"6 min manat rüşvət verdim" - Səlim Müslümovun məhkəməsi
Tarix: 31-10-2022 | Saat: 18:00
Bölmə:Karusel / Gündəm | çapa göndər
Bakı Ağır Cinayətlər Məhkəməsində sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə araşdırması davam etdirilib.
aia.az xəbər verir ki, bu gün hakim Faiq Qəniyevin sədrliyi ilə keçirilən iclasda daha bir neçə şahid ifadələri dinlənilib.
Şahid Əhməd Bağırov "Ellada" MMC-nin rəhbəri olub. Ə.Bağırovun sözlərinə görə, Əmək və Əhalinin Sosial Müdafiəsi Nazirliyinin sifarişi ilə Zaqatalada 2 ev tikib. Hər evin tikintisi üçün isə nazirliyin tikilməkdə olan obyektlərinin rəhbəri Natiq Əzizova 6 min manat rüşvət verib.
Şahid Şahlar Məmmədov da şirkət rəhbəri olduğunu, 2014-cü ildə Ağdaşda 2 ev tikdiyini deyib: "Mən iş götürməyə peşman oldum. Özümdən pul qoyub tikdim ki, sonra hesaba köçürüləcək. Amma indiki vaxta qədər pulumu ala bilmirəm. O evləri tikəndən sonra bankrot oldum. Maliyyə Nazirliyi gəldi yoxlama keçirdi, 31 min manat ziyan müəyyənləşdirdi".
Digər şahid Barat Məmmədov deyib ki, tanışı Elman Səfərov "Prometey" MMC-ni onun adına rəsmiləşdirilib, onun isə heç nədən xəbəri olmayıb: "Mən fəhlə işləyib maaşımı almışam. Bu şirkətdə heç səlahiyyətim olmayıb. Sadəcə, lazım olanda sənədlər gətirirdilər, mən də qol çəkirdim".
Proses noyabrın 5-də davam etdiriləcək.
Xatırladaq ki, Səlim Müslümov 2021-ci ildə Dövlət Təhlükəsizliyi Xidməti (DTX) tərəfindən həbs olunub.
Cinayət Məcəlləsinin 179.4 ( xüsusilə külli miqdarda ziyan vurmaqla mənimsəmə və israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü (təkrar külli miqdarda rüşvət alma) maddələri ilə ittiham olunan sabiq nazir 13 ay həbsdə qaldıqdan sonra səhhətində yaranan problemlə bağlı ev dustaqlığına buraxılıb.
Səlim Müslümov cinayət işi ilə bağlı dövlətə dəymiş 27 milyon manatın 20 milyonunu ödəyib. Onun 8 milyon manatlıq əmlakı üzərinə həbs qoyulub.
aia.az
Məlumatlanmaq üçün Facebook səhifəmizi
Digər xəbərlər
Tarix: 31-10-2022 | Saat: 18:00
Bölmə:Karusel / Gündəm | çapa göndər
Bakı Ağır Cinayətlər Məhkəməsində sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə araşdırması davam etdirilib.
aia.az xəbər verir ki, bu gün hakim Faiq Qəniyevin sədrliyi ilə keçirilən iclasda daha bir neçə şahid ifadələri dinlənilib.
Şahid Əhməd Bağırov "Ellada" MMC-nin rəhbəri olub. Ə.Bağırovun sözlərinə görə, Əmək və Əhalinin Sosial Müdafiəsi Nazirliyinin sifarişi ilə Zaqatalada 2 ev tikib. Hər evin tikintisi üçün isə nazirliyin tikilməkdə olan obyektlərinin rəhbəri Natiq Əzizova 6 min manat rüşvət verib.
Şahid Şahlar Məmmədov da şirkət rəhbəri olduğunu, 2014-cü ildə Ağdaşda 2 ev tikdiyini deyib: "Mən iş götürməyə peşman oldum. Özümdən pul qoyub tikdim ki, sonra hesaba köçürüləcək. Amma indiki vaxta qədər pulumu ala bilmirəm. O evləri tikəndən sonra bankrot oldum. Maliyyə Nazirliyi gəldi yoxlama keçirdi, 31 min manat ziyan müəyyənləşdirdi".
Digər şahid Barat Məmmədov deyib ki, tanışı Elman Səfərov "Prometey" MMC-ni onun adına rəsmiləşdirilib, onun isə heç nədən xəbəri olmayıb: "Mən fəhlə işləyib maaşımı almışam. Bu şirkətdə heç səlahiyyətim olmayıb. Sadəcə, lazım olanda sənədlər gətirirdilər, mən də qol çəkirdim".
Proses noyabrın 5-də davam etdiriləcək.
Xatırladaq ki, Səlim Müslümov 2021-ci ildə Dövlət Təhlükəsizliyi Xidməti (DTX) tərəfindən həbs olunub.
Cinayət Məcəlləsinin 179.4 ( xüsusilə külli miqdarda ziyan vurmaqla mənimsəmə və israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü (təkrar külli miqdarda rüşvət alma) maddələri ilə ittiham olunan sabiq nazir 13 ay həbsdə qaldıqdan sonra səhhətində yaranan problemlə bağlı ev dustaqlığına buraxılıb.
Səlim Müslümov cinayət işi ilə bağlı dövlətə dəymiş 27 milyon manatın 20 milyonunu ödəyib. Onun 8 milyon manatlıq əmlakı üzərinə həbs qoyulub.
aia.az
Məlumatlanmaq üçün Facebook səhifəmizi
Xəbəri paylaş
Digər xəbərlər
22-01-2025
