Mobil versiya
Azərbaycan xaricdən nə qədər avtomobil alıb?
Tarix: 17-11-2020 | Saat: 10:58
Bölmə:İqtisadiyyat | çapa göndər

Azərbaycan xaricdən nə qədər avtomobil alıb?


2020-ci ilin yanvar-oktyabr ayları ərzində Azərbaycan xaricdən 42 min 827 ədəd avtomobil idxal edib.

Oxu.Az-ın Dövlət Gömrük Komitəsindən əldə etdiyi məlumata görə, alınan avtomobillərin ümumi dəyəri 511 milyon 375,4 min dollar həcmində olub. Ötən ilə nisbətən ölkəyə xaricidən avtomobil alışını 20,8 faiz və ya 7370 ədəd artırılıb.

Müvafiq dövr ərzində ölkəmiz xaricidən 156 ədəd sürücü daxil olmaqla 10 nəfər və ya daha çox adam daşımaq üçün nəzərdə tutulmuş mühərrikli nəqliyyat vasitələri alıb. Bu avtomobillərin idxal dəyəri 13 milyon 751,8 min dollar təşkil edib. Lakin, bu tip avtomobillərin idxal həcmində ötən ilə nisbətən azalma var. Bu il 2,8 dəfə və ya 285 ədəd az avtobus idxal edilib.

İdxal edilən avtomobillərin əksəriyyəti minik avtomobilləridir. 2020-ci ilin 10 ayı ərzində 39 min 853 ədəd bu tipdə avtonəqliyyat vasitələri idxal olunub və onların ümumi dəyəri 442 milyon 271,9 dollar təşkil edib. Ötən ilə nisbətən idxal həcmi 24,8 faiz və ya 7919 ədəd çox olub.

2019-cu ilə nisbətən yük daşımaq üçün mühərrikli nəqliyyat vasitələrinin idxal həcmi 7,8 faiz və ya 229 ədəd az olub. Bu ilin yanvar-oktyabr ayları ərzində 2 min 705 ədəd bu tipdə avtomobil idxal olunub və onların ümumi dəyəri 39 milyon 438,6 min dollar təşkil edib.

Eləcə də, xüsusi təyinatlı mühərrikli nəqliyyat vasitələrinin alış sayında da azalma var. Ötən ilin müvafiq dövrü ilə müqayisədə bu 23,6 faiz və ya 35 ədəd az olub. 2020-ci ilin ilk 10 ayı ərzindən 113 ədəd xüsusi təyinatlı mühərrikli nəqliyyat vasitələri alınıb və onların ümumi idxal dəyəri 15 milyon 913,1 dollar olub.

Qeyd edək ki, 2019-cu ilin eyni dövründə Azərbaycan xaricidən ümumi 35 min 457 ədəd avtomobil idxal edilib.

aia.az



Məlumatlanmaq üçün Facebook səhifəmizi

5704 dəfə oxunub.


Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
25-11-2020
24-11-2020