadığı, işlədiyi və gələcəyə inamla baxdığı inkişaf məkanlarına çevirməkdir. Bu quruculuq prosesi Azərbaycanın Qələbədən sonra da qarşıya aydın hədəflər qoyduğunu və onları ardıcıl şəkildə reallaşdırdığını nümayiş etdirir.
8 Noyabr – Zəfər Günü bizə bir həqiqəti də xatırladır: tarixi nailiyyətləri qorumaq onları qazanmaq qədər vacibdir. Güclü dövlətçilik, milli birlik, vətənpərvərlik və məsuliyyətli vətəndaş mövqeyi Azərbaycanın gələcək inkişafının əsas şərtləridir. Gənc nəslin Vətənə sevgi, milli dəyərlərə hörmət və dövlətçilik ənənələrinə sədaqət ruhunda yetişdirilməsi də bu baxımdan mühüm əhəmiyyət daşıyır.
Bu gün Azərbaycan xalqı 8 Noyabrı böyük qürur hissi ilə qeyd edir. Çünki Zəfər Günü yalnız hərbi qələbənin ildönümü deyil, həm də xalqımızın sarsılmaz iradəsinin, şəhidlərimizin müqəddəs amalının və müstəqil dövlətimizin qüdrətinin rəmzidir. Bu tarixi Qələbə Azərbaycanın gələcəyinə olan inamı daha da gücləndirir, yeni uğurlar üçün mənəvi dayaq yaradır. Zəfər salnaməmiz gələcək nəsillərə ötürüləcək ən qiymətli tarixi miraslarımızdan biri olaraq daim yaşayacaqdır.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 03-11-2026 | Saat: 13:28
Bölmə:Manşet / Siyasət | çapa göndər
Hər bir xalqın tarixində onun gələcək inkişaf istiqamətini müəyyənləşdirən, milli ruhunu yüksəldən və dövlətçilik ənənələrini daha da möhkəmləndirən mühüm hadisələr var. Azərbaycan xalqı üçün 8 Noyabr – Zəfər Günü məhz belə tarixi əhəmiyyətə malikdir. Bu gün xalqımızın onilliklər boyu qəlbində yaşatdığı torpaq həsrətinin sona çatması, ədalətin bərpası və milli iradənin təntənəsi ilə səciyyələnir. Şuşanın azad edilməsi ilə əlamətdar olan bu tarix Azərbaycanın hərb salnaməsinə qızıl hərflərlə yazılmaqla yanaşı, xalqımızın öz tarixinə, mədəniyyətinə və gələcəyinə daha böyük inamla baxmasına imkan yaratdı.
Zəfər bir gündə qazanılan nəticə olsa da, onun təməli uzun illər ərzində formalaşmış siyasi iradə, iqtisadi inkişaf, hərbi hazırlıq və milli həmrəylik üzərində qurulmuşdu. Azərbaycan müstəqilliyini bərpa etdikdən sonra mürəkkəb siyasi və hərbi şəraitlə üzləşdi. Ermənistanın hərbi təcavüzü nəticəsində torpaqlarımızın işğal olunması, bir milyondan çox insanın doğma yurdlarından didərgin düşməsi xalqımızın yaddaşında dərin iz buraxdı. Bununla belə, Azərbaycan xalqı tarixi həqiqətlərin və beynəlxalq hüququn gec-tez öz təsdiqini tapacağına inamını qorudu.
Münaqişənin həlli istiqamətində uzun illər aparılan danışıqlar gözlənilən nəticəni vermədikcə, Azərbaycanın qarşısında daha güclü dövlət qurmaq və milli maraqlarını qətiyyətlə müdafiə etmək vəzifəsi dayanırdı. Ölkəmiz bu istiqamətdə ardıcıl addımlar ataraq iqtisadi potensialını artırdı, ordusunu müasirləşdirdi, beynəlxalq əlaqələrini genişləndirdi. Dövlətin bütün imkanlarının vahid strateji məqsədə yönəldilməsi gələcək qələbənin əsasını təşkil etdi. Azərbaycan bir daha təsdiqlədi ki, güclü iqtisadiyyat, müstəqil siyasət və döyüş qabiliyyətli ordu dövlət suverenliyinin etibarlı təminatıdır.
2020-ci il sentyabrın 27-də başlayan Vətən müharibəsi Azərbaycanın müasir tarixində yeni mərhələnin başlanğıcı oldu. 44 gün davam edən döyüşlər zamanı Azərbaycan Ordusu yüksək peşəkarlıq, misilsiz cəsarət və əzmkarlıq nümayiş etdirdi. İşğal altındakı torpaqlarımızın azad edilməsi uğrunda aparılan əməliyyatlar xalqımızın illərlə gözlədiyi tarixi ədalətin bərpasına doğru inamlı addımlar idi. Hərbi qulluqçuların döyüş meydanında göstərdiyi qəhrəmanlıq, xalqın orduya dəstəyi və ölkə rəhbərliyinin qətiyyətli mövqeyi Qələbəni şərtləndirən əsas amillər oldu.
Vətən müharibəsinin həlledici məqamı noyabrın 8-də Şuşanın azad edilməsi ilə yaşandı. Qarabağın strateji və mənəvi baxımdan ən mühüm şəhərlərindən biri olan Şuşanın düşmən işğalından qurtarılması müharibənin gedişinə ciddi təsir göstərdi. Azərbaycan hərbçilərinin çətin relyef şəraitində, xüsusi peşəkarlıq və cəsarət hesabına həyata keçirdikləri əməliyyat dünya hərb tarixində də diqqətəlayiq hadisələrdən biri kimi yadda qaldı. Şuşa uğrunda döyüşlər Vətənə bağlılığın, fədakarlığın və peşəkarlığın birləşdiyi qəhrəmanlıq nümunəsi oldu.
Şuşanın azadlığı Azərbaycan xalqı üçün həm də milli-mənəvi dirçəlişin təcəssümü idi. Bu şəhər əsrlər boyu Azərbaycan musiqisinin, ədəbiyyatının və incəsənətinin inkişafında mühüm rol oynayıb. Şuşanın azad olunması ilə xalqımız yalnız strateji əhəmiyyətli bir şəhərə deyil, həm də öz mədəni yaddaşının mühüm bir parçasına qovuşdu. Buna görə də 8 noyabrın Zəfər Günü kimi qeyd edilməsi tarixi hadisənin miqyasını və milli əhəmiyyətini ifadə edir.
Qazanılan Qələbənin əsas dayaqlarından biri xalqımızın sarsılmaz birliyi idi. Vətən müharibəsi dövründə cəmiyyətin müxtəlif təbəqələrindən olan insanlar eyni məqsəd ətrafında birləşərək dövlətə və orduya dəstək göstərdilər. Ölkənin hər yerində hökm sürən həmrəylik, gənclərin Vətənə xidmət etmək əzmi və hər bir vətəndaşın qələbəyə verdiyi mənəvi töhfə milli birliyin nə qədər güclü olduğunu ortaya qoydu. Bu birlik bir daha təsdiqlədi ki, xalqın iradəsi və dövlətin qətiyyəti vəhdət təşkil etdikdə qarşıya qoyulan ən mürəkkəb məqsədlərə belə nail olmaq mümkündür.
Zəfərin arxasında dayanan ən böyük fədakarlıq isə şəhidlərimizin müqəddəs adı ilə bağlıdır. Vətən uğrunda canlarını fəda edən qəhrəmanların xatirəsi xalqımız üçün əbədi ehtiram mənbəyidir. Qazilərin göstərdiyi şücaət və döyüşlərdə nümayiş etdirdikləri mətinlik də milli tariximizin unudulmaz səhifələrindəndir. Şəhid ailələrinə, müharibə iştirakçılarına və qazilərə dövlət qayğısının göstərilməsi onların fədakarlığına verilən yüksək qiymətin ifadəsidir. Bu insanların həyat yolu gələcək nəsillərə Vətən sevgisinin yalnız sözlə deyil, əməl və məsuliyyətlə təsdiqləndiyini öyrədir.
2023-cü ilin sentyabrında həyata keçirilən antiterror tədbirləri nəticəsində Azərbaycanın suverenliyi ölkənin bütün ərazisində tam bərpa olundu. Beləliklə, dövlətimiz ərazi bütövlüyünün və suverenliyinin təmin edilməsi istiqamətində tarixi məqsədinə nail oldu. Bu nailiyyət Azərbaycanın beynəlxalq hüquqa əsaslanan mövqeyinin, milli maraqlarını qorumaq əzminin və güclü dövlətçilik iradəsinin nəticəsi idi. Tarixin bu mərhələsi göstərdi ki, müstəqilliyin qorunması və suverenliyin möhkəmləndirilməsi davamlı siyasi iradə və milli məsuliyyət tələb edir.
Bu gün Zəfərin nəticələri işğaldan azad edilmiş ərazilərdə aparılan genişmiqyaslı quruculuq işlərində də özünü göstərir. Qarabağ və Şərqi Zəngəzur yenidən qurulur, yaşayış məntəqələri bərpa edilir, yeni yollar, məktəblər, xəstəxanalar və digər infrastruktur obyektləri istifadəyə verilir. Böyük Qayıdış Proqramı çərçivəsində keçmiş məcburi köçkünlərin öz doğma yurdlarına qayıtması tarixi Qələbənin insan talelərində yaratdığı müsbət dəyişikliklərin ən aydın nümunəsidir. İllərlə həsrətlə gözlənilən qayıdış bu gün yeni həyatın başlanğıcına çevrilir.
Qarabağda və Şərqi Zəngəzurda görülən işlər yalnız dağıdılmış ərazilərin bərpası ilə məhdudlaşmır. Burada müasir yaşayış mühitinin yaradılması, iqtisadi imkanların genişləndirilməsi, məşğulluğun artırılması və regionun ölkə iqtisadiyyatına reinteqrasiyası istiqamətində mühüm tədbirlər həyata keçirilir. Məqsəd azad edilmiş əraziləri insanların rahat yaşadığı, işlədiyi və gələcəyə inamla baxdığı inkişaf məkanlarına çevirməkdir. Bu quruculuq prosesi Azərbaycanın Qələbədən sonra da qarşıya aydın hədəflər qoyduğunu və onları ardıcıl şəkildə reallaşdırdığını nümayiş etdirir.
8 Noyabr – Zəfər Günü bizə bir həqiqəti də xatırladır: tarixi nailiyyətləri qorumaq onları qazanmaq qədər vacibdir. Güclü dövlətçilik, milli birlik, vətənpərvərlik və məsuliyyətli vətəndaş mövqeyi Azərbaycanın gələcək inkişafının əsas şərtləridir. Gənc nəslin Vətənə sevgi, milli dəyərlərə hörmət və dövlətçilik ənənələrinə sədaqət ruhunda yetişdirilməsi də bu baxımdan mühüm əhəmiyyət daşıyır.
Bu gün Azərbaycan xalqı 8 Noyabrı böyük qürur hissi ilə qeyd edir. Çünki Zəfər Günü yalnız hərbi qələbənin ildönümü deyil, həm də xalqımızın sarsılmaz iradəsinin, şəhidlərimizin müqəddəs amalının və müstəqil dövlətimizin qüdrətinin rəmzidir. Bu tarixi Qələbə Azərbaycanın gələcəyinə olan inamı daha da gücləndirir, yeni uğurlar üçün mənəvi dayaq yaradır. Zəfər salnaməmiz gələcək nəsillərə ötürüləcək ən qiymətli tarixi miraslarımızdan biri olaraq daim yaşayacaqdır.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
03-11-2026
