Milli maraqlara xidmət edən siyasət
Tarix: 29-04-2024 | Saat: 10:10
Bölmə:Siyasət | çapa göndər
Aprelin 23-də ADA Universitetində “COP29 və Azərbaycan üçün Yaşıl Baxış” mövzusunda keçiirlən beynəlxalq forum Azərbaycana beynəlxalq baxışın səviyyəsini bir daha sərgiləmiş oldu. Görünən budur ki, ölkəmiz beynəlxalq münasibətlər sistemində mövqeyini daha da möhkəmləndirir. İlk növbədə onu qeyd etmək yerinə düşər ki, uğurlu nəticələrin əsas səbəblərindən biri etimad mühitinin qorunması və inkişaf etdirilməsi olmuşdur.
Dövlət başçısı cənab İlham Əliyev forumdakı çıxışında ilk növbədə bu məqama toxunaraq bildirdi ki, qazandığımız uğurların səbəblərindən biri və birincisi qarşılıqlı etimad mühitinin qorunması və inkişaf etdirilməsidir. Biz heç vaxt Azərbaycan üçün potensial təhlükə yarada biləcək heç bir işə qoşulmamışıq. Hər zaman İran, Rusiya, Gürcüstan və Avropa, həmçinin Türkiyədə qardaşlarımız ilə münasibətlərimizdə ədalətli olmuşuq. Uğurumuzun səbəbi bundadır. Əsas çıxış yolu və üsul ədalətli və səmimi olmaqdır. Qonşularla yaxşı və bəzi hallarda əla münasibətlər qura bilmişik.
Gələcəkdə ölkəmizin Avrasiya İqtisadi İttifaqına üzv olmaq imkanlarına dair sualı cavablandıran ölkə başçısı bildirdi ki, Avrasiya İqtisadi İttifaqının bütün üzvləri ilə Azərbaycanın kifayət qədər geniş ikitərəfli əlaqələri var və bu ölkələri də, onların potensial imkanlarını da yaxşı tanıyırıq: “O ki qaldı, Avrasiya İqtisadi İttifaqı ilə daha sıx əməkdaşlıq planlarına, Azərbaycan özünü təmin edən iqtisadiyyata malikdir və hətta böhran dövründə dayanıqlı artım nümayiş etdirir. Bizim xarici borcumuz olduqca aşağı səviyyədədir və hazırda ÜDM-in 8 faizindən aşağıdır. Biz bu göstərici üzrə aparıcı dövlətlər sırasındayıq. Dayanıqlı, daxili resurslara söykənən və şaxələndirilmiş iqtisadiyyata, Avrasiya İqtisadi İttifaqına üzv dövlətlərlə yaxşı ikitərəfli iqtisadi əlaqələrə malik olmağımız bizə kifayət edir. Əlavə inteqrasiyanın praktiki üstünlüklərini görsək, əlbəttə ki, bunları dəyərləndirəcəyik. Üstün və mənfi cəhətlərini dəyərləndirib düzgün qərar qəbul edəcəyik.”
Forumun başlıca mövzusu olan yaşıl enerjiyə keçidin prioritet məsələ olduğunu bildirən cənab İlham Əliyev COP29-un ölkəmizdə keçirilməsini Azərbaycana olan beynəlxalq ictimaiyyətin böyük hörmət və dəstəyinin təzahürü kimi qiymətləndirərək vurğuladı ki, biz Azərbaycanın COP29-a sədrliyinə həm də ən təxirəsalınmaz məsələlərin həllinə qlobal aləmdə töhfə vermək fürsəti kimi baxırıq.
Müxtəlif beyin mərkəzlərinin nümayəndələrinin suallarını ətraflı şəkildə cavablandıran cənab Prezident bildirdi ki, diqqət mərkəzində olan əsas məsələlərdən biri də Cənubi Qafqaz regionunda vəziyyət, Azərbaycanla Ermənistan arasında münasibətlərin normallaşdırılmasıdır: “Hazırda unikal şans yaranıb. Biz bundan məhrum olmuşduq. SSRİ süqut etdiyi zaman sülh şəraitində öz müstəqil həyatına başlamış Baltik dövlətlərindən fərqli olaraq, bizim bölgədə müharibələr gedirdi. İndi həmin səhifəni çevirmək şansı yaranıb. Biz bunu edirik. Düşünürəm ki, COP29 əla fürsətdir”.
Çoxşaxəli, praqmatik siyasəti, güclü siyasi iradəsi ilə hər bir məsləyə konkret faktlarla münasibət bildirən Prezident İlham Əliyev bir daha göstərdi ki, Azərbaycan öz iqtisadi və gücünə inanır, möhkəm təməllər üzərində duran dövlətimiz müstəqil siyasət yürüdür və siyasətimiz ancaq və ancaq milli maraqlarımıza söykənməkdə davam edəcəkdir.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 29-04-2024 | Saat: 10:10
Bölmə:Siyasət | çapa göndər
Aprelin 23-də ADA Universitetində “COP29 və Azərbaycan üçün Yaşıl Baxış” mövzusunda keçiirlən beynəlxalq forum Azərbaycana beynəlxalq baxışın səviyyəsini bir daha sərgiləmiş oldu. Görünən budur ki, ölkəmiz beynəlxalq münasibətlər sistemində mövqeyini daha da möhkəmləndirir. İlk növbədə onu qeyd etmək yerinə düşər ki, uğurlu nəticələrin əsas səbəblərindən biri etimad mühitinin qorunması və inkişaf etdirilməsi olmuşdur.
Dövlət başçısı cənab İlham Əliyev forumdakı çıxışında ilk növbədə bu məqama toxunaraq bildirdi ki, qazandığımız uğurların səbəblərindən biri və birincisi qarşılıqlı etimad mühitinin qorunması və inkişaf etdirilməsidir. Biz heç vaxt Azərbaycan üçün potensial təhlükə yarada biləcək heç bir işə qoşulmamışıq. Hər zaman İran, Rusiya, Gürcüstan və Avropa, həmçinin Türkiyədə qardaşlarımız ilə münasibətlərimizdə ədalətli olmuşuq. Uğurumuzun səbəbi bundadır. Əsas çıxış yolu və üsul ədalətli və səmimi olmaqdır. Qonşularla yaxşı və bəzi hallarda əla münasibətlər qura bilmişik.
Gələcəkdə ölkəmizin Avrasiya İqtisadi İttifaqına üzv olmaq imkanlarına dair sualı cavablandıran ölkə başçısı bildirdi ki, Avrasiya İqtisadi İttifaqının bütün üzvləri ilə Azərbaycanın kifayət qədər geniş ikitərəfli əlaqələri var və bu ölkələri də, onların potensial imkanlarını da yaxşı tanıyırıq: “O ki qaldı, Avrasiya İqtisadi İttifaqı ilə daha sıx əməkdaşlıq planlarına, Azərbaycan özünü təmin edən iqtisadiyyata malikdir və hətta böhran dövründə dayanıqlı artım nümayiş etdirir. Bizim xarici borcumuz olduqca aşağı səviyyədədir və hazırda ÜDM-in 8 faizindən aşağıdır. Biz bu göstərici üzrə aparıcı dövlətlər sırasındayıq. Dayanıqlı, daxili resurslara söykənən və şaxələndirilmiş iqtisadiyyata, Avrasiya İqtisadi İttifaqına üzv dövlətlərlə yaxşı ikitərəfli iqtisadi əlaqələrə malik olmağımız bizə kifayət edir. Əlavə inteqrasiyanın praktiki üstünlüklərini görsək, əlbəttə ki, bunları dəyərləndirəcəyik. Üstün və mənfi cəhətlərini dəyərləndirib düzgün qərar qəbul edəcəyik.”
Forumun başlıca mövzusu olan yaşıl enerjiyə keçidin prioritet məsələ olduğunu bildirən cənab İlham Əliyev COP29-un ölkəmizdə keçirilməsini Azərbaycana olan beynəlxalq ictimaiyyətin böyük hörmət və dəstəyinin təzahürü kimi qiymətləndirərək vurğuladı ki, biz Azərbaycanın COP29-a sədrliyinə həm də ən təxirəsalınmaz məsələlərin həllinə qlobal aləmdə töhfə vermək fürsəti kimi baxırıq.
Müxtəlif beyin mərkəzlərinin nümayəndələrinin suallarını ətraflı şəkildə cavablandıran cənab Prezident bildirdi ki, diqqət mərkəzində olan əsas məsələlərdən biri də Cənubi Qafqaz regionunda vəziyyət, Azərbaycanla Ermənistan arasında münasibətlərin normallaşdırılmasıdır: “Hazırda unikal şans yaranıb. Biz bundan məhrum olmuşduq. SSRİ süqut etdiyi zaman sülh şəraitində öz müstəqil həyatına başlamış Baltik dövlətlərindən fərqli olaraq, bizim bölgədə müharibələr gedirdi. İndi həmin səhifəni çevirmək şansı yaranıb. Biz bunu edirik. Düşünürəm ki, COP29 əla fürsətdir”.
Çoxşaxəli, praqmatik siyasəti, güclü siyasi iradəsi ilə hər bir məsləyə konkret faktlarla münasibət bildirən Prezident İlham Əliyev bir daha göstərdi ki, Azərbaycan öz iqtisadi və gücünə inanır, möhkəm təməllər üzərində duran dövlətimiz müstəqil siyasət yürüdür və siyasətimiz ancaq və ancaq milli maraqlarımıza söykənməkdə davam edəcəkdir.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
28-11-2024
