Fransanın cənub-qərbində meşə yanğınları davam edir, minlərlə sakin təxliyə olunub
Tarix: 27-07-2026 | Saat: 20:03
Bölmə:Özəl | çapa göndər
Fransanın cənub-qərbində davam edən genişmiqyaslı meşə yanğınları səbəbindən Girond departamentində fövqəladə vəziyyət yaranıb. Rəsmi məlumata görə, alovların Bordo şəhəri istiqamətində yayılması təhlükəsi ilə əlaqədar indiyədək 220 mindən çox insan təhlükəsiz ərazilərə köçürülüb.
Güclü külək və yüksək temperatur yanğının daha geniş əraziyə yayılmasına səbəb olub. Bordo ətrafında qalın tüstü müşahidə edilir, bir sıra sakinlər evlərini tərk edib, minlərlə insan isə müvəqqəti sığınacaqlarda yerləşdirilib. Hazırda şəhərin tam təxliyəsi ilə bağlı qərar verilmədiyi bildirilib.
Yanğınların söndürülməsinə yüzlərlə yanğınsöndürən, xüsusi aviasiya vasitələri və yerli fermerlər cəlb olunub. Əməliyyatlar gecə-gündüz davam etdirilir. Eyni zamanda, təhlükə zonasından çıxarılan vəhşi və ev heyvanlarının təhlükəsiz ərazilərə aparıldığı, baytarların onların müalicəsi ilə məşğul olduğu qeyd edilir.
Fransa Daxili İşlər Nazirliyinin məlumatına görə, Girond bölgəsində indiyədək 42 min hektardan çox ərazi yanıb. Ümumilikdə isə bu yay ölkə üzrə 115 min hektar meşə və yaşıllıq sahəsinin yanğından zərər gördüyü açıqlanıb.
Meteoroloqlar yaxın günlərdə Bordo və ətrafında havanın temperaturunun 41 dərəcəyədək yüksələ biləcəyini proqnozlaşdırırlar. Mütəxəssislərin fikrincə, isti hava və dəyişkən küləklər yanğınların nəzarət altına alınmasını çətinləşdirə bilər. Fransa hakimiyyəti sakinləri rəsmi xəbərdarlıqlara əməl etməyə və zərurət yarandığı halda təxliyə göstərişlərini dərhal yerinə yetirməyə çağırıb.
Məlumatlanmaq üçün Facebook səhifəmizi
Digər xəbərlər
Tarix: 27-07-2026 | Saat: 20:03
Bölmə:Özəl | çapa göndər
Fransanın cənub-qərbində davam edən genişmiqyaslı meşə yanğınları səbəbindən Girond departamentində fövqəladə vəziyyət yaranıb. Rəsmi məlumata görə, alovların Bordo şəhəri istiqamətində yayılması təhlükəsi ilə əlaqədar indiyədək 220 mindən çox insan təhlükəsiz ərazilərə köçürülüb.
Güclü külək və yüksək temperatur yanğının daha geniş əraziyə yayılmasına səbəb olub. Bordo ətrafında qalın tüstü müşahidə edilir, bir sıra sakinlər evlərini tərk edib, minlərlə insan isə müvəqqəti sığınacaqlarda yerləşdirilib. Hazırda şəhərin tam təxliyəsi ilə bağlı qərar verilmədiyi bildirilib.
Yanğınların söndürülməsinə yüzlərlə yanğınsöndürən, xüsusi aviasiya vasitələri və yerli fermerlər cəlb olunub. Əməliyyatlar gecə-gündüz davam etdirilir. Eyni zamanda, təhlükə zonasından çıxarılan vəhşi və ev heyvanlarının təhlükəsiz ərazilərə aparıldığı, baytarların onların müalicəsi ilə məşğul olduğu qeyd edilir.
Fransa Daxili İşlər Nazirliyinin məlumatına görə, Girond bölgəsində indiyədək 42 min hektardan çox ərazi yanıb. Ümumilikdə isə bu yay ölkə üzrə 115 min hektar meşə və yaşıllıq sahəsinin yanğından zərər gördüyü açıqlanıb.
Meteoroloqlar yaxın günlərdə Bordo və ətrafında havanın temperaturunun 41 dərəcəyədək yüksələ biləcəyini proqnozlaşdırırlar. Mütəxəssislərin fikrincə, isti hava və dəyişkən küləklər yanğınların nəzarət altına alınmasını çətinləşdirə bilər. Fransa hakimiyyəti sakinləri rəsmi xəbərdarlıqlara əməl etməyə və zərurət yarandığı halda təxliyə göstərişlərini dərhal yerinə yetirməyə çağırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
27-07-2026
