Paşinyandan yeni regional mesaj: Azərbaycan və Türkiyə ilə enerji əməkdaşlığı gündəmdə
Tarix: 02-07-2026 | Saat: 21:43
Bölmə:Özəl | çapa göndər
Ermənistanın Baş naziri Nikol Paşinyan regionda iqtisadi inteqrasiyanın genişləndirilməsi istiqamətində yeni təşəbbüslə çıxış edib. O, Azərbaycan və Türkiyə ilə enerji sahəsində əməkdaşlığın perspektivlərini gündəmə gətirərək, gələcəkdə elektrik ötürücü xətlərinin yaradılmasının vacibliyini vurğulayıb.
Paşinyan bu barədə İrəvanda Avropa Komissiyasının sədri Ursula fon der Leyen ilə keçirdiyi birgə mətbuat konfransında danışıb. Baş nazir bildirib ki, nəqliyyat kommunikasiyalarının açılması ilə yanaşı, enerji sahəsində qarşılıqlı əlaqələrin inkişafı da regionun gələcək əməkdaşlıq modelinin mühüm hissəsi ola bilər.
Onun sözlərinə görə, bu yanaşma çərçivəsində Azərbaycan və Türkiyə ilə yüksək gərginlikli elektrik ötürücü xətlərinin və digər enerji infrastrukturunun qurulması imkanları nəzərdən keçirilə bilər.
Paşinyan hesab edir ki, belə layihələr regionun enerji təhlükəsizliyinin gücləndirilməsinə, elektrik sistemlərinin qarşılıqlı inteqrasiyasına və bərpa olunan enerji layihələrinin inkişafına əlavə imkanlar yarada bilər.
Baş nazir vurğulayıb ki, regional əməkdaşlığın genişlənməsi uzunmüddətli perspektivdə həm iqtisadi əlaqələrin möhkəmlənməsinə, həm də Cənubi Qafqazda qarşılıqlı faydalı layihələrin reallaşdırılmasına töhfə verə bilər.
Məlumatlanmaq üçün Facebook səhifəmizi
Digər xəbərlər
Tarix: 02-07-2026 | Saat: 21:43
Bölmə:Özəl | çapa göndər
Ermənistanın Baş naziri Nikol Paşinyan regionda iqtisadi inteqrasiyanın genişləndirilməsi istiqamətində yeni təşəbbüslə çıxış edib. O, Azərbaycan və Türkiyə ilə enerji sahəsində əməkdaşlığın perspektivlərini gündəmə gətirərək, gələcəkdə elektrik ötürücü xətlərinin yaradılmasının vacibliyini vurğulayıb.
Paşinyan bu barədə İrəvanda Avropa Komissiyasının sədri Ursula fon der Leyen ilə keçirdiyi birgə mətbuat konfransında danışıb. Baş nazir bildirib ki, nəqliyyat kommunikasiyalarının açılması ilə yanaşı, enerji sahəsində qarşılıqlı əlaqələrin inkişafı da regionun gələcək əməkdaşlıq modelinin mühüm hissəsi ola bilər.
Onun sözlərinə görə, bu yanaşma çərçivəsində Azərbaycan və Türkiyə ilə yüksək gərginlikli elektrik ötürücü xətlərinin və digər enerji infrastrukturunun qurulması imkanları nəzərdən keçirilə bilər.
Paşinyan hesab edir ki, belə layihələr regionun enerji təhlükəsizliyinin gücləndirilməsinə, elektrik sistemlərinin qarşılıqlı inteqrasiyasına və bərpa olunan enerji layihələrinin inkişafına əlavə imkanlar yarada bilər.
Baş nazir vurğulayıb ki, regional əməkdaşlığın genişlənməsi uzunmüddətli perspektivdə həm iqtisadi əlaqələrin möhkəmlənməsinə, həm də Cənubi Qafqazda qarşılıqlı faydalı layihələrin reallaşdırılmasına töhfə verə bilər.
Məlumatlanmaq üçün Facebook səhifəmizi
Xəbəri paylaş
Digər xəbərlər
