Mobil versiya
Armen Sarkisyan: “Ermənistan həm müharibədə, həm də beynəlxalq platformalarda məğlub olub”
Tarix: 18-11-2020 | Saat: 10:23
Bölmə:Dünya | çapa göndər

Armen Sarkisyan:


Ermənistan Prezidenti Armen Sarkisyan ölkədə növbədənkənar parlament seçkilərinin keçirilməsinin lazım olduğunu bildirib.

Bu barədə Rusiyanın NTV telekanalı xəbər yayıb.

Onun fikrincə, həmin vaxta qədər idarəetmə milli razılıq hökumətinə verilməlidir.

Armen Sarkisyanın sözlərinə görə, Ermənistan həm müharibədə, həm döyüş meydanında, həm də diplomatik və beynəlxalq platformalarda məğlub olub:

“Mövcud vəziyyəti və ictimai tələbləri nəzərə alaraq daxili siyasi təlatümlərdən qaçınmaq üçün növbədənkənar parlament seçkilərinin keçirilməsinin zəruri olduğu açıq-aşkar görünür”.

O, bununla əlaqədar məsələləri müzakirə etmək üçün ictimai və siyasi həyatın müxtəlif sahələrinin çoxsaylı nümayəndələri ilə görüşdüyünü söyləyib.

“Görüş iştirakçılarının böyük əksəriyyəti bir məsələdə - Baş nazirin Konstitusiyaya uyğun olaraq istefası, yaxud da səlahiyyətlərinin ləğvi və erkən parlament seçkilərinin keçirilməsi barədə razılıqlarını bildiriblər”, - deyə Sarkisyan əlavə edib.

Qeyd edək ki, Ermənistan parlament respublikasıdır, yəni erkən seçkilərin keçirilməsi hökumətin və baş nazirin istefasını nəzərdə tutur. Yeni hökumət və baş nazir parlament çoxluğu tərəfindən seçilir.

aia.az



Məlumatlanmaq üçün Facebook səhifəmizi

5490 dəfə oxunub.


Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
23-11-2020
20-11-2020