AZ RU Mobil versiya
TÜRKSOY-un mətbuat mükafatları Qarabağdan yazan jurnalistlərə veriləcək
Tarix: 03-03-2021 | Saat: 13:41
Bölmə:Gündəm | çapa göndər

TÜRKSOY-un mətbuat mükafatları Qarabağdan yazan jurnalistlərə veriləcək

TÜRKSOY-un Baş katibi Düsen Kaseinov ilə mədəniyyət naziri Anar Kərimov arasında görüş keçirilib.

Mədəniyyət Nazirliyindən aia.az -a verilən məlumata görə, görüşdə Azərbaycanın TÜRKSOY-la sıx əməkdaşlıq etdiyi vurğulanaraq gələcək birgə fəaliyyətlə bağlı fikir mübadiləsi aparılıb.

Nazir ortaq mədəni irsimizi dünyaya tanıdan TÜRKSOY-un ölkəmiz üçün dəyərli təşkilat olduğunu, Azərbaycanın bundan sonra əməkdaşlığın daha da genişlənməsində maraqlı olduğunu bildirib.

TÜRKSOY-un “Türk dünyasının mədəniyyət paytaxtı” layihəsindən söz açan D.Kaseinov qeyd edib ki, gələn ildən təşkilata üzv ölkələrin də dəstəyi ilə bu layihəni hər ildə iki paytaxt olaraq davam etdirmək istəyirlər. Bu cür praktika Avropanın “mədəniyyət paytaxtı” layihəsində də var. Mədəniyyət paytaxtı şəhərlərindən bir türk dünyasının şərqindən, biri qərbindən ola bilər.

Baş katib həmçinin bildirib ki, TÜRKSOY-un ənənəvi mətbuat mükafatlarını bu il Qarabağdan yazan türk dünyası jurnalistlərinə verməyi qərara alıblar. D. Kaseinov təklif edib ki, mükafatlandırma mərasimi Bakıda keçirilsin və mərasimdən sonra Qarabağ ziyarət edilsin.

A.Kərimov təklifin dəyərləndiriləcəyini qeyd edib.

aia.az



Məlumatlanmaq üçün Facebook səhifəmizi

5105 dəfə oxunub.


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
19-04-2021
16-04-2021