Azərbaycan Ordusu regional sülhün qarantıdır
Tarix: 21-06-2024 | Saat: 10:05
Bölmə:Siyasət | çapa göndər
Azərbaycanın 44 günlük Vətən müharibəsində əldə etdiyi tarixi Qələbə 2003-2020-ci illər ərzində Ölkə Prezidenti, Ali Baş Komandan cənab İlham Əliyev tərəfindən həyata keçirilmiş çoxşaxəli hazırlıq işləri sayəsində təmin olundu. Əlbəttə ki, ölkəmizin güclü bir dövlətə çevrilməsinə və nəticə etibarı ilə öz ərazi bütövlüyünü və suverenliyini tam bərpa etməsinə zəmin yaratmış ən önəmli faktor məhz dinamik iqtisadi inkişaf amilidir. Dövlət başçısı daima deyirdi ki, sülh yolu ilə torpaqlarımız geri qayıtmasa, müharibə yolu ilə biz bu məsələni həll edəcəyik. Bütün xarici təzyiqlərə, ittihamlara baxmayaraq Azərbaycan Prezidenti bu haqlı mövqeyindən heç zaman bir addım belə olsun geri çəkilmədi. Bütün beynəlxalq təşkilatlar çalışırdılar ki, Ermənistan ilə hər hansı bir formada bir protokol imzalansın ki, münaqişənin hərbi yolla həlli istisna edilsin. Lakin cənab Prezident İlham Əliyev özünün qətiyyəti və siyasi iradəsi ilə buna yol vermədi. Azərbaycan Ordusu düşmənin təxribatlarına cavab olaraq 27 sentyabr 2020-ci il tarixində Ali Baş Komandanın əmri ilə başladığı və cəmi 44 günə tarixi Qələbə əldə etməklə başa vurduğu Vətən müharibəsinin nəticələri ilə sübut etdi ki, Cənubi Qafqazın ən qüdrətli ordusudur. 44 gün ərzində hər gün Azərbaycan Ordusu irəli gedirdi, hər gün yeni şəhərlər, kəndlər, qəsəbələr, yüksəkliklər azad edilirdi. Azərbaycan əsgəri, Azərbaycan zabiti bir amalla vuruşurdu ki, bu işğala son qoyulsun və tarixi ədalət zəfər çalsın.
Azərbaycanın 2020-ci ilin sentyabr-noyabr aylarında apardığı Vətən mühaibəsi ədalətli müharibə idi və ölkəmiz bu müharibəni haqqlı mövqelərdən aparırdı. 30 il davam edən işğal dövründə gedən proseslər, aparılan danışıqlar bunu göstərdi ki, bu gün beynəlxalq hüquq normaları işləmir, dünyada ikili standartlar siyasəti geniş təcrübə olunur. Bunun ən bariz sübutu BMT Təhlükəsizlik Şurası tərəfindən qəbul olunmuş və erməni silahlı qüvvələrinin torpaqlarımızdan dərhal çıxarılmasını tələb edən dörd qətnamənin icrasının bütün bu illər ərzində təmin olunmamasıdır. Möhtərəm Prezidentimiz cənab İlham Əliyevin də öz çıxışlarında dəfələrlə qeyd etdiyi kimi, beynəlxalq hüquq normaları elə bil kiçik ölkələr, orta səviyyəli, gücü o qədər olmayan ölkələr üçün yazılıb. Böyük ölkələr buna məhəl qoymaya bilərlər. Məhz belə bir vəziyyətdə olmamaq üçün də Azərbaycan öz hərbi qüdrətini bundan sonra daha da artırmalıdır. Çünki müasir dünyada gedən proseslər, tez-tez alovlanan və uzun illər bitməyən hərbi münaqişələr bunu deməyə əsas verir ki, istənilən bir ölkənin suverenliyinin qarantı yalnız bu ölkənin güclü ordusu ola bilər.
Əlbəttə ki, ölkəmizin hərbi qüdrətinin durmadan artması Azərbaycanda həyata keçirilən uğurlu ordu quruculuğu işinin nəticəsidir. Bu strateji xəttin əsası respublikamızda hələ 1969-cu ildə Ulu Öndər Heydər Əliyev tərəfindən qoyulub. Həmin dövrdə Ümummilli Liderin respublika rəhbərliyinə gəlişindən sonra Azərbaycanda hərbi kadrların hazırlanması prosesinə start verildi. Ulu Öndərimizin bu istiqamətdə atdığı ən mühüm, ən vacib addımlardan biri əlbəttə ki, 1971-ci ildə Cəmşid Naxçıvanski adına hərbi liseyin yaradılması oldu. Artıq müstəqillik illərində Azərbaycanda C.Naxçıvanski adına Hərbi Məktəb ordu quruculuğunun əsas bazalarından birinə çevrildi.
Ümummilli Lider Heydər Əliyevin müstəsna xidmətləri sayəsində formalaşan və inkişaf yoluna qədəm qoyan Azərbaycan Silahlı Qüvvələri bu gün Müzəffər Ali Baş Komandan cənab İlham Əliyevin rəhbərliyi ilə öz şərəfli missiyasını uğurla davam etdirir. Dövlət başçımız tərəfindən bu istiqamətdə həyata keçirilən uğurlu siyasət nəticəsində Azərbaycan Ordusu dünyanın ən güclü orduları sırasındadır. 2003-cü ildən bəri keçən dövr ərzində Azərbaycan Ordusunun modernləşdirilməsi, döyüş qabiliyyətinin daha da yüksəldilməsi, maddi-texniki bazanın əhəmiyyətli dərəcədə möhkəmləndirilməsi, eləcə də hərbçilərin maddi-sosial vəziyyətinin yaxşılaşdırılması istiqamətində çox böyük işlər görülüb. Azərbaycan Ordusunun maddi-texniki təchizatının yenilənməsi, müasir infrastrukturun yaradılması, həmçinin müdafiə sənayesinin inkişaf etdirilməsi istiqamətində davamlı olaraq atılan məqsədyönlü addımlar ölkəmizdə həyata keçirilən ordu quruculuğu siyasətinin əsas istiqamətləridir. Bu gün Azərbaycan Ordusu artıq təkcə ölkəmizdə deyil, həmçinin bütün Cənubi Qafqazda sülhün və əmin-amanlığın əsas təminatçısıdır.
Azərbaycan Ordusu 2020-ci ildə döyüş meydanında özünün real gücünü bütün dünyaya nümayiş etdirdi. Müzəffər Ali Baş Komandan cənab İlham Əliyev tərəfindən ötən illər ərzində ölkəmizin müdafiə sisteminin möhkəmləndirilməsi istiqamətində görülən işlər, Silahlı Qüvvələrdə aparılan islahatlar Azərbaycan Ordusunu bu günkü səviyyəyə qaldırdı. Bu gün Şanlı Azərbaycan Ordusu Cənubi Qafqazda sülhün əsas təminatçısı olmaqla xalqımızın əsl qürur mənbəyidir.
David İbramxəlilov,
YAP Qusar rayon təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 21-06-2024 | Saat: 10:05
Bölmə:Siyasət | çapa göndər
Azərbaycanın 44 günlük Vətən müharibəsində əldə etdiyi tarixi Qələbə 2003-2020-ci illər ərzində Ölkə Prezidenti, Ali Baş Komandan cənab İlham Əliyev tərəfindən həyata keçirilmiş çoxşaxəli hazırlıq işləri sayəsində təmin olundu. Əlbəttə ki, ölkəmizin güclü bir dövlətə çevrilməsinə və nəticə etibarı ilə öz ərazi bütövlüyünü və suverenliyini tam bərpa etməsinə zəmin yaratmış ən önəmli faktor məhz dinamik iqtisadi inkişaf amilidir. Dövlət başçısı daima deyirdi ki, sülh yolu ilə torpaqlarımız geri qayıtmasa, müharibə yolu ilə biz bu məsələni həll edəcəyik. Bütün xarici təzyiqlərə, ittihamlara baxmayaraq Azərbaycan Prezidenti bu haqlı mövqeyindən heç zaman bir addım belə olsun geri çəkilmədi. Bütün beynəlxalq təşkilatlar çalışırdılar ki, Ermənistan ilə hər hansı bir formada bir protokol imzalansın ki, münaqişənin hərbi yolla həlli istisna edilsin. Lakin cənab Prezident İlham Əliyev özünün qətiyyəti və siyasi iradəsi ilə buna yol vermədi. Azərbaycan Ordusu düşmənin təxribatlarına cavab olaraq 27 sentyabr 2020-ci il tarixində Ali Baş Komandanın əmri ilə başladığı və cəmi 44 günə tarixi Qələbə əldə etməklə başa vurduğu Vətən müharibəsinin nəticələri ilə sübut etdi ki, Cənubi Qafqazın ən qüdrətli ordusudur. 44 gün ərzində hər gün Azərbaycan Ordusu irəli gedirdi, hər gün yeni şəhərlər, kəndlər, qəsəbələr, yüksəkliklər azad edilirdi. Azərbaycan əsgəri, Azərbaycan zabiti bir amalla vuruşurdu ki, bu işğala son qoyulsun və tarixi ədalət zəfər çalsın.
Azərbaycanın 2020-ci ilin sentyabr-noyabr aylarında apardığı Vətən mühaibəsi ədalətli müharibə idi və ölkəmiz bu müharibəni haqqlı mövqelərdən aparırdı. 30 il davam edən işğal dövründə gedən proseslər, aparılan danışıqlar bunu göstərdi ki, bu gün beynəlxalq hüquq normaları işləmir, dünyada ikili standartlar siyasəti geniş təcrübə olunur. Bunun ən bariz sübutu BMT Təhlükəsizlik Şurası tərəfindən qəbul olunmuş və erməni silahlı qüvvələrinin torpaqlarımızdan dərhal çıxarılmasını tələb edən dörd qətnamənin icrasının bütün bu illər ərzində təmin olunmamasıdır. Möhtərəm Prezidentimiz cənab İlham Əliyevin də öz çıxışlarında dəfələrlə qeyd etdiyi kimi, beynəlxalq hüquq normaları elə bil kiçik ölkələr, orta səviyyəli, gücü o qədər olmayan ölkələr üçün yazılıb. Böyük ölkələr buna məhəl qoymaya bilərlər. Məhz belə bir vəziyyətdə olmamaq üçün də Azərbaycan öz hərbi qüdrətini bundan sonra daha da artırmalıdır. Çünki müasir dünyada gedən proseslər, tez-tez alovlanan və uzun illər bitməyən hərbi münaqişələr bunu deməyə əsas verir ki, istənilən bir ölkənin suverenliyinin qarantı yalnız bu ölkənin güclü ordusu ola bilər.
Əlbəttə ki, ölkəmizin hərbi qüdrətinin durmadan artması Azərbaycanda həyata keçirilən uğurlu ordu quruculuğu işinin nəticəsidir. Bu strateji xəttin əsası respublikamızda hələ 1969-cu ildə Ulu Öndər Heydər Əliyev tərəfindən qoyulub. Həmin dövrdə Ümummilli Liderin respublika rəhbərliyinə gəlişindən sonra Azərbaycanda hərbi kadrların hazırlanması prosesinə start verildi. Ulu Öndərimizin bu istiqamətdə atdığı ən mühüm, ən vacib addımlardan biri əlbəttə ki, 1971-ci ildə Cəmşid Naxçıvanski adına hərbi liseyin yaradılması oldu. Artıq müstəqillik illərində Azərbaycanda C.Naxçıvanski adına Hərbi Məktəb ordu quruculuğunun əsas bazalarından birinə çevrildi.
Ümummilli Lider Heydər Əliyevin müstəsna xidmətləri sayəsində formalaşan və inkişaf yoluna qədəm qoyan Azərbaycan Silahlı Qüvvələri bu gün Müzəffər Ali Baş Komandan cənab İlham Əliyevin rəhbərliyi ilə öz şərəfli missiyasını uğurla davam etdirir. Dövlət başçımız tərəfindən bu istiqamətdə həyata keçirilən uğurlu siyasət nəticəsində Azərbaycan Ordusu dünyanın ən güclü orduları sırasındadır. 2003-cü ildən bəri keçən dövr ərzində Azərbaycan Ordusunun modernləşdirilməsi, döyüş qabiliyyətinin daha da yüksəldilməsi, maddi-texniki bazanın əhəmiyyətli dərəcədə möhkəmləndirilməsi, eləcə də hərbçilərin maddi-sosial vəziyyətinin yaxşılaşdırılması istiqamətində çox böyük işlər görülüb. Azərbaycan Ordusunun maddi-texniki təchizatının yenilənməsi, müasir infrastrukturun yaradılması, həmçinin müdafiə sənayesinin inkişaf etdirilməsi istiqamətində davamlı olaraq atılan məqsədyönlü addımlar ölkəmizdə həyata keçirilən ordu quruculuğu siyasətinin əsas istiqamətləridir. Bu gün Azərbaycan Ordusu artıq təkcə ölkəmizdə deyil, həmçinin bütün Cənubi Qafqazda sülhün və əmin-amanlığın əsas təminatçısıdır.
Azərbaycan Ordusu 2020-ci ildə döyüş meydanında özünün real gücünü bütün dünyaya nümayiş etdirdi. Müzəffər Ali Baş Komandan cənab İlham Əliyev tərəfindən ötən illər ərzində ölkəmizin müdafiə sisteminin möhkəmləndirilməsi istiqamətində görülən işlər, Silahlı Qüvvələrdə aparılan islahatlar Azərbaycan Ordusunu bu günkü səviyyəyə qaldırdı. Bu gün Şanlı Azərbaycan Ordusu Cənubi Qafqazda sülhün əsas təminatçısı olmaqla xalqımızın əsl qürur mənbəyidir.
David İbramxəlilov,
YAP Qusar rayon təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
