Mobil versiya
Ölkə Prezidentinin şəhidlərimizə yüksək ehtiramı onların valideyinlərinə və ailələrinə böyük təsəlli və mənəvi dəstəkdir
Tarix: 29-09-2022 | Saat: 17:08
Bölmə:Cəmiyyət | çapa göndər

Ölkə Prezidentinin şəhidlərimizə yüksək ehtiramı onların valideyinlərinə və ailələrinə böyük təsəlli və mənəvi dəstəkdir

Heç bir müharibə itkisiz olmur. Azərbaycanın 2020-ci ilin sentyabr-noyabr aylarında apardığı Vətən müharibəsində əldə olunmuş tarixi Qələbə də bizə üç minə yaxın şəhidimizin qanı-canı bahasına başa gəldi. Nəzərə almaq lazımdır ki, Ali Baş Komandan cənab İlham Əliyevin rəhbəliyi ilə döyüş əməliyyatı planlarının yüksək peşəkarlıqla hazırlanması, yüksək texnologiyaların tətbiqi, müxtəlif qoşun növlərinin fəaliyyətinin səmərəli əlaqələndirilməsi, havada mütləq üstünlüyün əldə edilməsi, ordumuzun manevr qabiliyyəti, digər taktiki və strateji üstünlükləri şəxsi heyətin sıralarında itkilərimizi əsaslı dərəcədə azaltmışdı.

Azərbaycanda bütün şəhidlərimizin xatirəsi daim əziz tutulur. Məhz ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq Prezident İlham Əliyevin imzaladığı 02 dekabr 2020-ci il tarixli Sərəncamla 27 sentyabr Azərbaycan Respublikasında hər il Anım Günü kimi qeyd olunur. Bu Sərəncam şəhid ruhlarına, şəhidlərin doğmalarına ölkəmizdə göstərilən ali ehtiramın ən bariz təzahürüdür. Bu il isə sentyabrın 27-də Azərbaycan Respublikasının Prezidenti cənab İlham Əliyev və birinci xanım Mehriban Əliyeva Füzuli rayonuna səfər edərək bu rayonun Qaraxanbəyli kəndi yaxınlığında, Azərbaycan Ordusunun Vətən müharibəsində ilk qələbələrini qazandığı və ilk itkilərini verdiyi ərazidə Şəhidlərimizin əziz xatirəsini dərin ehtiramla yad etmişlər. Dövlətimizin başçısı və birinci xanım Anım Gününə həsr olunmuş xatirə lövhəsinin önünə gül dəstələri qoymuşlar. Möhtərəm Prezidentimizin və birinci xanımın şəhidlərimizə yüksək ehtiramı Vətənimizin müdafiəsi uğrunda canını qurban verənlərin valideyinlərinə, yaxınlarına, əzizlərinə təsəlli və mənəvi dəstəkdir. Dövlətimizin başçısı daim bildirib ki, şəhidlərimiz, ərazi bütövlüyümüz uğrunda sağlamlıqlarını itirənlər heç vaxt unudulmayacaq. Dövlətimiz hər zaman onların yanında olacaq və qayğısına qalacaq.

Qaraxanbəyli kəndi yaxınlığında Şəhidlərimizin şərəfinə ucaldılmış abidənin önündə çıxış edən cənab Prezident İlham Əliyev bildirmişdir ki, 44 günlük Vətən müharibəsi şanlı tariximizdir və biz bu tarixi öz qanları ilə yazmış şəhidlərimizlə fəxr edirik. Məhz bu qan bahasına biz doğma torpaqlarımızı düşməndən azad etdik, ölkəmizin ərazi bütövlüyünü bərpa etdik. Qəhrəman əsgər və zabitlərimizin fədakarlığı, qəhrəmanlığı sayəsində bu gün biz azad edilmiş torpaqlarda qurub-yaradırıq, şəhərlərimizi, kəndlərimizi bərpa edirik və həm də şanlı Zəfərimizlə fəxr edirik. Eyni zamanda, fəxr edirik ki, biz - bu torpaqların sahibləri bu torpaqlara yenidən həyatı qaytarırıq. Ulu Öndər Heydər Əliyev demişdir: “Mən fəxr edirəm ki, mən azərbaycanlıyam.” Bu gün isə hər bir azərbaycanlı fəxr edir ki, bu torpağın övladıdır. Cənab Prezident İlham Əliyevin dediyi kimi, biz fəxr edirik ki, döyüş meydanında öz haqqımızı bərpa etdik, düşməni məğlub etdik və bundan sonra biz müzəffər xalq kimi, qalib ölkə kimi əbədi yaşayacağıq.

Qeyd edək ki, Azərbaycanın ərazi bütövlüyü uğrunda canlarını qurban vermiş Vətən müharibəsinin qəhrəman şəhidlərinin əziz xatirəsi ölkəmizin hər yerində, məscidlərdə, kilsələrdə, sinaqoqlarda da hər il dərin ehtiramla yad edilir. Bütün bunlar şəhidlərimizə dərin minnətdarlıq, hörmət, sevgi və ehtiramın nümunəsidir. Şəhidlərimizin qanı nahaq yerə tökülmədi. Azərbaycan ədaləti və beynəlxalq hüqququ bərpa etdi, tarixi Qələbə qazandı. Biz bu Zəfərin nəyin bahasına qazanıldığını heç zaman unutmamalıyıq!

Rüstəm Nağıyev,
YAP Gədəbəy rayon təşkilatının sədri




Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
19-03-2024