Mobil versiya
Prezident İlham Əliyev verdiyi bütün vədlərə əməl edib
Tarix: 09-04-2018 | Saat: 11:23
Bölmə:Manşet / Siyasət | çapa göndər

Prezident İlham Əliyev verdiyi bütün vədlərə əməl edib


"Möhtəşəm nailiyyətlər göstərir ki, prezident İlham Əliyev 2003-cü ildə prezident seçildikdən sonra verdiyi bütün vədlərə əməl edib, Azərbaycanı güclü və qüdrətli dövlətə çevirib"

Bunu Prezidentliyə namizəd İlham Əliyevin səlahiyyətli nümayəndəsi Siyavuş Novruzov YAP-ın saytına münasibətində deyib.

YAP rəsmisinin sözlərinə görə, seçicilərlə keçirilən görüşlər və rəy sorğuları zamanı ifadə olunan fikirlər cənab İlham Əliyevin Azərbaycan xalqının alternativsiz seçimi olduğunu göstərir.

"Vətəndaşlar Azərbaycanın son 15 ildə Prezident İlham Əliyevin rəhbərliyi ilə həyata keçirilən uğurlu siyasətin fonunda böyük inkişaf yolu keçdiyini, bu hərtərəfli və dinamik inkişafın bütün sahələri əhatə etdiyini bildirirlər. Azərbaycanın gələcək inkişafı məhz Prezident İlham Əliyevin adı ilə bağlı olduğu üçün vətəndaşlar bu inkişafın, sabitliyin davam etməsi üçün yenə də cənab İlham Əliyevə səs verəcəklərini bəyan edirlər. Yəni xalq Azərbaycanda inkişaf və sabitliyin davamlı olması naminə cənab İlham Əliyevi dəstəkləyir. Seçicilər qeyd edirlər ki, ölkəmizi parlaq gələcəyə apara biləcək lider məhz Yeni Azərbaycan Partiyasının namizədi cənab İlham Əliyevdir".

S.Novruzov qeyd edib ki, xalqın birmənalı seçiminin Prezident İlham Əliyev olması təsadüfi deyil. Çünki Azərbaycan ötən 15 il ərzində Prezident İlham Əliyevin rəhbərliyi ilə möhtəşəm inkişaf yolu keçib, bütün sahələrdə ciddi nailiyyətlər əldə edilib.

"Azərbaycan öz iqtisadi tərəqqisi ilə inkişafın milli modelini formalaşdırıb. Ölkəmizin hərtərəfli inkişafı, verilən hər bir vədin konkret əməli işdə öz təsdiqini tapması xalq-iqtidar birliyini daha da möhkəmləndirib, vətəndaşların Prezident İlham Əliyevin ətrafında sıx birləşməsini təmin edib. Prezident İlham Əliyevin rəhbərliyi ilə həyata keçirilən mükəmməl iqtisadi strategiya nəticəsində islahatların davamlılığı təmin edilib, iqtisadi inkişaf daha da sürətlənib. Bu isə xalqın Prezident İlham Əliyevə inamını və güvənini daha da artırıb. Əminliklə söyləmək olar ki, bu reallıqlar aprelin 11-də prezident seçkilərində özünü göstərəcək və Yeni Azərbayca Partiyasının Sədri cənab İlham Əliyev növbəti dəfə qələbə qazanacaq!".



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə