Mübarizəmizin məqsədi sülhdür
Tarix: 03-10-2023 | Saat: 11:48
Bölmə:Siyasət / Özəl | çapa göndər
İşğaldan azad olunmuş torpaqlarımızda həyat yenidən dirçəlir, yeni layihələr həyata keçirilir, kəndlərin və şəhərlərin təməli qoyulur. Artıq Böyük Qayıdış Proqramı sürətlə həyata keçirilir. Əhali məskunlaşmasının yeni formalarının tətbiqi, “ağıllı” kənd, “ağıllı” şəhər layihələrinin həyata keçirilməsi doğma Qarabağımızın gözəl gələcəyindən xəbər verir.
Sentyabrın 29-da BMT-nin Məskunlaşma Proqramının (UN-HABITAT) və Azərbaycan Respublikasının Dövlət Şəhərsalma və Arxitektura Komitəsinin əməkdaşlığı ilə keçirilən “Şəhərsalma Həftəsi 2023” tədbirləri çərçivəsində Zəngilanda “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Azərbaycan Milli Şəhərsalma Forumunun açılış mərasimi keçirilib.
Azərbaycan Respublikasının Prezidenti İlham Əliyev Forumun açılış mərasimində iştirak və çıxış edib. Cənab Prezident qeyd edib ki, tədbirə 53-ə yaxın xarici qonaq və ümumilikdə 400 iştirakçı qatılmışdır. Ölkə başçısı bu tədbiri dostluğun təzahürü və işğal dövründə dağıdılmış ərazilərin yenidən inşası sahəsində birgə maraqların nümunəsi adlandırmışdır.
I Forumun 2022-ci ildə Ağdamda keçirildiyini qeyd edən cənab Prezident bildirmişdir ki, Ağdam da sıfırdan inşa edilir, çünki bu şəhər işğal dövründə tamamilə darmadağın edilmişdir. Bu tədbirin Zəngilanda keçirilməsinin önəmli olduğunu bildirən dövlətimizin başçısı deyib: “Zəngilan azad olunmuş ərazilərin ilk bölgəsidir ki, artıq burada keçmiş məcburi köçkünlər evlərinə qayıdıb. Ağalı “ağıllı kəndi”nə, - burada videoda da siz onu gördünüz, - ötən bahar aylarında həyat qayıdıb. Orada sakinlər xoşbəxt yaşayırlar. Mən Ağalı kəndində dəfələrlə olmuşam - sakinlərin qayıdışından əvvəl və sonra. Mən onun şahidi oldum ki, oraya qayıdan insanlar öz köklərinə nə dərəcədə bağlıdırlar. Heç zaman öz vətənini görməyən gənc nəsil qayıdıb. Bu, onu nümayiş etdirir ki, Azərbaycan xalqı öz köklərinə necə dərindən bağlıdır. Bütün keçmiş məcburi köçkünlər səbirsizliklə gözləyirdilər ki, bizim torpaqlar azad edilsin və onlar qayıtmaq imkanına malik olsunlar. Onlar bu imkandan 30 il ərzində Ermənistan tərəfindən məhrum edilmişdi. Ancaq üç il əvvəl biz bu işğala son qoyduq.”
Zəngilanın mühüm nəqliyyat qovşağı olduğunu diqqətə çatdıran ölkə başçısı Zəngilan Beynəlxalq Hava Limanının inşasının da bu bölgənin inkişafı baxımından mühüm faktor olduğunu qeyd edərək bildirmişdir: “Zəngilan Beynəlxalq Hava Limanı azad olunmuş ərazilərdə inşa edilmiş ikinci hava limanıdır. Üçüncüsü isə hazırda Laçında inşa edilir və iki il ərzində o hava limanı da istifadəyə veriləcək.
Eyni zamanda, biz sovet dövründə mövcud olan dəmir yolu xəttini bərpa edirik. Çünki işğal dövründə həmin dəmir yolları Ermənistan qüvvələri tərəfindən sökülüb. Bu gün Horadizdən Zəngilana çəkilən dəmir yolunun inşası fəal fazadadır və tezliklə bu nəqliyyat dəhlizinin bu mühüm hissəsi hazır olacaq. Bu, Azərbaycanın əsas ərazisini Naxçıvan Muxtar Respublikası ilə birləşdirəcək layihədir. Oradan isə həmin dəmir yolu İran və Türkiyəyə keçəcək və nəhayət Avropaya çatacaq. Tezliklə biz bu layihəni istifadəyə verəcəyik. Yəni, Zəngilan çox vacib nəqliyyat mərkəzi olacaq. Dəmir yolu xətləri, hava limanı - bu gün bu istiqamətdə altı və dörd zolaqlı avtomagistrallar inşa edilir. Paytaxt Bakıdan bütün bu istiqamətlərdə 2000 kilometrdən çox yeni magistral yollar inşa olunur. Yəni bu, irihəcmli tikinti layihələridir və azad olunmuş hər bir rayon xüsusi Baş plana malikdir.”
Ölkəmizin başçısı xüsusi olaraq vurğulamışdır ki, çox böyük maliyyə vəsaitləri tələb edən bu layihələr Azərbaycan tərəfindən həyata keçirilir və biz bütün çətinliklərin öhdəsindən gəlmək əzmindəyik. İkinci Qarabağ müharibəsi başa çatdıqdan sonra bu günədək bərpa işlərinə Azərbaycan büdcəsindən 7 milyard ABŞ dolları həcmində vəsait sərf edilib. Növbəti il üçün planlaşdırdığımız minimum büdcə 2,4 milyard ABŞ dolları olacaqdır. Çünki Azərbaycan dövlətinin bir nömrəli vəzifəsi 30 il ərzində yurdundan, yuvasından ayrı düşmüş, məhrumiyyətlər içərisində yaşamış insanların tez bir zamanada doğma el-obalarına qaytarılmasıdır.
Antiterror əməliyyatına toxunan cənab İlham Əliyev ermənilərin yalan və nağıllarını bir daha ifşa edərək bildirmişdir: “Antiterror tədbiri 24 saatdan az müddətdə həyata keçirildi. Bunun nəticəsi nə oldu? Biz davam etdikmi? Xeyr! Bizim belə bir niyyətimiz yox idi. Biz nəticədə harada istəsəydik orada dayanacaqdıq. Bunu demək o qədər də çətin deyil. Ancaq bizim niyyətimiz bundan ibarət deyildi. Biz Ermənistanın ərazi bütövlüyünü tanımışıq, bunu bəyan etmişik və bunu səmimi deyirik. Yəni, bizim başqa niyyətlərimiz olsaydı, əməliyyat sentyabrın 20-də dayanmazdı. Mən bunu hər kəsin bilməsini istəyirəm. Bunu Ermənistan hakimiyyəti də bilsin, onun arxasında duran himayədarları da bilsin, bu gün Azərbaycana qarşı qəbuledilməz planlar cızan tərəflərə buradan mesaj verirəm: Bizim səbrimizlə oynamasınlar. Biz səbirliyik, ancaq qətiyyətliyik. Biz haqlı olduğumuzu sübut edə bilirik və edirik. Ona görə yox ki, bizim gücümüz var, çünki haqq-ədalət bizim tərəfimizdədir.”
Bəli, haqq-ədalət yanımızda olduğundan, öz torpaqlarımız uğrunda mübarizə apardığımızdan kimsənin bizim haqq mübarizəmizə kölgə salmağa ixtiyarı yoxdur. Bu bizim xalqımızın və müdrik rəhbərimizin qətiyyəti sayəsində mümkün olmuşdur.
Regionumuzda sülh, əmin-amanlıq naminə mübarizəmiz davam edir və buna nail olacağıq.
Natiq Quluzadə,
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 03-10-2023 | Saat: 11:48
Bölmə:Siyasət / Özəl | çapa göndər
İşğaldan azad olunmuş torpaqlarımızda həyat yenidən dirçəlir, yeni layihələr həyata keçirilir, kəndlərin və şəhərlərin təməli qoyulur. Artıq Böyük Qayıdış Proqramı sürətlə həyata keçirilir. Əhali məskunlaşmasının yeni formalarının tətbiqi, “ağıllı” kənd, “ağıllı” şəhər layihələrinin həyata keçirilməsi doğma Qarabağımızın gözəl gələcəyindən xəbər verir.
Sentyabrın 29-da BMT-nin Məskunlaşma Proqramının (UN-HABITAT) və Azərbaycan Respublikasının Dövlət Şəhərsalma və Arxitektura Komitəsinin əməkdaşlığı ilə keçirilən “Şəhərsalma Həftəsi 2023” tədbirləri çərçivəsində Zəngilanda “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Azərbaycan Milli Şəhərsalma Forumunun açılış mərasimi keçirilib.
Azərbaycan Respublikasının Prezidenti İlham Əliyev Forumun açılış mərasimində iştirak və çıxış edib. Cənab Prezident qeyd edib ki, tədbirə 53-ə yaxın xarici qonaq və ümumilikdə 400 iştirakçı qatılmışdır. Ölkə başçısı bu tədbiri dostluğun təzahürü və işğal dövründə dağıdılmış ərazilərin yenidən inşası sahəsində birgə maraqların nümunəsi adlandırmışdır.
I Forumun 2022-ci ildə Ağdamda keçirildiyini qeyd edən cənab Prezident bildirmişdir ki, Ağdam da sıfırdan inşa edilir, çünki bu şəhər işğal dövründə tamamilə darmadağın edilmişdir. Bu tədbirin Zəngilanda keçirilməsinin önəmli olduğunu bildirən dövlətimizin başçısı deyib: “Zəngilan azad olunmuş ərazilərin ilk bölgəsidir ki, artıq burada keçmiş məcburi köçkünlər evlərinə qayıdıb. Ağalı “ağıllı kəndi”nə, - burada videoda da siz onu gördünüz, - ötən bahar aylarında həyat qayıdıb. Orada sakinlər xoşbəxt yaşayırlar. Mən Ağalı kəndində dəfələrlə olmuşam - sakinlərin qayıdışından əvvəl və sonra. Mən onun şahidi oldum ki, oraya qayıdan insanlar öz köklərinə nə dərəcədə bağlıdırlar. Heç zaman öz vətənini görməyən gənc nəsil qayıdıb. Bu, onu nümayiş etdirir ki, Azərbaycan xalqı öz köklərinə necə dərindən bağlıdır. Bütün keçmiş məcburi köçkünlər səbirsizliklə gözləyirdilər ki, bizim torpaqlar azad edilsin və onlar qayıtmaq imkanına malik olsunlar. Onlar bu imkandan 30 il ərzində Ermənistan tərəfindən məhrum edilmişdi. Ancaq üç il əvvəl biz bu işğala son qoyduq.”
Zəngilanın mühüm nəqliyyat qovşağı olduğunu diqqətə çatdıran ölkə başçısı Zəngilan Beynəlxalq Hava Limanının inşasının da bu bölgənin inkişafı baxımından mühüm faktor olduğunu qeyd edərək bildirmişdir: “Zəngilan Beynəlxalq Hava Limanı azad olunmuş ərazilərdə inşa edilmiş ikinci hava limanıdır. Üçüncüsü isə hazırda Laçında inşa edilir və iki il ərzində o hava limanı da istifadəyə veriləcək.
Eyni zamanda, biz sovet dövründə mövcud olan dəmir yolu xəttini bərpa edirik. Çünki işğal dövründə həmin dəmir yolları Ermənistan qüvvələri tərəfindən sökülüb. Bu gün Horadizdən Zəngilana çəkilən dəmir yolunun inşası fəal fazadadır və tezliklə bu nəqliyyat dəhlizinin bu mühüm hissəsi hazır olacaq. Bu, Azərbaycanın əsas ərazisini Naxçıvan Muxtar Respublikası ilə birləşdirəcək layihədir. Oradan isə həmin dəmir yolu İran və Türkiyəyə keçəcək və nəhayət Avropaya çatacaq. Tezliklə biz bu layihəni istifadəyə verəcəyik. Yəni, Zəngilan çox vacib nəqliyyat mərkəzi olacaq. Dəmir yolu xətləri, hava limanı - bu gün bu istiqamətdə altı və dörd zolaqlı avtomagistrallar inşa edilir. Paytaxt Bakıdan bütün bu istiqamətlərdə 2000 kilometrdən çox yeni magistral yollar inşa olunur. Yəni bu, irihəcmli tikinti layihələridir və azad olunmuş hər bir rayon xüsusi Baş plana malikdir.”
Ölkəmizin başçısı xüsusi olaraq vurğulamışdır ki, çox böyük maliyyə vəsaitləri tələb edən bu layihələr Azərbaycan tərəfindən həyata keçirilir və biz bütün çətinliklərin öhdəsindən gəlmək əzmindəyik. İkinci Qarabağ müharibəsi başa çatdıqdan sonra bu günədək bərpa işlərinə Azərbaycan büdcəsindən 7 milyard ABŞ dolları həcmində vəsait sərf edilib. Növbəti il üçün planlaşdırdığımız minimum büdcə 2,4 milyard ABŞ dolları olacaqdır. Çünki Azərbaycan dövlətinin bir nömrəli vəzifəsi 30 il ərzində yurdundan, yuvasından ayrı düşmüş, məhrumiyyətlər içərisində yaşamış insanların tez bir zamanada doğma el-obalarına qaytarılmasıdır.
Antiterror əməliyyatına toxunan cənab İlham Əliyev ermənilərin yalan və nağıllarını bir daha ifşa edərək bildirmişdir: “Antiterror tədbiri 24 saatdan az müddətdə həyata keçirildi. Bunun nəticəsi nə oldu? Biz davam etdikmi? Xeyr! Bizim belə bir niyyətimiz yox idi. Biz nəticədə harada istəsəydik orada dayanacaqdıq. Bunu demək o qədər də çətin deyil. Ancaq bizim niyyətimiz bundan ibarət deyildi. Biz Ermənistanın ərazi bütövlüyünü tanımışıq, bunu bəyan etmişik və bunu səmimi deyirik. Yəni, bizim başqa niyyətlərimiz olsaydı, əməliyyat sentyabrın 20-də dayanmazdı. Mən bunu hər kəsin bilməsini istəyirəm. Bunu Ermənistan hakimiyyəti də bilsin, onun arxasında duran himayədarları da bilsin, bu gün Azərbaycana qarşı qəbuledilməz planlar cızan tərəflərə buradan mesaj verirəm: Bizim səbrimizlə oynamasınlar. Biz səbirliyik, ancaq qətiyyətliyik. Biz haqlı olduğumuzu sübut edə bilirik və edirik. Ona görə yox ki, bizim gücümüz var, çünki haqq-ədalət bizim tərəfimizdədir.”
Bəli, haqq-ədalət yanımızda olduğundan, öz torpaqlarımız uğrunda mübarizə apardığımızdan kimsənin bizim haqq mübarizəmizə kölgə salmağa ixtiyarı yoxdur. Bu bizim xalqımızın və müdrik rəhbərimizin qətiyyəti sayəsində mümkün olmuşdur.
Regionumuzda sülh, əmin-amanlıq naminə mübarizəmiz davam edir və buna nail olacağıq.
Natiq Quluzadə,
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
18-05-2024
17-05-2024
