Mobil versiya
Deputat: Nəticələr onu göstərir ki, Azərbaycan düzgün istiqamətdə inkişaf edir
Tarix: 2-08-2019, 10:49 | Saat: 15:47:00
Bölmə:Siyasət | çapa göndər

Deputat:


Azərbaycanda 2019-cu ilin birinci yarısının sosial-iqtisadi göstəriciləri olduqca müsbətdir.

Bunu Trend-ə Milli Məclisin Yeni Azərbaycan Partiyasından olan deputatı Sahibə Qafarova deyib.

S.Qafarova bildirib ki, bu ilin altı ayında ölkə iqtisadiyyatı 2,4 faiz, qeyri-neft sektoru 3,2 faiz artıb:

“Qeyri-neft sənayesində artım göstəricisi 15,7 faizdir. Bu rəqəmlər iqtisadi inkişaf strategiyasının son altı ayda da uğurla icra edildiyini, səmərəli nəticələr əldə olunduğunu göstərir. Xüsusilə də, qeyri-neft sektorunda artım tempinin davam etməsi təqdirəlayiq haldır”.

Deputatın sözlərinə görə, əldə olunan bütün nəticələr onu göstərir ki, Azərbaycan düzgün istiqamətdə inkişaf edir: “Bununla yanaşı, biznes mühitinin yaxşılaşdırılması istiqamətində çox ciddi addımlar atılıb. Azərbaycanın valyuta ehtiyatları 49 milyard dollara çatıb, xarici borcu 4 faiz aşağı düşüb”.

2019-cu ildə Azərbaycanda həyata keçirilən sosial layihələr haqqında danışan S.Qafarova vurğulayıb ki, sosial sahə daim Azərbaycan dövlətinin siyasətində prioritet itsiqamətlərdən biri olub:

“Bu ilin əvvəlində Prezident İlham Əliyev tərəfindən çox böyük bir sosial paket təsdiqləndi və bu sosial təşəbbüslər 4 milyondan çox vətəndaşımızı əhatə edir. Ümumilikdə bu il cənab Prezident tərəfindən təsdiqlənən iki sosial paketin ümumi dəyəri cari il üçün 2,3 milyard, növbəti il üçün 3 milyard manatdır.

Minimum əməkhaqqının təxminən 2 dəfə, məcburi köçkünlərə verilən müavinətlərin isə 50 faiz qaldırılması, eləcə də minimum pensiyanın 116 manatdan 200 manata çatdırılması, ilin əvvəlindən 60 min yeni iş yerinin açılması və digər müsbət reallıqlar məqsədyönlü sosial siyasətin uğurla davam etdirilməsindən xəbər verir. Əlbəttə ki, bu addımlar çox əhəmiyyətlidir və buna böyük maliyyə vəsaiti lazımdır. Azərbaycanın iqtisadi inkişafı bu tədbirlərin lazımi qaydada həyata keçirilməsinə imkan verir. Hər bir Azərbaycan vətəndaşı iqtisadi inkişafın müsbət təsirlərini öz həyatında hiss edir”.

aia.az



5102 dəfə oxunub.

Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

15-11-2019
14-11-2019
«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930