İsrail "Oskar"a layiq görülmüş sənədli filmə töhfə verən fələstinlinin cəsədini təhvil verməkdən imtina edib

İsrail "Oskar"a layiq görülmüş sənədli filmə töhfə verən fələstinlinin cəsədini təhvil verməkdən imtina edib
Tarix: 31-07-2025 | Saat: 21:51
Bölmə:Özəl | çapa göndər

Şirift ölçüsü:

İsrail iyulun 28-də işğal altındakı İordan çayının qərb sahilində bir israilli torpaq qəsbçisi tərəfindən güllələnərək öldürülən fələstinli fəal Avde Hadalinin cənazəsini onun dəfn mərasimi ilə bağlı şərtləri əsas gətirərək təhvil verməkdən imtina edir.
Haaretz-in məlumatına görə, İsrail hakimiyyəti dünən Oskar mükafatı qazanan sənədli filmə töhfə verən fələstinli fəal Hadalinin meyitinin yarılmasının başa çatmasına baxmayaraq, həbsini davam etdirir.

Oskar mükafatı qazanan filmdə rol alan Hadalin Trampın sanksiyalarını qaldırdığı bir yəhudi məskunlaşmanın hücumu nəticəsində öldürülüb.
Oskarlı sənədli filmə töhfə verən fələstinli fəalı öldürən israilliyə yalnız ev dustaqlığı verilib.
Xəbərdə, "İsrail polisi və ordusu Hadalinin cənazəsini ailəsinə qaytarmaqdan imtina edərək, dəfn mərasimi üçün qoyduğu şərtləri qəbul etmələrini tələb edir" deyilir.

İsrail hakimiyyətinin qoyduğu şərtlərə görə, “Hadalinin Umm əl-Xeyr kəndindəki evinin yaxınlığında başsağlığı çadırları qurulmayacaq, cənazə qonşu Yatta şəhərində dəfn ediləcək və dəfn mərasimində iştirak edənlərin sayı 15 nəfəri keçməyəcək”.

Hadalin ailəsinin bu şərtləri rədd etdiyi bildirilir.

Ümmül-Xeyr fəalları: Biz son dərəcə çətin şəraitdə yaşayırıq
Bu arada Umm əl-Xeyr kəndinin fəalları bəyanat verərək “son dərəcə çətin şəraitdə yaşadıqlarını” elan ediblər.

Fəallar Hadalinin cəsədinin qaytarılmadığını, Hadalinin qətlindən sonra kənddə 14 fələstinlinin nəzarətə alındığını, kənddəki jurnalistlərin və beynəlxalq fəalların təxliyə edildiyini bildiriblər.

İsrailin Hadalin üçün başsağlığı çadırı qurulmasının qarşısını aldığını bildirən fəallar, beynəlxalq ictimaiyyəti Ümmül-Xeyrdəki hadisələr və fələstinliləri öz torpaqlarından zorla çıxarmaq cəhdlərindən xəbərdar etməyə çağırıb.

İsrailli hücumçu Oskar mükafatlı sənədli filmə töhfə verən fələstinlini öldürüb
Fələstin torpaqlarını qəsb edən israilli Yinon Levi iyulun 28-də Hebronun cənubundakı Masafir Yattada fərq qoymadan atəş açıb.

Levinin hücumu nəticəsində 2025-ci ildə Ən Yaxşı Sənədli Film nominasiyasında Oskar qazanan “Başqa diyar yoxdur” sənədli filminə töhfə verən fələstinli fəal Avde Hadalin həyatını itirib.

İsrail məhkəməsi fələstinli fəalı öldürdüyü anın görüntüləri yayılan Levinin yalnız ev dustaqlığına buraxılmasına qərar verib.

ABŞ-ın keçmiş prezidenti Co Bayden Fələstinli mülki şəxslərə hücumlarına görə Hadalini öldürən Leviyə qarşı sanksiyalar tətbiq etmişdi.

ABŞ prezidenti Donald Tramp vəzifəyə gəldikdən sonra Leviyə qarşı sanksiyaları ləğv edib.

aia.az
Tərcümə şöbəsi

Ad və soyad:*
E-Mail:
Şərhiniz:
Kodu yazın: *