Səttar Möhbalıyev: “Almaniya Azərbaycan ilə Ermənistan arasında sülh sazişinin imzalanmasında maraqlı olduğunu bəyan etdi”
Tarix: 04-04-2025 | Saat: 10:38
Bölmə:Siyasət / Manşet | çapa göndər
“Almaniya Avropa İttifaqının aparıcı dövləti kimi Cənubi Qafqazda gedən prosesləri yaxından izləyir və vəziyyəti düzgün qiymətləndirərək reallığa uyğun qərarlar qəbul edir. Digər tərəfdən, Almaniya Azərbaycan və Ermənistan arasında münasibətlərin normallaşmasının tərəfdarı, sülhün bərqərar olmasının əsas dəstəkçilərindən biridir. Almaniya eyni zamanda Avropa İttifaqının Şərqi Avropa ölkələri ilə sıx əməkdaşlığını nəzərdə tutan Polşa və İsveç tərəfindən irəli sürülmüş “Şərq Tərəfdaşlığı” təşəbbüsünün fəal müdafiəçisi və təşviqatçısıdır. İki ölkə arasında siyasi münasibətlərin yüksək səviyyəsi qarşılıqlı səfərlər və intensiv parlamentlərarası əməkdaşlıqda öz əksini tapıb. Almaniya Azərbaycanın müstəqilliyini 1992-ci ilin 12 yanvarında tanıyıb. Azərbaycan ilə Almaniya arasında diplomatik münasibətlər 1992-ci ilin 20 fevralında qurulub. 2 sentyabr 1992-ci ildə Azərbaycanın Almaniyada səfirliyi, 22 sentyabr 1992-ci ildə Almaniyanın Azərbaycanda səfirliyi açılıb. Diplomatik münasibətlərin yaranmasından sonra Azərbaycan və Almaniya arasında əlaqələr mütəmadi olaraq inkişaf edib. Dövlət başçılarının və digər rəsmi şəxslərin qarşılıqlı səfərləri iki ölkə arasında münasibətlərin daha da yaxşılaşmasına müsbət təsir göstərmişdir. Aprelin 2-də Almaniya Federativ Respublikasının Prezidenti Frank-Valter Ştaynmayerin ölkəmizə səfəri də bu qəbildəndir.”
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili cənab Prezident İlham Əliyevin mətbuata bəyanatla etdiyi çıxışında bir çox məqamlara dair mühüm açıqlamaların yer aldığını vurğulayıb: “Dövlətimizin başçısı cənab İlham Əliyev öz bəyanatında qeyd etmişdir ki, ali qonaqla keçirilən görüşdə Almaniya-Azərbaycan əlaqələrinin gələcək inkişafı müzakirə edilmiş, iqtisadi sahədə əldə edilmiş nəticələr yüksək qiymətləndirilmişdir. Qeyd olunmuşdur ki, bu ilin yanvar-fevral aylarında ölkələrimiz arasındakı ticarət dövriyyəsi təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə də gələcək illərdə ticarət dövriyyəsinin şaxələndirilməsi ilə bağlı daha fəal addımlar atılmalıdır. Cənab Prezident İlham Əliyev xüsusilə bərpaolunan enerji sahəsində Almaniya şirkətlərinin çox böyük təcrübəsi olduğunu vurğulamış, Azərbaycanın da çox böyük proqramı, planları olduğunu diqqətə çatdırmışdır. Azərbaycan xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindədir və bu, tam realdır, bu enerjinin bir hissəsi də Avropaya ixrac ediləcəkdir.”
Daha sonra S.Möhbalıyev bildirib ki, Cənubi Qafqazda təhlükəsizlik məsələsindən, Ermənistanla aparılan danışıqlardan bəhs edən ölkə başçısı müəyyən Qərb dairələrinə mühüm mesajlarını göndərmişdir: “Azərbaycanın 30 il ərzində erməni işğalından əziyyət çəkdiyini bir daha diqqət mərkəzinə gətirən cənab Prezident xalqımız etnik təmizləməyə məruz qaldığını xüsusi vurğuladı. Qeyd olundu ki, həmin dövrdə bir milyon azərbaycanlı erməni aqressiyasına görə evsiz-eşiksiz qalmışdır və torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Möhtərəm dövlət başçımız bunu da bildirmişdir ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır. 2024-cü ildə ölkəmizin COP29 kimi qlobal iqlim konfransına ev sahibliyi etdiyini və uğurlu nəticələrin əldə edildiyini bildirən cənab Prezident bildirmişdir ki, COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. İndiki məqamda, yəni sülh danışıqlarının davam etdiyi bir şəraitdə Ermənistanın belə mövqeyi təəssüf hissi doğurur. Lakin bu heç də sülh prosesinin sonu demək deyildir. Cənab Prezident İlham Əliyev inam və güvənlə bu fikirləri söyləyərək Azərbaycanın haqq işini bir daha diqqətə çatdırmışdır. Bu gün ən ümdə məsələ olan sülh, barış və dayanıqlı inkişaf Azərbaycanın qəti mövqeyidir. Ölkəmiz üzv olduğu bütün təşkilatlarda ancaq bu mövqedən çıxış edir. Dövlət başçısının dünyada gedən proseslərə də münasibəti eyni olaraq qalır və cənab Prezident xarici siyasətində bu prinsipləri əsas tutur” – deyə, Səttar Möhbalıyev fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 04-04-2025 | Saat: 10:38
Bölmə:Siyasət / Manşet | çapa göndər
“Almaniya Avropa İttifaqının aparıcı dövləti kimi Cənubi Qafqazda gedən prosesləri yaxından izləyir və vəziyyəti düzgün qiymətləndirərək reallığa uyğun qərarlar qəbul edir. Digər tərəfdən, Almaniya Azərbaycan və Ermənistan arasında münasibətlərin normallaşmasının tərəfdarı, sülhün bərqərar olmasının əsas dəstəkçilərindən biridir. Almaniya eyni zamanda Avropa İttifaqının Şərqi Avropa ölkələri ilə sıx əməkdaşlığını nəzərdə tutan Polşa və İsveç tərəfindən irəli sürülmüş “Şərq Tərəfdaşlığı” təşəbbüsünün fəal müdafiəçisi və təşviqatçısıdır. İki ölkə arasında siyasi münasibətlərin yüksək səviyyəsi qarşılıqlı səfərlər və intensiv parlamentlərarası əməkdaşlıqda öz əksini tapıb. Almaniya Azərbaycanın müstəqilliyini 1992-ci ilin 12 yanvarında tanıyıb. Azərbaycan ilə Almaniya arasında diplomatik münasibətlər 1992-ci ilin 20 fevralında qurulub. 2 sentyabr 1992-ci ildə Azərbaycanın Almaniyada səfirliyi, 22 sentyabr 1992-ci ildə Almaniyanın Azərbaycanda səfirliyi açılıb. Diplomatik münasibətlərin yaranmasından sonra Azərbaycan və Almaniya arasında əlaqələr mütəmadi olaraq inkişaf edib. Dövlət başçılarının və digər rəsmi şəxslərin qarşılıqlı səfərləri iki ölkə arasında münasibətlərin daha da yaxşılaşmasına müsbət təsir göstərmişdir. Aprelin 2-də Almaniya Federativ Respublikasının Prezidenti Frank-Valter Ştaynmayerin ölkəmizə səfəri də bu qəbildəndir.”
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili cənab Prezident İlham Əliyevin mətbuata bəyanatla etdiyi çıxışında bir çox məqamlara dair mühüm açıqlamaların yer aldığını vurğulayıb: “Dövlətimizin başçısı cənab İlham Əliyev öz bəyanatında qeyd etmişdir ki, ali qonaqla keçirilən görüşdə Almaniya-Azərbaycan əlaqələrinin gələcək inkişafı müzakirə edilmiş, iqtisadi sahədə əldə edilmiş nəticələr yüksək qiymətləndirilmişdir. Qeyd olunmuşdur ki, bu ilin yanvar-fevral aylarında ölkələrimiz arasındakı ticarət dövriyyəsi təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə də gələcək illərdə ticarət dövriyyəsinin şaxələndirilməsi ilə bağlı daha fəal addımlar atılmalıdır. Cənab Prezident İlham Əliyev xüsusilə bərpaolunan enerji sahəsində Almaniya şirkətlərinin çox böyük təcrübəsi olduğunu vurğulamış, Azərbaycanın da çox böyük proqramı, planları olduğunu diqqətə çatdırmışdır. Azərbaycan xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindədir və bu, tam realdır, bu enerjinin bir hissəsi də Avropaya ixrac ediləcəkdir.”
Daha sonra S.Möhbalıyev bildirib ki, Cənubi Qafqazda təhlükəsizlik məsələsindən, Ermənistanla aparılan danışıqlardan bəhs edən ölkə başçısı müəyyən Qərb dairələrinə mühüm mesajlarını göndərmişdir: “Azərbaycanın 30 il ərzində erməni işğalından əziyyət çəkdiyini bir daha diqqət mərkəzinə gətirən cənab Prezident xalqımız etnik təmizləməyə məruz qaldığını xüsusi vurğuladı. Qeyd olundu ki, həmin dövrdə bir milyon azərbaycanlı erməni aqressiyasına görə evsiz-eşiksiz qalmışdır və torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Möhtərəm dövlət başçımız bunu da bildirmişdir ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır. 2024-cü ildə ölkəmizin COP29 kimi qlobal iqlim konfransına ev sahibliyi etdiyini və uğurlu nəticələrin əldə edildiyini bildirən cənab Prezident bildirmişdir ki, COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. İndiki məqamda, yəni sülh danışıqlarının davam etdiyi bir şəraitdə Ermənistanın belə mövqeyi təəssüf hissi doğurur. Lakin bu heç də sülh prosesinin sonu demək deyildir. Cənab Prezident İlham Əliyev inam və güvənlə bu fikirləri söyləyərək Azərbaycanın haqq işini bir daha diqqətə çatdırmışdır. Bu gün ən ümdə məsələ olan sülh, barış və dayanıqlı inkişaf Azərbaycanın qəti mövqeyidir. Ölkəmiz üzv olduğu bütün təşkilatlarda ancaq bu mövqedən çıxış edir. Dövlət başçısının dünyada gedən proseslərə də münasibəti eyni olaraq qalır və cənab Prezident xarici siyasətində bu prinsipləri əsas tutur” – deyə, Səttar Möhbalıyev fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
