Komitə sədri: Bakının ABŞ-yə cavab verməsinin vaxtı yetişib
Tarix: 07-10-2024 | Saat: 12:52
Bölmə:Siyasət | çapa göndər
"Azərbaycan ərazi bütövlüyünü və suverenliyini bərpa edib Ermənistan üzərində qələbə çaldıqdan sonra əsas fəaliyyəti Cənubi Qafqazda dayanıqlı sülhün, sabitliyin və sıx əməkdaşlıq formatının yaradılması olub. İrəvan Bakının sülh şərtləri ilə razılaşsa da, son 4 ildə aparılan sülh danışıqları hələ də nəticə vermir. Bunun səbəbkarı da birbaşa Ermənistan tərəfidir. Ermənistan havadarlarının tövsiyəsinə uyğun olaraq Cənubi Qafqazda sülhün təmin edilməsinə deyil, gərginliyin davam etdirilməsi istiqamətində pozucu fəaliyyətini davam etdirməkdədir. Qərbli havadarları Ermənistana bölgədə sülhün pozulması istiqamətində hər vasitə ilə dəstək verirlər. Elə son günlərdə ABŞ konqresmenlərinin Ermənistana dəstək adı altında başlatdığı kampaniya Cənubi Qafqazda gərginliyin yaradılmasına xidmət edən pozucu fəaliyyəti bunun bariz nümunəsidir".
Bunu Ölkə.Az-a açıqlamasında Milli Məclisin gənclər və idman komitəsinin sədri Şahin İsmayılov deyib.
Komitə sədri bildirib ki, başda ABŞ olmaqla bəzi Qərb ölkələri Ermənistanın işğalçılıq dövründə olduğu kimi, yenə də ermənilərə dəstək verib Azərbaycana təzyiq etməklə ikili və irqi ayrıseçkilik siyasətini davam etdirməkdədirlər. "Əslində, bu gün kollektiv Qərb öz əməli hərətkələri ilə bəyan etdikləri "beynəlxalq aləmdə beynəlxalq hüququn, ədalətin, sülhün, sabitliyin və təhlükəsizliyin təminatçısı" rolunda çıxış etmələri haqqında irəli sürdükləri şüarların ancaq və ancaq dünyanın müxtəlif bölgələrində maraqlarını təmin etmək üçün bir alətdir. Hansı ki, biz bunun 30 ildən artıq müddətdə Ermənistan-Azərbaycan münaqişəsində görməkdəyik. Məhz ABŞ münaqişənin ilk illərindən ermənilərin işğal siyasətinə dəstək məqsədilə Azərbaycana qarşı "907-ci düzəliş" adlı aktı qəbul ediblər və bu günədək həmin sənəd ləğv edilməyib. Kollektiv Qərb sözdə bölgədə sülhün təmin olunmasından ağız dolusu danışsa da, əməldə Ermənistana hərtərəfli maliyyə və hərbi cəhətdən güclənmək baxımdan yardım ediblər. Başda ABŞ olmaqla bəzi Qərb ölkələri bu gün də Ermənistana təmənnasız maliyyə ilə yanaşı, silahlandırılmasına da dəstək verirlər.
ABŞ-nin Cənubi Qafqazda gərginliyi davam etdirməyə xidmət edən məqsədlə Ermənistana etdiyi dəstəyə baxmayaraq Azərbaycan yenə də ümumbəşəri problemlərin həllinə töhfələrini daha fəal şəkildə həyata keçirmək istiqamətində addımlar atmaqdadır. Noyabrda Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəf Dövlətlərinin 29-cu görüşünə (COP29) Azərbaycanın ev sahibliyi etməsi də bunun bariz nümunəsidir.
Təəssüf ki, Azərbaycan tərəfinin COP29-a yüksək səviyyədə davam edən hazırlığı, bütövlükdə, bəşəriyyəti narahat edən iqlim dəyişmələri üzrə fundamental məsələlərin həllinə töhfə verməyə hazır olduğu bir məqamda bir sıra anti-Azərbaycan dairələr ölkəmizin COP29-a ev sahibliyi edəcəyindən istifadə edərək, Azərbaycana hansısa məsələni qəbul etdirmək fikrinə düşüblər. Elə ABŞ Senatının və Nümayəndələr Palatasının bir qrup üzvünün 2024-cü il oktyabrın 3-də bu ölkənin dövlət katibi Entoni Blinkenə göndərdiyi müraciət də bu qəbildən olan addımlardandır. Bunu cənab Prezident İlham Əliyev oktyabrın 4-də Cəbrayıl şəhərində sakinlərlə görüşündə açıq şəkildə bəyan edib. Dövlət başçısı açıq şəkildə bəyan etdi ki, Dövlət Departamenti tərəfindən təşkil edildiyinə dair şübhəmiz yoxdur. Dövlət Departamentində Azərbaycanı hədələmək üçün özləri özlərinə məktub yazırlar. ABŞ-nin Azərbaycana qarşı bu cür irqi ayrı-seçkiliyi ehtiva edən dialoq ruhuna, beynəlxalq hüquqa ziddir olan bu cür böhtanla dolu hərəkətləri birbaşa Cənubi Qafqazda sülhün pozulmasına xidmət edir", - o qeyd edib.
Komitə sədri əlavə edib ki, bu cür metodlarla Azərbaycana təzyiq etmək qeyri-mümkündür və əksinə, Cənubi Qafqazda iqtisadi, enerji, təhlükəsizlik sahəsində ciddi əməkdaşlıq etdiyi bir ölkəyə qarşı bu cür münasibət sərgiləməklə öz nüfuzuna ciddi zərbə vurmuş olacaq: "Azərbaycan bu cür təzyiqlərə adekvat cavab verməyə qadir ölkədir və bu addımların da adekvatı cavabı olacaq. Hesab edirəm ki, Azərbaycan tərəfinin qarşılıqlılıq prinsipini və ikitərəfli münasibətləri məntiqi müstəviyə qaytarmaq məqsədini əsas götürərək, ABŞ tərəfinin sözügedən addımlarına cavab verməyin vaxtı çatıb. Təklif edirəm ki, Azərbaycan tərəfi ABŞ iləa münasibətlərinə yenidən baxıb buna uyğun addım atmalıdır".
Məlumatlanmaq üçün Facebook səhifəmizi
Digər xəbərlər
Tarix: 07-10-2024 | Saat: 12:52
Bölmə:Siyasət | çapa göndər
"Azərbaycan ərazi bütövlüyünü və suverenliyini bərpa edib Ermənistan üzərində qələbə çaldıqdan sonra əsas fəaliyyəti Cənubi Qafqazda dayanıqlı sülhün, sabitliyin və sıx əməkdaşlıq formatının yaradılması olub. İrəvan Bakının sülh şərtləri ilə razılaşsa da, son 4 ildə aparılan sülh danışıqları hələ də nəticə vermir. Bunun səbəbkarı da birbaşa Ermənistan tərəfidir. Ermənistan havadarlarının tövsiyəsinə uyğun olaraq Cənubi Qafqazda sülhün təmin edilməsinə deyil, gərginliyin davam etdirilməsi istiqamətində pozucu fəaliyyətini davam etdirməkdədir. Qərbli havadarları Ermənistana bölgədə sülhün pozulması istiqamətində hər vasitə ilə dəstək verirlər. Elə son günlərdə ABŞ konqresmenlərinin Ermənistana dəstək adı altında başlatdığı kampaniya Cənubi Qafqazda gərginliyin yaradılmasına xidmət edən pozucu fəaliyyəti bunun bariz nümunəsidir".
Bunu Ölkə.Az-a açıqlamasında Milli Məclisin gənclər və idman komitəsinin sədri Şahin İsmayılov deyib.
Komitə sədri bildirib ki, başda ABŞ olmaqla bəzi Qərb ölkələri Ermənistanın işğalçılıq dövründə olduğu kimi, yenə də ermənilərə dəstək verib Azərbaycana təzyiq etməklə ikili və irqi ayrıseçkilik siyasətini davam etdirməkdədirlər. "Əslində, bu gün kollektiv Qərb öz əməli hərətkələri ilə bəyan etdikləri "beynəlxalq aləmdə beynəlxalq hüququn, ədalətin, sülhün, sabitliyin və təhlükəsizliyin təminatçısı" rolunda çıxış etmələri haqqında irəli sürdükləri şüarların ancaq və ancaq dünyanın müxtəlif bölgələrində maraqlarını təmin etmək üçün bir alətdir. Hansı ki, biz bunun 30 ildən artıq müddətdə Ermənistan-Azərbaycan münaqişəsində görməkdəyik. Məhz ABŞ münaqişənin ilk illərindən ermənilərin işğal siyasətinə dəstək məqsədilə Azərbaycana qarşı "907-ci düzəliş" adlı aktı qəbul ediblər və bu günədək həmin sənəd ləğv edilməyib. Kollektiv Qərb sözdə bölgədə sülhün təmin olunmasından ağız dolusu danışsa da, əməldə Ermənistana hərtərəfli maliyyə və hərbi cəhətdən güclənmək baxımdan yardım ediblər. Başda ABŞ olmaqla bəzi Qərb ölkələri bu gün də Ermənistana təmənnasız maliyyə ilə yanaşı, silahlandırılmasına da dəstək verirlər.
ABŞ-nin Cənubi Qafqazda gərginliyi davam etdirməyə xidmət edən məqsədlə Ermənistana etdiyi dəstəyə baxmayaraq Azərbaycan yenə də ümumbəşəri problemlərin həllinə töhfələrini daha fəal şəkildə həyata keçirmək istiqamətində addımlar atmaqdadır. Noyabrda Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəf Dövlətlərinin 29-cu görüşünə (COP29) Azərbaycanın ev sahibliyi etməsi də bunun bariz nümunəsidir.
Təəssüf ki, Azərbaycan tərəfinin COP29-a yüksək səviyyədə davam edən hazırlığı, bütövlükdə, bəşəriyyəti narahat edən iqlim dəyişmələri üzrə fundamental məsələlərin həllinə töhfə verməyə hazır olduğu bir məqamda bir sıra anti-Azərbaycan dairələr ölkəmizin COP29-a ev sahibliyi edəcəyindən istifadə edərək, Azərbaycana hansısa məsələni qəbul etdirmək fikrinə düşüblər. Elə ABŞ Senatının və Nümayəndələr Palatasının bir qrup üzvünün 2024-cü il oktyabrın 3-də bu ölkənin dövlət katibi Entoni Blinkenə göndərdiyi müraciət də bu qəbildən olan addımlardandır. Bunu cənab Prezident İlham Əliyev oktyabrın 4-də Cəbrayıl şəhərində sakinlərlə görüşündə açıq şəkildə bəyan edib. Dövlət başçısı açıq şəkildə bəyan etdi ki, Dövlət Departamenti tərəfindən təşkil edildiyinə dair şübhəmiz yoxdur. Dövlət Departamentində Azərbaycanı hədələmək üçün özləri özlərinə məktub yazırlar. ABŞ-nin Azərbaycana qarşı bu cür irqi ayrı-seçkiliyi ehtiva edən dialoq ruhuna, beynəlxalq hüquqa ziddir olan bu cür böhtanla dolu hərəkətləri birbaşa Cənubi Qafqazda sülhün pozulmasına xidmət edir", - o qeyd edib.
Komitə sədri əlavə edib ki, bu cür metodlarla Azərbaycana təzyiq etmək qeyri-mümkündür və əksinə, Cənubi Qafqazda iqtisadi, enerji, təhlükəsizlik sahəsində ciddi əməkdaşlıq etdiyi bir ölkəyə qarşı bu cür münasibət sərgiləməklə öz nüfuzuna ciddi zərbə vurmuş olacaq: "Azərbaycan bu cür təzyiqlərə adekvat cavab verməyə qadir ölkədir və bu addımların da adekvatı cavabı olacaq. Hesab edirəm ki, Azərbaycan tərəfinin qarşılıqlılıq prinsipini və ikitərəfli münasibətləri məntiqi müstəviyə qaytarmaq məqsədini əsas götürərək, ABŞ tərəfinin sözügedən addımlarına cavab verməyin vaxtı çatıb. Təklif edirəm ki, Azərbaycan tərəfi ABŞ iləa münasibətlərinə yenidən baxıb buna uyğun addım atmalıdır".
Məlumatlanmaq üçün Facebook səhifəmizi
Xəbəri paylaş
Digər xəbərlər
24-11-2024
13:39 SAKİT İLKİN-65
