Mobil versiya
Hacıqabul-Kürdəmir avtomobil yolunun açılışı oldu – FOTO + VİDEO
Tarix: 30-12-2015, 16:21 | Saat: 15:47:00
Bölmə:Gündəm / Seçilənlər-3 / Manşet2 / Karusel | çapa göndər

Hacıqabul-Kürdəmir avtomobil yolunun açılışı oldu – FOTO + VİDEO
Asfalt-beton örtüyü isə 3 qat olmaqla qalınlığı 25 sm-dir.

Bakı-Ələt-Qazax-Gürcüstan dövlət sərhədi avtomobil yolunun 120-200-cü kilometrlik Hacıqabul-Kürdəmir hissəsinin yenidənqurmadan sonra açılış mərasimi keçirilib.

ASC-dən Aia.az-a daxil olan məlumata görə, açılış mərasimində “Azəryolservis” Açıq Səhmdar Cəmiyyətiin sədri Saleh Məmmədov iştirak edib.

Saleh Məmmədov yolun rəmzi açılışını bildirən qırmızı lenti kəsib.

Qeyd edək ki. Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”na əsasən “Qədim ipək yolu”nun bir hissəsi olan “Hacıqabul – Kürdəmir avtomobil yoluna 2 zolaq əlavə edilməklə I texniki dərəcəyə təkmilləşdirilməsi” layihəsinin icrasına 2011-ci ilin dekabr ayında başlanılıb.

Bakı-Ələt-Qazax-Gürcüstan dövlət sərhədi avtomobil yolunun 120-200-cü kilometrlik ( 80 km ) Hacıqabul-Kürdəmir hissəsinin layiləndirilməsində müəyyən dəyişikliklərin edilməsi, yolun təhkim zolağına düşən torpaq sahələrinin və tikililərin satınalınması zamanı yaranan razılaşma problemləri və sair səbəblər ucbatından gecikmələr baş vermişdi.

Lakin şəxsən “Azəryolservis” ASC rəhbərliyinin müdaxiləsi ilə gecikmələrə səbəb olan problemlərin həll edilməsi, mütəmadi olaraq işlərin gedişi ilə yerindəcə tanış olaraq, müvafiq tapşırıq və tövsiyyələrin verilməsi sayəsində işlər sürətləndirildi. Nəticədə qısa zaman ərzində tikinti-quraşdırma işləri magistral avtomobil yolunda nəqliyyatın fasiləsiz hərəkəti dayandırılmadan yerinə yetirildi, bütün işlər beynəlxalq tikinti və normalarının tələblərinə uyğun keyfiyyətlə aparılaraq yol nəqliyyatın istismarına hazır vəziyyətə gətirildi.

Layihə üzrə yolun ümumi eni 27,5 metrdir. Hərəkət zolaqlarının sayı 4 olmaqla, hər bir zolağın eni 3,75 metr, yol örtüyü polimer asfalt-betondur. Yol yatağının qalınlığı hamarlayıcı qat 30 sm, əsasın alt layı 25 sm, əsas lay 20 sm olmaqla ümumilikdə 75 sm-dir. Asfalt-beton örtüyü isə 3 qat olmaqla qalınlığı 25 sm-dir ( bitumlu lay 12 sm.,əlaqələndirici lay 8 sm., aşınma layı 5 sm.)

Bakı-Ələt-Qazax-Gürcüstan dövlət sərhədi avtomobil yolunun Hacıqabul-Kürdəmir hissəsinin yenidənqurulması layihəsi çərçivəsində 5 ədəd yol qovşağı və 1 ədəd su üzərindən (hidravlik) körpünün inşası həyata keçirilərək yekunlaşdırılıb. Girdman çayı üzərində köhnə hidravlik körpünün gücləndirilməsi ilə svay vurma işləri aparılıb.

Bundan başqa yolda 19 ədəd yeraltı keçid, 25 ədəd düzbucaqlı drenaj qurğusu, 148 ədəd suötürücü dairəvi boru mənfəz və 24 ədəd avtobus dayanacağı tikilib. Nəqliyyat vasitələrinin hərəkətinin tənzimlənməsi məqsədi yol boyu müvafiq yol nişanlarının quraşdırılması, yol cizgi xətlərinin və yol göstərici xətlərinin çəkilişi aparılıb, yol boyu ikitərəfli işıqlandırma sistemlərinin qurulması işləri həyata keçirilib.

Bir sözlə prezident İlham Əliyevin tapşırığına əsasən “Azəryolservis” ASC tərəfindən Bakı-Ələt-Qazax-Gürcüstan dövlət sərhədi avtomobil yolunun Hacıqabul-Kürdəmir hissəsinə 2 zolaq əlavə edilməklə I texniki dərəcəyə təkmilləşdirilməsi layihəsi uğurla və yüksək keyfiyyətlə icra olunub və burda müasir yol infrastrukturunun yaradılması işləri tam olaraq yekunlaşdırılıb.
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO
Hacıqabul-Kürdəmir avtomobil yolunun açılışı oldu – FOTO + VİDEO



55 096 dəfə oxunub.

Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

13-11-2019
«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930