Mobil versiya
Partiya sədrindən Əli Kərimliyə sərt sözlər: “Bu, mənəviyyatsızlıqdır”
Tarix: 19-01-2018 | Saat: 17:41
Bölmə:Siyasət | çapa göndər

Partiya sədrindən Əli Kərimliyə sərt sözlər: “Bu, mənəviyyatsızlıqdır”




“Azərbaycan Xalq Cəbhəsi Partiyasının sədri Əli Kərimlinin Müsavat Partiyasının sabiq başqanı İsa Qəmbəri ağır vəziyyətində xatırlamaması, ona keçmiş olsun deməməsi mənəviyyatsızlıqdan başqa bir şey deyil”.

Bunu AzVision.az-a müsahibəsinə Azərbaycan Demokrat Partiyasının sədri Sərdar Cəlaloğlu deyib. Partiya sədri hesab edir ki, şəxsi münasibətlər həmin siyasətçinin daxili mənəviyyatının, siyasiliyinin güzgüsüdür:

“Azərbaycan hökuməti, Yeni Azərbaycan Partiyası bəyan etdi ki, biz İsa Qəmbəri xaricdə müalicə etməyə hazırıq. Bunun özü göstərir ki, Azərbaycan iqtidarı siyasi mədəniyyət baxımından İsa Qəmbərə şəxsi münasibətlərə görə şəfa diləməyən, keçmiş olsun deməyənlərdən yüksəkdədir”.

S.Cəlaloğlu AXCP sədrini insan sevməməkdə, siyasətə görə insanlara nifrət etməkdə ittiham edib: “Humanizm olmayan yerdə hansı siyasətdən söhbət gedə bilər? Siyasətin əsası, nəhəng daşı, insansevərlikdir. İnsan sevdiyinə görə istəyirsən ki, xoşbəxt olsun. Əgər insanı sevmirsənsə, siyasətə görə insanlara nifrət edirsənsə, siyasətin əsasından uzaq məqsədlə bura gəlmisən. Hesab edirəm ki, şəxsi münasibətlər həmin siyasətçinin daxili mənəviyyatının, siyasiliyinin güzgüsüdür. Şəxsi münasibətləri düzgün qurmayan siyasi lider ictimai, siyasi münasibətləri düzgün qurub idarə edə bilməz. Yəni, həmin adam lider, ölkə başçsı ola bilməz. Bu gün sən müxalifətdə mənimlə intriqa aparırsansa, iqtidara gələndə nə edəcəksən? “Filankəs agentdir, u belədir, o elədir” yanaşması ilə siyasət qurmaq olmaz. Vaxtilə bir cəbhədə olan insanların bu gün boş-boş məsələləri əsas götürüb, ağır məqamlarda bir-birinin yanında olmaması mənəviyyatsızlıqdan başqa bir şey deyil”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə