Mobil versiya
İran səfirliyindən Paşinyanın Tehran qalmaqalı haqda AÇIQLAMA: “Bunu pisləyirik!”
Tarix: 04-03-2019 | Saat: 16:41
Bölmə:Manşet / Siyasət | çapa göndər

İran səfirliyindən Paşinyanın Tehran qalmaqalı haqda AÇIQLAMA: “Bunu pisləyirik!”


İran İslam Respublikasının Azərbaycandakı səfirliyi Ermənistanın baş naziri Nikol Paşinyanın Tehranda yaşayan bir qrup erməninin “Ararat” klubunda keçirdiyi görüş barədə açıqlama yayıb.

Səfirlikdən Modern.az-a verilən açıqlamada deyilir:


“İran İslam Respublikasının Azərbaycan Respublikasındakı səfirliyi bəyan edir ki, İran İslam Respublikasının dövlət rəsmiləri Ermənistanın baş naziri ilə Tehranda yaşayan bir qrup erməninin “Ararat” klubunda baş tutmuş özəl görüşünə heç bir müdaxilə etməyib, bu görüşdə asılmış plakat və səsləndirilmiş şüarları, İran XİN-in hörmətli sözçüsünün də dediyi kimi, özbaşına atılmış və qəbuledilməz bir addım kimi qiymətləndirir və bunu pisləyir.

Vurğulamaq istərdik ki, İran İslam Respublikası Azərbaycan Respublikasının müstəqillik qazandığı ilk və çətin günlərində həmişə Azərbaycan dövləti və millətinin yanında olub, Azərbaycan Respublikasının ərazi bütövlüyünü dəstəkləyib və bu siyasətini dəyişməyəcək. Həmçinin düşünürük ki, Qarabağ münaqişəsi Azərbaycan Respublikasının ərazi bütövlüyünə hörmət prinsipi əsasında və sülh danışıqları yolu ilə iki tərəf arasında həllini tapacaqdır.

İran İslam Respublikasının Azərbaycan Respublikası ilə dostluğu və qardaşlığı əbədidir və heç bir təxribat iki xalqın iradəsinə xələl yetirə bilməz”.



aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə