Əlaqələr möhkəmlənir
Tarix: 27-03-2024 | Saat: 11:10
Bölmə:Siyasət | çapa göndər
Son illər Azərbaycanın artan iqtisadi imkanları, yerləşdiyi əlverişli coğrafi mövqeyindən maksimum şəkildə səmərəli faydalanmaq bacarığı, beynəlxalq aləmə inteqrasiyası onun qonşuları ilə əlaqələrinə də müsbət təsir göstərib. Azərbaycanla Gürcüstanı təkcə iqtisadi amillər deyil, həm də tarixi köklər birləşdirir. Azərbaycan-Gürcüstan dostluğunun çox qədim tarixi var və bu iki ölkə təkcə qonşu və dost deyil, həm də mühüm strateji tərəfdaşdır. Azərbaycan Gürcüstanda birbaşa investisiya yatıran bir nömrəli ölkədir. Biz Bakı-Tbilisi-Qars kimi iri regional layihələri birlikdə həyata keçiririk.
Bu baxımdan Gürcüstan Respublikasının Baş naziri İrakli Kobaxidze martın 16-da Baş nazir vəzifəsində fəaliyyətə başlayandan sonra ilk xarici səfərini respublikaımıza etməsi diqqətə layiqdir. Yüksək səviyyədə qəbul edilən Baş Nazirlə görüşdən sonra Azərbaycan Respublikasının Prezidenti cənab İlham Əliyev və Baş nazir Kobaxidze mətbuata bəyanatla çıxış ediblər.
Bu səfərin regionun inkişafı üçün mühüm əhəmiyyət daşıdığını qeyd edən ölkəmizin başçısı bəyanatında qeyd edib ki, Gürcüstan və Azərbaycan iki müstəqil dövlət kimi daim bir-birinin yanındadır, bizim dostluğumuz, qardaşlığımız dərin tarixi köklərə əsaslanır. Əsrlər boyu bizim xalqlarımız dostluq və mehriban qonşuluq şəraitində yaşamışlar, dövlətlərarası münasibətlər bu möhkəm zəmin üzərində qurulmuşdur.
Cənab Prezident bildirib ki, hər iki ölkə nəinki region, eləcə də Avrasiya üçün mühüm əhəmiyyət daşıyan ölkələrə çevriliblər. Hər iki ölkə hazırda müstəqil siyasət yürütməklə bərabər, öz iqtisadi inkişafını təmin edən ölkələrdir.
Nəqliyyat sahəsində yaradılan və yaradılacaq yeni infrastruktur bir çox ölkələr üçün əvəzolunmaz imkanlar açacağını qeyd edən cənab İlham Əliyev Bakı-Tbilisi-Qars dəmir yolunun tezliklə genişləndirilmiş formada fəaliyyətə başlayacağını və bu dəmir yolunun ötürmə qabiliyyətinin 1 milyon tondan 5 milyon tona çatdırılacağını bildirmişdir.
Azərbaycan, Gürcüstan və Türkiyənnin Cənub Qaz Dəhlizi layihəsinin həyata keçirilməsində oynadığı rolu xüsusi qiymətləndirən ölkə başçısı bildirmişdir ki, Azərbaycan qazı Gürcüstan vasitəsilə bir neçə ölkəyə ixrac edilir. Ümumiyyətlə, Azərbaycan qazını alan ölkələrin sayı 8-ə çatıb və bu, son deyil. Yaxın gələcəkdə bu ölkələrin sayı artacaq və Azərbaycanın enerji resurslarına olan tələbatı ildən-ilə artır və artacaq.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 27-03-2024 | Saat: 11:10
Bölmə:Siyasət | çapa göndər
Son illər Azərbaycanın artan iqtisadi imkanları, yerləşdiyi əlverişli coğrafi mövqeyindən maksimum şəkildə səmərəli faydalanmaq bacarığı, beynəlxalq aləmə inteqrasiyası onun qonşuları ilə əlaqələrinə də müsbət təsir göstərib. Azərbaycanla Gürcüstanı təkcə iqtisadi amillər deyil, həm də tarixi köklər birləşdirir. Azərbaycan-Gürcüstan dostluğunun çox qədim tarixi var və bu iki ölkə təkcə qonşu və dost deyil, həm də mühüm strateji tərəfdaşdır. Azərbaycan Gürcüstanda birbaşa investisiya yatıran bir nömrəli ölkədir. Biz Bakı-Tbilisi-Qars kimi iri regional layihələri birlikdə həyata keçiririk.
Bu baxımdan Gürcüstan Respublikasının Baş naziri İrakli Kobaxidze martın 16-da Baş nazir vəzifəsində fəaliyyətə başlayandan sonra ilk xarici səfərini respublikaımıza etməsi diqqətə layiqdir. Yüksək səviyyədə qəbul edilən Baş Nazirlə görüşdən sonra Azərbaycan Respublikasının Prezidenti cənab İlham Əliyev və Baş nazir Kobaxidze mətbuata bəyanatla çıxış ediblər.
Bu səfərin regionun inkişafı üçün mühüm əhəmiyyət daşıdığını qeyd edən ölkəmizin başçısı bəyanatında qeyd edib ki, Gürcüstan və Azərbaycan iki müstəqil dövlət kimi daim bir-birinin yanındadır, bizim dostluğumuz, qardaşlığımız dərin tarixi köklərə əsaslanır. Əsrlər boyu bizim xalqlarımız dostluq və mehriban qonşuluq şəraitində yaşamışlar, dövlətlərarası münasibətlər bu möhkəm zəmin üzərində qurulmuşdur.
Cənab Prezident bildirib ki, hər iki ölkə nəinki region, eləcə də Avrasiya üçün mühüm əhəmiyyət daşıyan ölkələrə çevriliblər. Hər iki ölkə hazırda müstəqil siyasət yürütməklə bərabər, öz iqtisadi inkişafını təmin edən ölkələrdir.
Nəqliyyat sahəsində yaradılan və yaradılacaq yeni infrastruktur bir çox ölkələr üçün əvəzolunmaz imkanlar açacağını qeyd edən cənab İlham Əliyev Bakı-Tbilisi-Qars dəmir yolunun tezliklə genişləndirilmiş formada fəaliyyətə başlayacağını və bu dəmir yolunun ötürmə qabiliyyətinin 1 milyon tondan 5 milyon tona çatdırılacağını bildirmişdir.
Azərbaycan, Gürcüstan və Türkiyənnin Cənub Qaz Dəhlizi layihəsinin həyata keçirilməsində oynadığı rolu xüsusi qiymətləndirən ölkə başçısı bildirmişdir ki, Azərbaycan qazı Gürcüstan vasitəsilə bir neçə ölkəyə ixrac edilir. Ümumiyyətlə, Azərbaycan qazını alan ölkələrin sayı 8-ə çatıb və bu, son deyil. Yaxın gələcəkdə bu ölkələrin sayı artacaq və Azərbaycanın enerji resurslarına olan tələbatı ildən-ilə artır və artacaq.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
jpeg-1732801537.jpeg)
