Mobil versiya
Zakir Həsənov: “Son təxribatlar ermənilərə çox baha başa gəldi“
Tarix: 15-05-2016 | Saat: 18:52
Bölmə:Gündəm | çapa göndər

Zakir Həsənov: “Son təxribatlar ermənilərə çox baha başa gəldi“





"Tarix boyu Ermənistan Azərbaycan xalqına düşmənçilik mövqeyindən çıxış edib, yüzilliklər boyu bunu nümayiş etdirib"

Bu sözləri Azərbaycanın müdafiə naziri Zakir Həsənov Qəbələdə Azərbaycan-Gürcüstan-Türkiyə müdafiə nazirlərinin üçtərəfli görüşünün yekunlarına həsr olunmuş mətbuat konfransında bildirib.

Nazirin sözlərinə görə, Azərbaycan ordusu cəbhədə erməni təxribatlarının qarşısını alır və gələcəkdə də alacaq: “Silahlı Qüvvələrin Ali Baş Komandanı, Prezident İlham Əliyev dəfələrlə bəyan edib ki, Azərbaycan sülh tərəfdaşıdır və məsələni sülh yolu ilə həll etmək istəyir. Lakin son illər göstərir ki, beynəlxalq qərarların (Ermənistanın işğalçılıq siyasətinə son qoyması ilə bağlı – red.) həyata keçirilməsində böyük problemlər var. Ona görə də, biz güclü olmalı, ordumuzu gücləndirməliiyk. Silahlı Qüvvələrimiz yüksək döyüş hazırlığına malikdir və bu gün prezidentin orduda həyata keçirdiyi islahatlar öz bəhrəsini verir. Azərbaycan ordusu qarşısında duran vəzifələrini yerinə yetirməyə qadirdir və hazırdır”.

Ermənistan qoşunlarının mülki əhalini atəşə tutması ilə bağlı sualı cavablandıran nazir bildirib ki, gələcəkdə də bu təxribatların qarşısı alınacaq və düşmənə daha ağır zərbə vurulacaq: “Son təxribatlar onlara çox baha başa gəldi, həm canlı qüvvə, həm də texnika baxımından çoxsaylı itki verdilər. Bu gün Prezident və Azərbaycan xalqı Silahlı Qüvvələrinin fəaliyyətini yüksək qiymətləndirir. Ordunun şəxsi heyəti bu dəstəyi hiss edir”

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024