Azərbaycan bu regionda dayanıqlı sülh və təhlükəsizliyi təmin etmək niyyətindədir
Tarix: 20-09-2022 | Saat: 15:48
Bölmə:Siyasət | çapa göndər
Sentyabrın 16-da Özbəkistanın sədrlik etdiyi Şanxay Əməkdaşlıq Təşkilatına üzv ölkələrin Səmərqənddə Sammiti keçirilib. Dövlət başçısı İlham Əliyev Özbəkistan Prezidenti Şavkat Mirziyoyevin dəvəti ilə Şanxay Əməkdaşlıq Təşkilatına üzv ölkələrin Sammitinə fəxri qonaq kimi qatılaraq, bu tribunadan Azərbaycan reallıqlarını beynəlxalq ictimaiyyətin diqqətinə çatdırdı. Prezident İlham Əliyev təşkilatın Səmərqənd Sammitində hazırkı dövrün əsas çağırışlarını, vacib mesajları səsləndirərək Azərbaycanın yeni dövrün tələbləri ilə bağlı mövqeyini açıqladı.
Şanxay Əməkdaşlıq Təşkilatı 2001-ci ildə Qazaxıstan, Çin, Qırğızıstan, Rusiya, Özbəkistan və Tacikistan tərəfindən Şanxayda təsis olunub. Hazırda Pakistan və Hindistan da bu təşkilatın üzvülüyünə qatılıblar. Əfqanıstan, İran, Monqolustan, Belarus dövlətləri təşkilatın müşahidəçi üzvüləri və Azərbaycan, Türkiyə, Şri-Lanka, Kamboca, Nepal, Ermənistan, Misir, Qətər, Səudiyyə Ərəbistanı isə təşkilatın dialoq tərəfdaşıdır. Şanxay Əməkdaşlıq Təşkilatının əsas məqsədləri üzv dövlətlər arasında qarşılıqlı etimad və qonşuluq münasibətlərinin gücləndirilməsi, regionda sülh, təhlükəsizlik və sabitliyin əldə edilməsi üçün birgə səylərin göstərilməsi, siyasət, ticarət, iqtisadiyyat və digər sahələrdə effektiv əməkdaşlığın inkişaf etdirilməsi, yeni siyasi və iqtisadi beynəlxalq düzənin yaradılması üçün addımların atılmasından ibarətdir.
Sammitdə çıxış edən Prezident İlham Əliyev Azərbaycanın regional kommunikasiya layihələri, tranzit və nəqliyyat-logistika imkanları ilə bağlı geniş məlumat verərək Azərbaycanın Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin birbaşa Şanxay Əməkdaşlıq Təşkilatı ölkələri üçün böyük iqtisadi əhəmiyyət kəsb etdiyini vurğulayıb. Hazırda Bakı Beynəlxalq Dəniz Ticarət Limanı ildə 15 milyon ton yükaşırma qabiliyyətinə malik olmasını və ildə 25 milyon tona qədər artırıla biləcəyini, bu ilin ilk 7 ayında Azərbaycan ərazisindən keçən tranzitin 50 faizə yaxın artdığını qeyd edib.
2020-ci ilin sonunda Qarabağ münaqişəsinin həlli regionumuzda nəqliyyat-kommunikasiya layihələrinin inkişafı üçün yeni imkanlar yaratdığını vurğulayan Prezident İlham Əliyev Zəngəzur dəhlizi açıldıqdan sonra da bunun, region ölkələrinin nəqliyyat imkanlarını daha da artıracağını və marşrut boyu yerləşən bütün ölkələr üçün faydalı olacağını Sammit iştirakçılarının diqqətinə çatdırıb.
Azərbaycan xalqı həmişə əmin-amanlığın, sülhün tərəfdarı olub. 2020-ci ilin payızında 44 günlük Vətən müharibəsini tarixi Zəfərlə başa vuran Azərbaycan öz torpaqlarını işğaldan azad etdi və bununla da tarixi ədalət bərpa olundu. İndi isə Azərbaycan bu regionda dayanıqlı sülh və təhlükəsizliyi təmin etmək niyyətindədir. Lakin Ermənistanın sentyabrın 13-də, təmas xəttində geniş miqyaslı təxribatlara əl atması sülh danışıqları prosesinə güclü zərbə vurdu. Azərbaycana hərbdən başqa yol qoymadı. Prezident İlham Əliyev sammitdəki çıxışında bəzi aparıcı beynəlxalq təşkilatların səmərəsizliyinin narahatlıq doğurduğunu da qeyd etdi. Bununla əlaqədar 1993-cü ildə BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən çıxarılmasını tələb edən dörd qətnaməsini vurğulayaraq, Təhlükəsizlik Şurasının bəzi qətnamələrinin bir neçə gün ərzində yerinə yetirildiyi halda, Azərbaycandakı vəziyyətlə bağlı qəbul olunmuş qətnamələrin 27 il ərzində icra olunmamasını diqqətə çatdırdı. Azərbaycan Qarabağ münaqişəsini özü hərbi-siyasi yolla həll edib və Təhlükəsizlik Şurasının yuxarıda qeyd olunan qətnamələrinin icrasını təmin etdi. Azərbaycan Prezidenti öz çıxışında Azərbaycanın öz fəaliyyətini beynəlxalq hüquqa, ədalətə və qlobal təhlükəsizliyə əsaslanaraq həyata keçirməkdə davam edəcəyini bir daha bəyan etdi .Sammitin yekununda qəbul edilən Bəyannamədə regional sabitliyin, təhlükəsizliyin və davamlı iqtisadi inkişafın təmin edilməsi, nəqliyyat əlaqələrinin gücləndirilməsi kimi məsələlər öz əksini tapıb. Azərbaycanın dünyaya nümunə olan inkişaf modeli ölkəmizin qlobal məsələlərin həllinə öz töhfələrini verməsində əhəmiyyətli rol oynayır.
Prezident İlham Əliyev Türkiyə Prezidenti Rəcəb Tayyib Ərdoğan, Çin Xalq Respublikasının Sədri Si Cinpin, Pakistan İslam Respublikasının Baş naziri Şahbaz Şərif və Rusiya Prezidenti Vladimir Putin ilə görüşdü. Şanxay Əməkdaşlıq Təşkilatına üzv dövlətləri ilə iqtisadi, siyasi və humanitar sahədə əlaqələrin hazırkı səviyyəsi və perspektivləri geniş müzakirə edildi. Bir daha qeyd olundu ki, münasibətlərin yeni istiqamətlər üzrə inkişafı üçün geniş imkanlar mövcuddur.
YAP Samux rayon təşkilatının sədri Gündüz Bayramov.
Məlumatlanmaq üçün Facebook səhifəmizi
Digər xəbərlər
Tarix: 20-09-2022 | Saat: 15:48
Bölmə:Siyasət | çapa göndər
Sentyabrın 16-da Özbəkistanın sədrlik etdiyi Şanxay Əməkdaşlıq Təşkilatına üzv ölkələrin Səmərqənddə Sammiti keçirilib. Dövlət başçısı İlham Əliyev Özbəkistan Prezidenti Şavkat Mirziyoyevin dəvəti ilə Şanxay Əməkdaşlıq Təşkilatına üzv ölkələrin Sammitinə fəxri qonaq kimi qatılaraq, bu tribunadan Azərbaycan reallıqlarını beynəlxalq ictimaiyyətin diqqətinə çatdırdı. Prezident İlham Əliyev təşkilatın Səmərqənd Sammitində hazırkı dövrün əsas çağırışlarını, vacib mesajları səsləndirərək Azərbaycanın yeni dövrün tələbləri ilə bağlı mövqeyini açıqladı.
Şanxay Əməkdaşlıq Təşkilatı 2001-ci ildə Qazaxıstan, Çin, Qırğızıstan, Rusiya, Özbəkistan və Tacikistan tərəfindən Şanxayda təsis olunub. Hazırda Pakistan və Hindistan da bu təşkilatın üzvülüyünə qatılıblar. Əfqanıstan, İran, Monqolustan, Belarus dövlətləri təşkilatın müşahidəçi üzvüləri və Azərbaycan, Türkiyə, Şri-Lanka, Kamboca, Nepal, Ermənistan, Misir, Qətər, Səudiyyə Ərəbistanı isə təşkilatın dialoq tərəfdaşıdır. Şanxay Əməkdaşlıq Təşkilatının əsas məqsədləri üzv dövlətlər arasında qarşılıqlı etimad və qonşuluq münasibətlərinin gücləndirilməsi, regionda sülh, təhlükəsizlik və sabitliyin əldə edilməsi üçün birgə səylərin göstərilməsi, siyasət, ticarət, iqtisadiyyat və digər sahələrdə effektiv əməkdaşlığın inkişaf etdirilməsi, yeni siyasi və iqtisadi beynəlxalq düzənin yaradılması üçün addımların atılmasından ibarətdir.
Sammitdə çıxış edən Prezident İlham Əliyev Azərbaycanın regional kommunikasiya layihələri, tranzit və nəqliyyat-logistika imkanları ilə bağlı geniş məlumat verərək Azərbaycanın Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin birbaşa Şanxay Əməkdaşlıq Təşkilatı ölkələri üçün böyük iqtisadi əhəmiyyət kəsb etdiyini vurğulayıb. Hazırda Bakı Beynəlxalq Dəniz Ticarət Limanı ildə 15 milyon ton yükaşırma qabiliyyətinə malik olmasını və ildə 25 milyon tona qədər artırıla biləcəyini, bu ilin ilk 7 ayında Azərbaycan ərazisindən keçən tranzitin 50 faizə yaxın artdığını qeyd edib.
2020-ci ilin sonunda Qarabağ münaqişəsinin həlli regionumuzda nəqliyyat-kommunikasiya layihələrinin inkişafı üçün yeni imkanlar yaratdığını vurğulayan Prezident İlham Əliyev Zəngəzur dəhlizi açıldıqdan sonra da bunun, region ölkələrinin nəqliyyat imkanlarını daha da artıracağını və marşrut boyu yerləşən bütün ölkələr üçün faydalı olacağını Sammit iştirakçılarının diqqətinə çatdırıb.
Azərbaycan xalqı həmişə əmin-amanlığın, sülhün tərəfdarı olub. 2020-ci ilin payızında 44 günlük Vətən müharibəsini tarixi Zəfərlə başa vuran Azərbaycan öz torpaqlarını işğaldan azad etdi və bununla da tarixi ədalət bərpa olundu. İndi isə Azərbaycan bu regionda dayanıqlı sülh və təhlükəsizliyi təmin etmək niyyətindədir. Lakin Ermənistanın sentyabrın 13-də, təmas xəttində geniş miqyaslı təxribatlara əl atması sülh danışıqları prosesinə güclü zərbə vurdu. Azərbaycana hərbdən başqa yol qoymadı. Prezident İlham Əliyev sammitdəki çıxışında bəzi aparıcı beynəlxalq təşkilatların səmərəsizliyinin narahatlıq doğurduğunu da qeyd etdi. Bununla əlaqədar 1993-cü ildə BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən çıxarılmasını tələb edən dörd qətnaməsini vurğulayaraq, Təhlükəsizlik Şurasının bəzi qətnamələrinin bir neçə gün ərzində yerinə yetirildiyi halda, Azərbaycandakı vəziyyətlə bağlı qəbul olunmuş qətnamələrin 27 il ərzində icra olunmamasını diqqətə çatdırdı. Azərbaycan Qarabağ münaqişəsini özü hərbi-siyasi yolla həll edib və Təhlükəsizlik Şurasının yuxarıda qeyd olunan qətnamələrinin icrasını təmin etdi. Azərbaycan Prezidenti öz çıxışında Azərbaycanın öz fəaliyyətini beynəlxalq hüquqa, ədalətə və qlobal təhlükəsizliyə əsaslanaraq həyata keçirməkdə davam edəcəyini bir daha bəyan etdi .Sammitin yekununda qəbul edilən Bəyannamədə regional sabitliyin, təhlükəsizliyin və davamlı iqtisadi inkişafın təmin edilməsi, nəqliyyat əlaqələrinin gücləndirilməsi kimi məsələlər öz əksini tapıb. Azərbaycanın dünyaya nümunə olan inkişaf modeli ölkəmizin qlobal məsələlərin həllinə öz töhfələrini verməsində əhəmiyyətli rol oynayır.
Prezident İlham Əliyev Türkiyə Prezidenti Rəcəb Tayyib Ərdoğan, Çin Xalq Respublikasının Sədri Si Cinpin, Pakistan İslam Respublikasının Baş naziri Şahbaz Şərif və Rusiya Prezidenti Vladimir Putin ilə görüşdü. Şanxay Əməkdaşlıq Təşkilatına üzv dövlətləri ilə iqtisadi, siyasi və humanitar sahədə əlaqələrin hazırkı səviyyəsi və perspektivləri geniş müzakirə edildi. Bir daha qeyd olundu ki, münasibətlərin yeni istiqamətlər üzrə inkişafı üçün geniş imkanlar mövcuddur.
YAP Samux rayon təşkilatının sədri Gündüz Bayramov.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-05-2024
